A CIG denuncia a falta de persoal de Correos na oficina principal de Ferrol

Dende a CIG-Correos de Ferrol, queremos denunciar a falta de persoal que está a sufrir a Oficina de Correos de Ferrol, que nestes intres ten, das 35 seccións de reparto na que se divide a cidade de Ferrol, 9 sin cubrir. A consecuencia de esta falta de persoal é que actualmente hai na Oficina de Ferrol máis de 500 notificacións acumuladas e barrios que quedan todos os días sin reparto.

Hai que lembrar que Correos, como prestador  do Servizo Postal Universal, está obrigado, segundo se establece na Lei Postal, a repartir todas as zonas, cando menos 5 días á semana, algo que Correos incumpre, sistematicamente, na cidade de Ferrol por non cubrir as prazas que se atopan vacantes, as baixas, días de asustos propios e vacacións do persoal.

A todo isto hai que engadir a sobrecarga de traballo que está a sufrir o persoal, que se ve obrigado a asumir a súa zona de reparto e as zonas que se atopan sin cubrir o que se traduce en contínuas baixas do persoal debidas, principalmente a lesiones músculo esqueléiticas causadas polo exceso traballo.

Dende a CIG solicitamos a Correos a inmediata cobertura de todas as seccións se reparto e que cumpra coa súa obrigación como prestador do Servicio Postal Universal  de dar un servizo postal de calidade na cidade de Ferrol, garantindo o dereito ás comunicacións postais de todos os cidadáns.

Prensa:

Cope Galicia

Concentración contra os recargos na Oficina de Correos de Ferrol

A CIG Correos ven de convocar unha concentración este venres pasado día 13 de xaneiro, diante da Oficina Principal de Ferrol, seguindo coa campaña de concentraciones mensuais que vimos celebrando para denunciar os recortes en contratación que estamos a sufrir en Correos e que supoñen que, como media, cinco seccións de reparto estén sin cubrir e que o resto dos traballadores teñamos que asumir o seu traballo, co correspondente incremento da carga.

A consecuencia desta falta de persoal é que moitas rúas de Ferrol queden todos os días sin repartir debido a que non é posible asumir esa carga de traballo extra polo resto da plantilla.

Hai un incumprimento sistemático, por parte de Correos como prestador do servizo postal universal, da obriga de repartir o correo en todas as zonas, como mínimo 5 días á semana.

Dende a CIG pensamos que esta ausencia de contratación supón unha reestructuración encuberta por parte de Correos, que se vai traducir nunha eliminación de postos de reparto na cidade de Ferrol, co correspondente perxuizo para todos os usuarios do servizo postal.

 

A CIG denuncia o brutal recorte da contratación que está a levar a cabo Correos na comarca de Ferrol

Dende CIG-Correos denunciamos a sobrecarga de traballo que vimos sufrindo os traballadores e traballadoras da Comarca de Ferrol, debido ó brutal recorte da contratación que está a levar a cabo Correos.

Non se contrata para cubrir nin o emprego estructural, nin permisos, nin baixas, nin ningún tipo de ausencias.

Polo que o persoal en activo, ademais das nosas zonas de reparto, nos vemos obrigados a asumir, a maiores, o reparto das zonas que quedan sin repartir, habitualmente 6 seccións de reparto. Vendo aumentada, tanto a carga de traballo que temos que asumir, como o número de km que debemos percorrer todos os días, o que supón unha sobrecarga de traballo ,co conseguinte perxuizo para a saúde dos traballadores e traballadoras.

A empresa xustifica estes recortes pola caída da actividade no sector postal tradicional, pero non fala do incremento da paquetería (entre un 50 e un 200%), ou da correspondencia certificada (un 500%).Correos está a incumprir sistematicamente, nesta comarca, a súa obriga como Prestador do Servicio Postal Universal de repartir a correspondencia, cando menos 5 días á semana, por non dotar ás Oficinas de persoal suficiente, quedando en moitas ocasións barrios sin reparto, co conseguinte prexuízo para os usuarios. Non hai máis que ver as interminables colas nas oficinas para tramitar ou recoller un envío, para darse conta do deterioro do Servizo Postal, debido á falta de persoal. Nestes momentos co agravante de que estamos en plena campaña de Nadal, co conseguinte aumento dos envíos, sobre todo da paquetería e no que Correos debería reforzar o servizo para garantir que os envíos chegaran en prazo ós destinatarios.

Notas de Prensa:

Quincemil

Cope

DEFENDE A TÚA DIGNIDADE!!

CIG-CORREOS O TEU SINDICATO