29/12/2016

Consolidación de Emprego 2017


Hoxe, 29 de decembro Correos fixo o ANUNCIO da Convocatoria de Exame de Consolidación de Emprego para o vindeiro ano 2017.

Número Prazas Convocadas:

Ø          2.345 prazas para postos de operativos (axente clasificación, reparto moto e pé) cun porcentaxe para a cota de discapacitados, que nunca poderán superar as 100 prazas.

Ø          Entre 85 e 105 prazas para postos de singular complexidade técnica ou especialización nos Grupos II e III.

As Convocatorias de exame de ingreso serán provincias e o sistema de ingreso será por Concurso-Oposición (como as deste ano) e xa advirten que na oferta haberán postos a tempo parcial.

Queda pendente: A publicación das Bases xerais na que consten os requisitos esixidos, sistema de selección (fases, probas e valoración) probas, composición do Órgano de Selección, recoñecementos médicos.

Unha vez publicadas as Bases xerais se procedería ás Convocatorias provinciais co números de prazas ofertadas por provincia, características e modalidades de contratos, prazos e forma de presentar as solicitudes.

A présa e segredo desta convocatoria por parte de Correos e dos seus colegas (CCOO, UGT, S.L. e CSIF),  fainos crer que a maioría da prazas convocadas serán a tempo parcial.

Correos publicará toda a información na súa web: www.correos.es




Contratación Eventual por Módulos





28/12/2016

CIGcorreos: A partir de 2017 ¡ Catro bloques de contratos de eventualidade ¡

Con esta medida pretenden que os contratados e contratadas non se vexan obrigados a non poder ser chamados para contratos de eventualidade por ter contratos deste tipo por mais de 6 meses nos últimos 12 meses.


 


Nos dende a CIG o que nos preguntamos é por que non se tomou antes esta medida, porque se non hai agora ningún impedimento legal para levala á practica tampouco o habería en todo este ano que estamos a rematar no que moitos dos contratados e contratadas se viron nas  súas casas mentres se chamaba a persoas alleas a Correos e de fora das bolsas. QUE NOS VEÑEN A VENDER AHORA??

A partir de 2017, na vez de estar como ata agora todos os contratos de eventualidade incluídos no mesmo bloque, agás os de notificacións de tarde, sumando para os 6 meses, pois vamos a atoparnos con catro bloques diferenciados por motivos do contrato, podendo desta maneira acumular os 6 meses por cada un destes grupos, polo que vai a ser moi dificil que non se este en disposición de ser chamado para algún dos grupos ou bloques.

Estes son os bloques diferenciados de contratos de eventualidade por motivo da contratación:

  1. Por vacacións e ou Asuntos Particulares
  2. Por Licencias e Permisos
  3. Por Vacantes, Acumulacións, Reestruccturación Servicios, Compoñentes Absentismo...
  4. Por Entrega das Notificacións na quenda de tarde.
Non esquenzades que ademáis destes contratos sempre estades en condicións de ser chamados para os contratos de interinidade (Baixas, Permisos Sindicais, Suspensións, Nomeamentos e Comisions de Servicio...)

Se tedes algunha dúbida o respecto poñédevos en contacto coa CIGcorreos para ser informados.



Concentración Delegados CIG Correos diante da Dirección da Zona 1ª

Hoxe os Delegados do Sindicato CIG aproveitamos esta "festividade" dos Santos Inocentes para protestar dianta da Dirección da Zona 1ª de Correos polas políticas que se están a seguir có persoal que ocupa postos base dentro da empresa (carteir@s, axente clasificación e atención ao cliente).

E, fundamentalmente protestamos pola sanción inxusta imposta á compañeira da oficina de Boiro por devlover unha notificación da Axencia Tributaria por dirección incorrecta.

Lembrámosvos que esta compañeira leva por este motivo máis de dous meses suspendida de emprego e soldo. 

COA CIG NA RÚA A LOITA CONTINÚA


21/12/2016

Acción Social 2016

Coa vindeira nómina do mes de decembro de 2016 ingresarán a contía correspondente ás seguintes axudas de Acción Social:

·       TRATAMENTOS DA SAÚDE:

Abonaranse todas aquelas solicitudes que se axustaban ás bases da convocatoria

Atendéronse 5.815 de ate 200 €, en función do gasto acreditado,  por un importe total de 611.513 €
           
·       AXUDAS AO ESTUDO PARA FILLOS (libros e material escolar):

4.081 Axudas, de 100 € cada unha, por un importe total de 408.100 €
             
                 
·       AXUDAS PARA ESTUDOS UNIVERSITARIOS DE EMPREGADOS:

96 axudas de ata 200 € en función do gasto acreditado, que suman un importe total de 13.968 €

PARA MÁIS INFORMACIÓN POÑÉDEVOS EN CONTACTO COA C.I.G

A CIG Correos deséxalles a todos e todas unhas boas festas e un mellor 2017.


Aproveitamos estas datas para desexarlles a todos/as afiliados e simpatizantes un  Bo Nadal, a pesares da mala situación laboral  que afecta a centos de empregados galegos de Correos.
Dende a CIG Correos agardamos que o vindeiro ano os traballadores e traballadoras de Correos poidamos afrontar esta complicada situación de crise con unidade, determinación e bos resultados.
A CIG Correos seguirá adiante para denunciar o que outros calan ou ocultan por diversos intereses, seguirá defendendo todos os postos de traballo e loitando por mellorar os dereitos e condicións laborais. 
O noso é unha loita sen ataduras ás cadeas da empresa, por elo resulta un traballo sacrificado de moito esforzo, pero que asumimos de bo grado porque contamos co apoio, co respaldo e coa axuda de todos vos.
Nós brindaremos cun chupiño de licor café á vosa saúde, porque estades sempre aí e porque sabedes que podedes contar coa CIGcorreos.

Unha aperta e Felices Festas. 


24/11/2016

CIGcorreos: Estes de Unipost queren culpar a Correos de todos os seos males.

Vótanlle a culpa a Correos do impago das súas nóminas


Xa conseguiron "chupar" unha axuda da Generalitat para pagar atrasos e agora tratan de romper o convenio e deixar de pagar as nóminas aproveitando a man aberta que lle deixou a Reforma Laboral ós empresarios.

Parece ser que Correos deixou de darlle trato de cliente preferente para a entrega de toda aquela correspondencia para os destinos ós que non chega Unipost, coa conseguinte desaparición de descontos especiais e máis da facilidade do retraso dos pagos a tres meses porque Unipost non pagaba.

Xa se sabe como funciona a Comision Nacional dos Mercados e da Competencia, onde Unipost denunciou de novo a Correos, así que debemos estar preparados para calquera resolución.


Para ollar esta noticia preme aquí: ECONOMIA DIGITAL




CIGcorreos: Exame de Ingreso (ULTIMA HORA)


QUE HAI POUCAS PRAZAS ?, ¡¡ TI NON PRECISAS MÁIS QUE UNHA!!

MOITO ÁNIMO E MOITA SORTE 



LEMBRA:

  • Tes que estar ás 9:00 horas na facultade que che corresponda, pois será cando se abran as aulas e comenzarán os chamamentos.
  • Antes de saír da casa non esquenzas:
    • Saír coa antelación suficiente para ir mais tranquilo e evitar posibles imprevistos.
    • Documento acreditativo: DNI, Pasaporte, Carnet Conducir
    • Un bolígrafo azul ou negro (Sede previsores e levade algún de reposto)
    • É aconsellable levar impresa a asignación de onde tes que facer o exame (facultade e aula), podes consultala na px. web de Correos: preme AQUÍ
  • Os listados cos opositores que se corresponden deben estar á entrada das facultades e máis de cada aula.
  • O exame comenzará ás 10:00 horas
    • Ten atento/a ás instruccións que vos leerán.
    • Tes que agardar a que che manden abrir o exame e máis empezar.
    • Non poderás abandonar a aula ata que pasen 45 minutos dende o comenzo nin despois que queden menos de 10 minutos para rematar.
  • Se non te atopas nos listados ou tes calquera problema a pesar de ter todos os papeis, solicita facer o exame na aula de incidencias.
  • No caso que non poidas acudir o exame, ponte en contacto connosco o luns a primeira hora porque hai 24 horas para achegar escrito dirixido ó Órgano de Seleción coa Xustificación da non asistencia e solicitando facer unha nova proba. Terán que comunicarche a resolución.


18/11/2016

CIGcorreos: Deroches por un lado e recortes polo outro.

Correos tira os cartos en patrocinios e contratos de publicidade faltos da transparencia debida 



Correos renova por outro ano mais o seu patrocinio da selección española de balonmano. Os datos económicos non trascenden nin se fan públicos e descoñecemos a cantidade de diñeiro tirada por Correos .

Ademáis desta nova, a prensa faise eco estes días do toque de atención do Tribunal de Contas a Correos, entre outras Empresas Públicas, pola falta de transparencia na adxudicación de contratos de publicidade e polas irregularidades nos procesos de contratación dos mesmos.

Olla nos medios estas noticias:
EL DIARIO - INTERECONOMIA - 
PALCO 23 - MUNDO DEPORTIVO - MARCA


Na outra cara da moeda: Correos continúa cos recortes e concentracións de servicios para reducir custos.

Neste caso tocoulle a Baixa Limia, onde Correos pretende concentrar en Bande a todos os carteiros da zona, reducindo postos e horarios de atención ou facendo desaparecer as oficinas de Lobios, Muíños ou Entrino, coa oposición non so dos traballadores e traballadoras afectados, senón dos cidadáns e corporacións destes concellos.

Olla nos medios esta noticia:
LA VOZ DE GALICIA - FARO DE VIGO - LA REGIÓN

Outras novas: 

Correos deixa sen servicio o concello de Aranjuez pola falta de pago, debe máis de 80.000 €.

Cantos Concellos e Administracións en xeral son morosos con Correos e non pasa nada? Vai sendo hora de tomar medidas.

Olla na prensa:
LA VANGUARDIA



15/11/2016

CIGcorreos: Os carteiros de Ourense mobilízanse en contra dos traslados forzosos.

 FIXADO O CALENDARIO DE MOBILIZACIÓNS


Remataron con grande éxito, pola participación masiva dos traballadores e traballadoras, as dúas primeiras xornadas de concentracións.


Onte día 14 deron comezo as mobilizacións contra os traslados forzosos do persoal da Unidade de Reparto 1 de Correos diante da oficina da que forman parte, no barrio da Ponte de Ourense, que continuaron na xornada deste martes día 15. 

As protestas continuarán baixo esta fórmula, desprazándose á oficina principal da entidade en Progreso 53 para este mércores día 16, volvendo para a UR1 os vindeiros 17 e 18 de novembro, de 9 a 9:30h da mañá.

Non se descartan mobilizacións doutro tipo se dende a dirección de Correos non se toman medidas urxentes que suspendan defintivamente estes traslados inxusficados.



Dende a CIGcorreos o noso apoio incondicional para con todos os traballadores e traballadoras afectados pola reducción de postos e polos traslados forzosos da UR1 de Ourense. 


Para máis información na prensa preme aqui: 
CIGAVANTAR
FARO DE VIGO (Ollo, puxeron mal as datas)






Publicación Definitiva dos Admitidos e Excluídos, Asignación de Aulas, Lugar, Hora e Chamamentos

Hoxe día 14 de novembro, publicáronse as listaxes definitivas de admitidos/as e excluídos/as no proceso de Consolidación de Emprego e de  Acceso á Asignación das Aulas, Lugar e Hora dos chamamentos  na páxina Web de Correos www.correos.es - Información Corporativa / Recursos Humanos / Emprego / Consolidación de Emprego / Pantalla de Consulta de Admitidos/Excluídos / Pantalla de Accede á Asignación de Aula onde se introduce o N.I.F. (8 díxitos completar con 0 diante + letra) data de nacemento e un código alfanumérico que aparece en pantalla.

A información publicada contén datos persoais dos candidatos/as, provincia e posto ou postos de traballo solicitados e o seu estado dentro do proceso de selección (admitido ou excluído con motivo de exclusión), así como lugar de exame (universidade, facultade e aula).

O inicio da proba será o domingo 27 de novembro, ás 10:00 horas (9:00 nas illas Canarias), sendo o chamamento dos candidatos unha hora antes.

Os candidatos/as deberán ir provistos  de bolígrafo azul ou negro e DNI que acredite a súa identidade.

A proba consistirá de 100 preguntas tipo test acerca dos temas do programa, das que 10 serán psicotécnicas.

O tempo de realización do exame será de 90 minutos.

As persoas con grao de discapacidade que o indicaron, así como aquelas que teñan algún tipo de dificultade para realizar a proba en condicións normais, poderán indicar o grao de minusvalía ou dificultade que presentan para solicitar as posibles adaptacións de tempo e medios que poidan necesitar. Dispoñerán de prazo ata o 18 de novembro a través do correo electrónico provision.rrhh@correos.com

Lembrámosche que o criterio para a designación da localidade de exame a cada candidato foi a localidade de residencia que indicaches na túa solicitude.

- Se es da Coruña, Lugo, Ourense: Examínasche en: SANTIAGO DE COMPOSTELA
-   Se es de Pontevedra: examínasche en: PONTEVEDRA

Enlace Consulta ADMITIDOS/EXCLUÍDOS

Enlace Consulta ASIGNACIÓN DE AULA


Se queres máis información ponte en contacto coa xente da CIG.


CIGcorreos: Mobilizacións o 17 de novembro "ante a ameaza constante ás nosas pensións"

O colectivo de Xubiladas/os e Pensionistas da CIG convoca concentracións nas sete cidades







Para máis información e para ollar os lugares e horas das concentracións PREME AQUÍ




14/11/2016

CIGcorreos: Indignación en Correos de Ourense por traslados forzosos e recortes

Denuncian os inconvenientes da reubicación obrigatoria do distrito 4 e dos enlaces rurais da UR2, que levan acompañadas a amortización de dous postos de traballo.

Despois da decisión deste traslado inxustificable e decidido de xeito unilateral e poñendo en práctica a política de feitos consumados por Correos, sen ter en conta o persoal afectado nin escoitar alegacións nin propostas dos sindicatos, non desvotamos ningún tipo de medida diante desta decisión que non mellora nin as sobrecargas de traballo, nin as distancias por recorrido, incrementando o recargo de traballo, as acumulacións e incluso a fricción entre os propios compañeiros.

Esta medida ven ademáis acompañada da amortización de dous postos de traballo, 1 no distrito 1 e outro no distrito 4 desta cidade, continuando coa política de redución de plantilla que leva imprantando a empresa nos ultimos anos buscando reducir os custos e mellorar resultados económicos sen ter en conta o servicio público que se presta e a merma de calidade que supón de cara ós usuarios destes servicios prestados por Correos.

Dende a CIG rexeitamos por completo esta medida e trataremos con todos os medios que temos ao noso alcance que non se poña en practica, loitando ata onde podamos co respaldo do persoal afectado.(Xa para este luns esta previstas concentracións e recollida de sinaturas de todo o persoal contrarias a esta decisión)

Para máis información PREME AQUÍ



07/11/2016

CIGcorreos: Privatizacion, Acumulacions, Zonas sen Reparto e Falta de Persoal. Solucións para cando?

FOLGA DOS CARTEIROS EN ITALIA

 (SEGUE A PRIVATIZACIÓN NA "POSTE ITALIANE" )


Coa venda que pretende o goberno italiano do 30% das accións que lle quedan ó estado nesta empresa, a "Poste" pasará de ter a totalidade do capital púlblico no ano 2015 a quedar privatizada no 100% despois dunha primeira venta do 34,5% no pasado ano e coa desaparición do capital público do seu accionariado, cando se leve a cabo a operación xa aprobada polo goberno, tratando de buscar diñeiro fácil para rebaixar o deficit público, sen ter e conta para nada a estabilidade dos mais de 20.000 empregados nin o carácter social da entidade.

Todas as forzas e o noso apoio ós compañéiros italianos en folga, que loitan na defensa dun servicio público, que os gobernos tratan de privatizar a toda costa baixo as presións dos grupos de poder e sen mais xustificación que a redución dun deficit público do que non somos causantes.

Xa vimos recortar as barbas de veciños como Reino Unido e Portugal, agora vai Italia polo mesmo camiño... debemos poñer a remollo as nosas? Temos que estar preparados para frenalos.

Olla na prensa: Pincha AQUI


ACUMULACIÓNS E ZONAS SEN REPARTO
(O PAN DE CADA DÍA POLA FALTA DE PERSOAL)

Se ollamos a prensa a diario, aparece día sí, día tamén, algunha ou varias noticias que fan referencia as acumulacións e atrasos de correspondencia que hai en algúns puntos concretos ou incluso zonas que levan tempo sen reparto.


A semana pasada tocoulle figurar a Melilla, agora é Granada e tamén unha zona da montaña oriental Leonesa (Val de Valdeburón) que leva varios días sen correo. Todos sabemos que postos a nomear poderiamos encher todo un periodico de "esquelas" con casos similares.


Non podemos deixar que a costume de ollar estas denuncias e noticias nos faga caer no inmobilismo e no conformismo, temos que loitar entre todos para que se cubran todos os postos de traballo a diario coa contratación necesaria e para que as plantillas teñan o suficiente persoal para levar a cabo as funcións dos nosos postos de traballo atendendo este servicio público coa calidade que se merecen os cidadans e respectando os nosos dereitos como traballadores e traballadoras.


Olla na prensa, pincha aquí: Valdeburón, Granada



28/10/2016

CIGcorreos: 3ª Resolución do Concurso de Traslados


3ª  RESOLUCIÓN  DO  CONCURSO PERMANENTE   (OUTUBRO– 2016)

18  PRAZAS ADXUDICADAS EN GALIZA:  A CORUÑA  13,   LUGO 0, PONTEVEDRA 4 e OURENSE 1.
TOTAL PRAZAS ADXUDICADAS NO CONCURSO 278 PRAZAS :  30 REPARTO A PÉ,  159 REPARTO MOTO, 58 ATENCIÓN AO CLIENTE e 31  AXENTE CLASIFICACIÓN.


OS LISTADOS COMPLETOS DA  3ª  ADXUDICACIÓN ESTÁN DISPOÑIBLES NAS SECCIÓNS SINDICAIS DA CIG CORREOS


 PRAZOS DE CESE

 Para todos os postos o cese será o día 30 DE NOVEMBRO 2016.

 PRAZOS DE INCORPORACIÓN

 A incorporación será a partir do día 1 DE DECEMBRO DE 2016.

v O día seguinte se o traslado é na mesma localidade.
v 2 Días na mesma provincia ou illa ( Si se adianta ó día seguinte 60 €)
v 6 Días entre localidades da península que non pertenzan a mesma provincia (si se adianta ó segundo día 180 €)
v 10 Días entre illas Ceuta e Melilla e península (Se a toma e ó terceiro día 300 €)

­ Se optas pola compensación económica debes entregar o Anexo 3 en Recursos Humanos, antes do 18 DE  NOVEMBRO DE 2016.
­ Os prazos posesorios empezarán ó rematar os permisos, licencias,... Se tes licencia por enfermidade ou  baixa dilixéncianche o cese e toma de posesión de oficio.
­ O prazo posesorio será como de servicio activo salvo para excedentes voluntarios ou para o coidado de fillos.
­ Se comporta reingreso ó servicio activo o prazo de posesión será de un mes (Dende o día 01/12/2016)





27/10/2016

CIGcorreos: Caza de bruxas en Correos

CORREOS ANTICÍPASE AO "SAMAÍN" PRACTICANDO A CAZA DE BRUXAS CUNHA CARTEIRA DE BOIRO


Defensa institucional e presunción de inocencia... segundo para quen. 

Cando un dos xefes ou xefeciños de Correos comete algunha irregularidade, con independencia do calado que teña, os seus superiores, altos cargos e non tan altos,  desvívense por defendelo, vástalles para elo facer uso do argumento fácil: "es de los nuestros..."

Pola contra cando inxustificadamente é acusado dun erro un traballador base, son moi dados a tomar medidas precipitadas sen escoitar alegacións nin agardar polos procedementos legalmente establecidos, asi xa de primeira man a razón é para o usuario de Correos, dando por feito que o traballador/a cometeu unha irregularidade: "el usuario siempre tiene razón"

Sanción provisional de emprego e soldo

Neste caso que nos ocupa, a traballadora foi sancionada provisionalmente sen emprego e soldo, facendo uso Correos da facultade que ten para casos de extrema gravidade. Se por gravidade entenden un erro (que non compartimos para nada) na devolución dunhas cartas, quixeramos saber que valoración se lle deu no seu día a outros casos nos que desapareceu diñeiro, correspondencia ou se traficou con substancias prohibidas sen que se puxera en marcha un mecanismo sancionador tan estricto e precipitado.

Certificacións de dubidosa veracidade

O concello de Boiro, limítase a certificar que a Cooperativa denunciante ten o seu domicilio fiscal nunha determinada dirección. (Como se non se puidera poñer o domicilio fiscal, sen comprobar que este se axusta á dirección real onde se atopa)
Nos demandaremos do Concello que certifique cal é a dirección postal onde se atopa o edificio da Cooperativa co seu numero de policía, co seu rueiro, no caso de habelo, co seu barrio ou núcleo de poboación e coa súa parroquia, que xunto co código postal e o concello son os datos necesarios para poder efectuar o reparto con garantías de entrega na zona rural.

Pola súa banda, Correos apurouse a asumir a culpabilidade afirmando que a dirección dos envíos que se devolveran era correcta e que polo tanto foran mal devoltos. 
Non entendemos tal premura, e mais cando a traballadora fixo as devolucións seguindo as instrucións recibidas e o procedemento establecido pola normativa, que é recordado con frecuencia por todas as xefaturas de reparto dicíndolles ós carteiros que devolvan toda correspondencia que teña mal a dirección ou a que veña con señas insuficientes.

Caza de bruxas

Logo da mala praxe por parte dun repartidor, que destaparon os medios de comunicación na zona de Fene recentemente, e agora o feito desta denuncia da Cooperativa que tomou as cabeceiras dos diarios sobre todo da comarca do Barbanza, pensamos que Correos quixo poñerlle freo a esta "mala prensa" e non se lle ocorríu mellor remedio que asumir culpas e "cebarse" coa traballadora para calmar os ánimos, anunciando a bombo e platiño a súa suspensión de emprego e soldo. 
Unha auténtica "caza de bruxas" para encetar o "samain" de Correos, sen pensar na repercusión que este feito ten para a traballadora, para seu crédito e imaxe, xa non so a nivel profesional senón privado e persoal polo trato de culpable que se lle esta dando nos medios, que fan que os veciños e usuarios do servicio que atende cheguen a conclusións erradas sobre a súa profesionalidade e todo acaba trascendendo porque ó fin os carteiros/as somos moi coñecidos, e sobre todo nos pobos e nas zonas rurais.

Dende a CIGcorreos esiximos que a empresa (Correos) recitifique, que retome a cordura e que acometa este tipo de situacións coa máxima prudencia, agardando a posicionarse ao momento no que se resolvan os procesos e non precipitarse tomando decisión que son inxustas e que carrexan danos irreparables para os que as sofren.




20/10/2016

A CIG Lugo Gaña Sentenza de Reclamación de Dereitos "Correos non Pode Descontar Días de Vacacións aos Traballadores que Desfrutaron dunha Licenza sen soldo

O Xulgado nº 3 de Lugo ven de condenar a Correos declarando o dereito do traballador a desfrutar de dous días de asuntos propios que lles foron descontados pola empresa.

A denuncia foi presentada pola Asesoría Xurídica da CIG de Lugo,  logo que Correos quixera impoñer os seus criterios con respecto ao desconto de días de vacacións ou asuntos propios cando un traballador desfruta dunha licenza sen soldo. Correos alegaba que as Licenzas sen soldo non son servizos efectivos e que neste caso  o traballador estivera de 22 días de licenza sen soldo e polo tanto era correcto o desconto proporcional dos días de vacacións, (neste caso o desconto era de 2 días), pero como o traballador xa desfrutara das vacacións, fóronlle  descontados dos días de asuntos propios; mentres que dende a CIG defendiamos que o desfrute dunha Licenza sen soldo son servizos efectivos prestados ao igual que o é un permiso por matrimonio por poñer un exemplo, ademais neste mesmo senso alegabamos que si a empresa quería impoñer este criterio debería facelo constar no Convenio, cousa que non figura no que esta en vigor.
A sentencia SEN RECURSO gañada pola CIG di:
“ Que as vacacións nunca poderán ser inferiores a 30 días naturais tal e como o expresa o art. 38 do E.T.  Que aínda que o art. 56 do III Convenio Colectivo de Correos fai referencia a un calculo proporcional segundo os servizos efectivos, é obvio que este precepto só pode ser interpretado no senso de que tal alusión se fai en relación aos traballadores/as cunha relación coa empresa inferior a un ano”
Así mesmo a sentenza di “o traballador non ten obriga de desfrutar dos permisos previstos no artigo 58 do Convenio Colectivo, senón que se trata dun dereito do traballador que debe exercitar ante a empresa.”
A CIG unha vez mais demostra que é o único sindicato  que denuncia os atropelos da empresa aos dereitos dos traballadores.
Afíliate a CIG  e defende os teus dereitos

07/10/2016

Publicados as Listaxes de Admitidos e Excluídos Proceso de Consolidación de Emprego

Non se vai a publicar a listaxe de admitidos en papel, polo elevado número de candidatos e pola protección de datos que marca a lei.

Accédese á páxina web de Correos  a través do menú - Información Corporativa - Recursos Humanos - Emprego - Consolidación de Emprego - Consulta de Admitido Excluidos e chegamos á pantalla de consulta, onde se introduce o N.I.F., data de nacemento  e un código alfanumérico que aparece en pantalla.

Prema no enlace para acceder:


Na consulta visualízase:

· Datos persoais: nome e apelidos e DNI.

· Datos da solicitude: provincia elixida e postos elixidos:

Reparto 1: reparto moto, e servizos rurais motorizados.

Reparto 2: reparto a pé, servizos rurais non motorizados e axente clasificación

· Estado: admitido ou excluído co motivo da exclusión.

Hai preto de 124.000 candidatos. As reclamacións son 7 días naturais, ata o día 14 de outubro incluído.

As reclamacións, remitiranse por correo electrónico a:

provision.rrhh@correos.com, coa motivación necesaria e  achegando documentalmente o que proceda. 


06/10/2016

Qué pasa cos 2 días de AP polo 24 e 31 de Decembro

CORREOS:
Asinou o Dereito en Papel Mollado??

Non pode ser, que un dereito recoñecido polas normas (Convenio*, Acordo* e Calendario Laboral*),
que agora pretendan concedelo cando e como queiran

Os xefes das unidades non os conceden porque non poden gravalos e os seus superiores dinlles que non se poden gozar ata o vindeiro ano porque non se sabe se van estar en activo neses días. (Se fixeran o mesmo coas vacacións ou cos días de APs teriamos que agardar a ter o ano vencido para poder disfrutalas, que disparate!!)

Dende a CIGcorreos non sabemos de onde ven a orde, pero si temos claro que é ilegal e así llo fixemos saber o mesmo Presidente de Correos, solicitándolle por escrito que autorice o disfrute deses dous días durante este ano se así o demandan os interesados/as.

A nosa recomendación pasa por solicitar eses días por escrito, facendo constar que son os días recoñecidos por cadrar en sábado o 24 e 31 de decembro. No caso que a resposta sexa negativa, teñen a obriga de motivala e a partir de aí ábrese a posibilidade de acudir ós xulgados para reclamar un dereito que nos están conculcando.

*As normas que amparan este dereito:

Convenio Colectivo (Para persoal Laboral) e Acordo Xeral (Persoal Funcionario):
Artigo 58. Permisos Retribuídos – Q) Os días 24 e 31 de decembro:
“…Cando os días 24 e 31 de decembro coincidan con sábados ou festivos, a empresa (Sociedade Estatal) recoñecerá dous días adicionais de descanso”
Calendario Laboral 2016 (Para persoal Laboral e Funcionario):
Asuntos Particulares Navidad (24 e 31 decembro / sábado)
“De acordo co disposto no Anexo IV Tempo de Traballo do Acordo Xeral de 5 de abril de 2011 e no art. 58 do III Convenio Colectivo, pola coincidencia no ano 2016 dos días 24 e 31 de decembro con sábado, recoñécense dous días adicionais de descanso ó persoal funcionario e laboral (suxeito a convenio) activo en ditos días.
Estes dous días adicionais de descanso difrutaranse hasta o 31 de marzo de 2017.

Un dereito, non pode “retorcelo” a empresa segundo os seus intereses

Non te axeonlles e loita polo teu, tes o noso apoio


28/09/2016

Curso Formación Correos Vocación por el Cliente

Curso dirixido a todo o persoal de Correos, que manteñan unha relación laboral, ou de servizo, activa, coa empresa desempeñando a súa actividade ao inicio e durante a súa impartición.

Prazo de inscrición do 28 de Setembro ao 4 de Outubro ambos incluídos

20.000 prazas e, unha vez cubertas estas, non é posible inscribirse de aí que che recomendamos que se estás interesado que o fagas coa maior celeridade posible.

Inscrición: dende conecta ou internet

Como inscribirte dende internet: unha vez que entras en formación de Correos, debes de ir á parte inferior dereita debaixo de onde pon usuario e contrasinal. alí xa te indica "fai clic aquí para solicitar curso".

O curso terá unha duración de 10 días, realizarase  on-line  dende un ordenador alleo a Correos e fóra da xornada laboral. O curso desenvolveranse durante os meses de outubro e nobembro os alumnos poderán elixir, as datas que máis lles conveñan de entre as dispoñibles.

Tras o proceso de inscrición, comunicarase por  e-mail  e SMS  o comezo da formación. Recoméndase revisar a dirección de correo persoal do apartado "a miña páxina" e aceptar a modalidade de citación por  SMS.

Expediente Formativo

O curso incluirase no expediente formativo de todos aqueles que completen a acción formativa e ademais recibirán unha compensación polo custo da conexión a internet.


No caso de que xurda algunha incidencia técnica durante a inscrición e/ou durante a realización do curso, os alumnos deberán dirixirse ao centro de atención ao estudante centro.atencionestudiante@telefonica.es


Nova sobre a Contratación para a entrega das Notificacións

Como denunciabamos en comunicados anteriores a improvisación é a nai de case todas as solucións nesta casa por non dicir todas, despois dun ano rascando a barriga a Empresa visto que o Goberno rexeitaba a moratoria solicitada, decidiu a présa e correndo realizar contratacións a tempo parcial de 4 horas para prestar o servizo da entrega das notificacións pola tarde. Segundo nos informan as contratacións faranse da seguinte forma:

As contratacións na quenda de tarde para o reparto das notificacións faranse con  persoal das Bolsas, con o seguinte orde nos chamamentos:

1.      Persoal de Bolsa a tempo parcial.
2.      Persoal de Bolsa a tempo completo.
3.      Persoal de bolsas lindeiras.
4.      Persoas idóneas tal e como se establece no Convenio.
5.      Onde non chegasen as contratacións ofertaranse horas extraordinarias ao persoal fixo.
6.      Xefes de Equipo ou de Unidade voluntarios,abono dunha produtividade trimestral de 624,96€ o 718,68€ segundo o caso.

Características destes novos contratos:

·        As contratacións serán como máximo ate o 31 de decembro deste ano.
·        Se realizarán “por circunstancias da produción”
·        Ao ser unha nova causa, aínda que o persoal eventual tivese os seis meses completos (os famosos 180 días) completos por contratos de produción, poderán acceder a estes contratos sen que isto varíe o seu computo de tempos traballados. (Nós dende a CIG entendemos que este tipo de contratos serian ilegais e pasaremos a consultalo coa asesoría xurídica)
·        Non aceptar este tipo de contratos por parte do persoal da Bolsa a tempo completo non será motivo decaemento da Bolsa. (polo que entendemos que o persoal que esta inscrito a tempo parcial esta obrigado a aceptalo sempre e cando sexa o chamamento para as Bolsas onde esta inscrito).

Para a realizacións destas contratacións vanse distinguir determinados tipos de Unidades segundo o número de notificacións recibidas nas mesmas:

a)      Segundo o volume de notificacións e dependendo das Unidades onde haxan en quenda de tarde 7 o mais traballadores, haberán dous tipos de contratos uns de luns a venres e outros de martes e xoves de 16:30 a 20:30 horas.
b)      No resto das Unidades adaptarán un horario adecuado para o  repartidor.

Se queres máis información ponte en contacto coa xente da CIG