Exclusión Total do Galego en Correos

 

A nosa central sindical ven de rexistrar un escrito de protesta ante a política lingüística que se está a levar a cabo desde Correos.

-Denunciamos a EXCLUSIÓN TOTAL a día de hoxe do noso idioma nas comunicacións escritas, cartelería informativa e anuncios nos centros de traballo, tanto para traballador@s como para clientes.

-Correos deseña campañas con eslóganes como “Diversos, con sello propio” moi bonitos de cara a galería pero baleiros de contido, xa que nin entenden nin respectan que un dos nosos mais importantes SELOS PROPIOS é o NOSO IDIOMA.

-Non consentiremos que Correos vulnere os nosos dereitos lingüísticos. 

-Correos debe cumprir co establecido no artigo 3.2 da Constitución Española, así como co artigo 5 do Estatuto de Autonomía de Galiza onde di que “a lingua propia de Galiza e o Galego”.

-Ademais a Lei 3/1983, do 15 de xuño de normalización lingüística, indica no seu artigo 4.1 que o galego é lingua oficial das institucións da Comunidade Autónoma e da súa Administración.

Correos debe asumir a súa responsabilidade e comprometerse a que o GALEGO estea presente no noso entorno laboral, tal e como estaba ate de agora.

Convocatoria Ingreso Consolidación de Emprego Puntuación por coñecemento do idioma Inglés e dialectos de Árabe

Unha vez publicadas o primeiro desenvolvemento das Bases para o ingreso do persoal laboral fixo 2020.

Dende a CIG dicimos o seguinte con respecto da puntuación que se da polo coñecemento de inglés e dos dialectos do árabe Dariya e Tagmazid:      

·                   Entendemos que nunha convocatoria estatal deslocalizada provincialmente  que o coñecemento do galego, lingua cooficial en Galiza non se teña en conta nas provincias galegas é un ataque e menosprezo a nosa lingua e a nosa cultura. Ademais dunha vulneración do artigo 3 da Constitución española.

A CIG como organización Nacionalista e de clase defensora da súa lingua e patrimonio cultural, presentou dous escrito a Madrid. Un conxuntamente cos sindicatos LAB, ELA, STAS intersindical Valenciana e Intersindical Canaria e outro escrito en nome da nosa organización, criticando a valoración como méritos dunha lingua e dialectos estranxeiros e solicitando no escrito unha rectificación por parte de Correos mediante a publicación dun Anexo no que se comunique que o coñecemento das linguas cooficiais Galego, Eukera e Catalán puntuarán como méritos nas Comunidades Autónomas onde existan linguas cooficiais, como mínimo coa mesma puntuación que se da ao inglés e aos dialectos árabes.

A CIG DEFENDE A TRANSFERENCIA DE CORREOS Á XUNTA

... suporía unha mellora substancial para os traballadores e as traballadoras de correos, sorteando deste xeito o illamento actual que este colectivo ten co resto do persoal da Administración Pública.

Todo o artigo picando aquí.

Concentración Delegados CIG Correos diante da Dirección da Zona 1ª

Hoxe os Delegados do Sindicato CIG aproveitamos esta "festividade" dos Santos Inocentes para protestar dianta da Dirección da Zona 1ª de Correos polas políticas que se están a seguir có persoal que ocupa postos base dentro da empresa (carteir@s, axente clasificación e atención ao cliente).

E, fundamentalmente protestamos pola sanción inxusta imposta á compañeira da oficina de Boiro por devlover unha notificación da Axencia Tributaria por dirección incorrecta.

Lembrámosvos que esta compañeira leva por este motivo máis de dous meses suspendida de emprego e soldo. 

COA CIG NA RÚA A LOITA CONTINÚA

VIGO: Correos moven cen mil envíos diarios e crece a paquetería

Correos moven uns 100.000 envíos diarios en Vigo, entre correspondencia e paquetería. O 80% do volume que se distribúe son cartas, entre as que predominan as de carácter comercial, e o resto son paquetes e outros produtos.

Nos últimos anos, a gran novidade veu, como en case todo, da man das novas tecnoloxías: as cartas en papel perderon algo de terreo porque a xente agora se comunica máis por internet, pero isto se viu compensado co incremento do envío de paquetes porque ao mesmo tempo se multiplicou o uso do comercio electrónico (e-commerce). 

Correos aumentou a súa oferta de servizos de paquetería para cubrir todas as necesidades, dende o servizo de postal express ao servizo 48/72 horas ou o paquete azul. "A xente segue preferindo acudir a nós. Temos unha relación especial cos cidadáns e confían no carteiro, resúltalles máis familiar, sen ánimo de ofender a ninguén", asegura José Rivero, xefe de Distribución de Correos na bisbarra de Vigo.

Hai uns días rematou a tempada do Nadal na que o traballo se incrementa neste servizo, cun 25% máis de envíos, sobre todo en paquetería. Correos colaboran cos Reis Magos colocando unha caixa de correo específica para o Carteiro Real en todas as oficinas. Moitos nenos recibiron unha contestación de Correos para que saiban que a carta chega e para que "a ilusión non se perda", explica Rivero.

Para o Xefe de Distribución o servizo está ben dimensionado con 165 repartidores no reparto de ordinaria e 28 en urxentes, e cun parque móbil de 90 motos e 14 coches. A nivel nacional son 53.000 empregados. Por outro lado, a cidade dispón de 50 caixas de correo columna de cor amarela, 31 caixas de correo murais no rural e as bocas-buzons de correo nas dez oficinas da cidade

Fonte:  http://www.atlantico.net

Xoves 11 de Abril concentracións convocadas pola CIG

Concentracións contra o decreto para a contratación da mocidade, os recortes no subsidio a maiores de 55 e nas pensións

Este xoves, día 11 de abril, en todas as cidades de Galiza por volta das 20:00 ou 20:30 horas

A CIG convoca concentracións en cidades e vilas de toda Galiza este xoves, día 11 de abril, para manifestar a oposición da central sindical ás reformas aprobadas polo goberno no último mes. Reformas como o decreto para a contratación da mocidade; a autorización ás mutuas para dar altas de enfermidade; a das pensións anticipadas, voluntarias ou forzosas e o recorte do dereito ao subsidio para maiores de 55 anos, que considera que provocarán máis pobreza e discriminación entre a clase traballadora.

Concentracións

A Coruña, ás 20:00 horas na Subdelegación do Goberno

Compostela ás 20:00 h. na Praza do Toral

Ferrol, ás 19:00 horas na Praza do Concello

Ourense, diante da Subdelegación do Goberno español ás 20.00 horas

Pontevedra, na Praza da Peregrina ás 20.00 horas

Vigo, na farola da Urzaiz ás 20.00 horas

Vilagarcía: ás 20:00 horas, na Praza de Galiza

Lugo: ás 20:00 horas, diante da Subdelegación do Goberno.

Desmantelamento Progresivo de Correos en Galiza

A imparable carreira que segue Correos para facer desaparecer postos de traballo

Van saltando cas súas reformas de cidades a pobos e de pobos a cidades para disimular a verdadeira intención:  A REDUCCIÓN BRUTAL DOS POSTOS DE TRABALLO.

Das Unidades de Reparto centrais de Lugo e Vigo pasaron agora á U.R. 2 da Coruña onde reducen 9 postos de traballo, deixando entre elas o traballo feito en varias oficinas técnicas. A seguinte parada ? Ferrol, Ourense, Santiago...

Cando teñan rematado co proceso dos 3.600 postos que hai actualmente en Galiza, despois da desaparición dun 30% quedarán pouco máis de 2.500.

Faltan cartas e o camiño máis doado para Correos é reducir postos de traballo, ninguén se plantexa a posibilidade de buscar máis carga de traballo e aínda que se contemple esa alternativa, para eles non é motivo suficiente para  paralizar o proceso de desaparición de postos.

A outra cuestión pendente é saber se os postos que se reducen en cada reforma son os xustos ou se a empresa aproveita a circunstancia e recorta mais postos dos que o redimensionamento pode soportar.


 Para máis información preme aquí: AVANTAR,  SERMOS GALICIA, A OPINIÓN

Miles de persoas percorren Compostela para reclamar, fronte a corrupción e as políticas antisociais, soberanía nacional

Miles de persoas percorreron este domingo Compostela para denunciar a corrupción e a destrución social e cultural que sofre Galiza e baixo o lema “Polo dereito ao traballo, á igualdade, aos servizos públicos e á plena soberanía nacional galega. Por un proceso constituínte e de ruptura democrática”. A manifestación, que rematou nunha ateigada Praza de Praterías, foi convocada por organización políticas, sindicais e estudiantís, nomeadamente polo BNG, o CCPI, a CIG, COG, FRUGA, MPB, Nós-UP, AGIR, AMI, BRIGA, os Comités, Galiza Nova, ISCA! e a Liga Estudantil Galega.

La Voz de Galicia publica un artigo sobre Correos na Galiza

Fonte: La Voz de Galicia

Las zonas rurales acusan más los reajustes en este servicio ante la caída de envíos, con retrasos en el reparto y el cierre de pequeñas oficinas

El correo electrónico ha matado a la carta timbrada. O casi. Correos reparte en Galicia más de 170 millones de envíos anuales, pero la carga de trabajo ha bajado de manera significativa en los últimos años y desde el 2007 se distribuye un 20 % menos de correspondencia, lo cual, en tiempos de crisis, ha llevado aparejada una reestructuración del servicio postal. Y con ella, los ajustes en la plantilla. «Adaptamos el empleo a las necesidades, pero sin despedir a nadie. Con el descenso de correo en ocasiones no es necesario tener el mismo número de personas que antes para realizar las mismas tareas», explican desde la empresa pública, integrada en la SEPI.

Es lo que ocurrió en Vigo el pasado verano. Los carteros de la oficina central se plantaron cuando Correos detectó un descenso de la actividad en la unidad -lo cifró en un 33,8 %- y decidió reducir personal. Los trabajadores hicieron huelga siete semanas, se acumularon miles y miles de envíos (millón y medio según los sindicatos, medio millón según la empresa) y al final hubo ajuste, aunque más suave del que se pretendía. «No se prescindió de ningún empleado fijo, solo afectó a cuatro carteros, a los que se reubicó en otras funciones. Los cambios no los hacemos por capricho, vienen avalados por estudios, con datos de correspondencia, de habitantes por zona, de número de portales. La metodología es la misma que cuando determina el aumento de plantillas», afirman en Correos.

Concentracións nas cidades galegas o día 17, ás 19:00 horas, contra os recortes laborais e o deterioro dos servizos públicos

Convocan as organizacións sindicais con representación no sector público

 

As organizacións sindicais con representación no sector público, CIG, CCOO, UGT, CSI·F, CESM, OMEGA, SATSE, USAE, STEG, ANPE, USO, USTG, CGT, STAJ, SIAT e ACAIP, que integran a PLataforma en Defensa dos Servizos Públicos, convocan para o vindeiro xoves, día 17 de xaneiro, ás 19:00 horas, concentracións en todas as cidades galegas contra as medidas que vén de aprobar a Xunta de Galiza que empeoran as condicións laborais e salariais das empregadas e empregados públicos e deterioran, aínda máis, os servizos públicos.

 

 As concentracións previstas son:

o       A Coruña: Delegación do Goberno.
o       Santiago: Praza do Toral
o       Ferrol: Praza de España.
o       Pontevedra: Subdelegación do Goberno.
o       Vigo: Museo MARCO
o       Ourense: Subdelegación do Goberno.
o       Lugo: Subdelegación do Goberno.

 

Para ler o manifesto PREME AQUI 

 

MANIFESTACIÓN DA CIG CORREOS

EN CONTRA DA PRIVATIZACIÓN DE CORREOS, POR UN CORREOS PÚBLICO, GALEGO E DE CALIDADE

(Compostela, 26 Maio 2012)

Dende a CIG Correos non estamos satisfeitos co seguimento da Manifestación, pero sí que nos sentimos orgullosos de todos aqueles e aquelas que fixestes un sitio no voso fin de semana para achegarvos a Compostela aínda que as condicións climatolóxicas fosen tan adversas.

Non é hora de facer reproches. Tan só agardamos que cando a maioría se de conta da situación na que realmente estamos que non sexa demasiado tarde para actuar e revertila. Daquela, seguro que moitos de vos xa non vos lembraredes que dende a CIG Correos vos brindamos a oportunidade de manifestar a vosa postura contraria á Privatización e en favor dun Correos Público, Galego e de Calidade.

Prensa: Sermos, Avantar,

A CIG CORREOS ten convocada Manifestación Contra a Privatización de Correos para este sábado día 26 ás 12 Horas dende a Alameda de Compostela

Dende a CIG ademais de estar en contra da privatización seguimos pelexando por un Correos Público Galego de Calidade que nos permita manter a Correos como Servizo Público a través duns orzamentos suficientes e unha compensación a custo real pola prestación do Servicio Postal Universal, que sexa garantía do mantemento dun emprego estable e digno, que serva para actualizar as retribucións recuperando o poder adquisitivo perdido, pagando segundo o custo real a achega de vehículos e locais, mentres que non os aporte a empresa, eliminando as penalizacións por absentismo, que mellore as nosas condicións laborais, non aplicando a reforma laboral en Correos, cubrindo as ausencias con substitución sin recurrir ós recargos, extendendo o librado de sábados a todo o persoal, así como os nosos dereitos, igualando os do persoal funcionario cos do persoal laboral e asumindo os establecidos para a Función Pública e mantendo aberta a porta a unha negociación colectiva non discriminatoria onde haxa participación dos sindicatos con representación.

¡¡ MOBILÍZATE ¡¡ 

A TÚA PRESENZA FAISE IMPRESCINDÍBEL

Concentración de delegados da CIG Correos...

CONTRA A PRIVATIZACIÓN DE CORREOS

CIG-Correos mobilízase para alertar das consecuencias que tería a privatización

Convocan unha manifestación para o vindeiro 26 de maio, en Compostela

Para máis información prema Aquí

Prensa: La Voz de Galicia,

 DEFENDE O QUE É TEU

MOVILIZATE COA

CAMPAÑA DA C.I.G. CONTRA A PRIVATIZACIÓN DE CORREOS

Con esta concentración de delegados da CIG diante da Dirección de Zona de Compostela para este xoves día 10 de maio, dende a CIG Correos damos comenzo a unha campaña en defensa de Correos como Servizo Público, contra a Privatización de Correos e na demanda dun Correos Público Galego e de Calidade que vertebre o territorio garantindo a prestación deste servizo sen discriminación por razón de residencia, que manteña o emprego, que actualice as retribucións e que mellore as condicións laborais e dereitos dos seus traballadores e traballadoras.

Esta campaña vai a ter o seu remate cunha GRAN MANIFESTACIÓN en Compostela para o sábado día 26 de maio ás 12:00  á que estan convocados todos e todas os traballadores/as de Correos de Galiza.