Mesa Sectorial do 24 de xullo: VENDEN OS NOSOS DEREITOS

A CIG Correos DENUNCIA, na Mesa Sectorial celebrada o 24 de xullo, a pouca seriedade que demostra a empresa na negociación, convocando ás OOSS 48 horas antes e entregando a documentación, a menos de catro horas do inicio da reunión. 

Tamén denunciamos a política de contratación CERO que está a practicar a empresa, avalada polos sindicatos CCOO, UGT e CSIF, asinantes do Acordo Marco.

Ao contrario da empresa, dende a CIG entendemos que esta medida non aforra cartos se non todo o contrario, é pan para hoxe e fame para mañá. O que se está a conseguir é:

• Perda de clientes.(Por incumprimentos nos prazos de entrega).
• Pago de indemnizacións por notificacións fóra de prazo.
• Perda de confianza como servizo postal. (Prefiren remitir os seus envíos con outras empresas).
• Incremento do absentismo. (Por esgotamento físico e mental dos traballadores/as ).
• Incremento da sinistralidade laboral. 

Sobre o documento presentado a CIG dí o seguinte:

• Non se fala nada das 35 horas semanais,
• Non se fala de suba salarial, nin da cláusula de revisión salarial, para garantir como mínimo que non sigamos perdendo poder adquisitivo. 

A única fórmula que plasman no documento para cobrar unhas esmolas máis, é QUE VENDAMOS OS NOSOS DEREITOS. 

• Vender á empresa o dereito a gozar as vacacións no verán. 
• Ceder á empresa o 10% da xornada anual (170 horas) para que as empregue cando queira.

PUNTOS QUE CONTEN O DOCUMENTO ENTREGADO:

1-Bolsa de horas (10% da xornada - 170 horas) Correos pretende poñelo en marcha no mes de outubro. Como criterio xeral a bolsa de horas funcionará dende o 1 de xuño do ano en Curso ate o 31 de maio do ano seguinte, a excepción do 2025 que comezará o 1 de outubro de 2025 ate o 31 de maio de 2026.

• A xornada non será superior a 9 horas nin inferior a 5 horas. 
• Cando o uso da bolsa implique o incremento da xornada, (traballar máis da xornada ordinaria de 7´30 horas) esta poderá realizarse calquera día da semana incluídos sábados, domingos e festivos. A empresa establece un prazo de preaviso de 3 días para comunicarnos a xornada que realizaremos. Pero por necesidades do servizo o prazo redúcese a 24 horas.
• NON contemplan a Conciliación familiar, só deixan unha coletilla que di: que se terá en conta na medida do posible...

2-Creación dunha Nova Mesa Negociadora para a Implantación dun Novo Modelo Operativo tanto en rede de Oficinas, Loxística e Distribución. (Correos pretende unha transformación integral adaptándonos ao MIX de produtos). 

3-CICLO de Emprego 

Falta de candidatos nas Bolsas: Correos pretende unha solución provisional mentres non se convoquen as novas bolsas. A través dunha modificación no Anexo do Convenio quedando os criterios de chamamento da seguinte forma:

• Os integrantes das bolsas.
• Xente con experiencia no reparto .
• Os inscritos a través do portal de emprego. (Que se habilitará para tal efecto).

CONVOCATORIA DE EXAME DE INGRESO

A prebenda de CCOO para asinar sen ningún complexo todo o que a empresa poña enriba da mesa. Único punto que reclamaron con vehemencia na reunión.

Queda pendente unha terceira Fase de negociación que debe rematar antes do 25 de novembro do 2025 e que se implantará en xaneiro do 2026:

• Regulación da quenda de tarde.
• Regulación das vacacións fóra do período ordinario. 
• Modelo denominado “Cuarto Turno” (de martes a sábado).

Acordo da Mesa Sectorial: Paralización Implantación Novo Modelo de Carterias

Grazas á presión da CIG e das outras OOSS presentes na Mesa Sectorial (ELA, CGT, SL e CSIF) celebrada hoxe , se conseguiu o seguinte acordo.

1. -  Sobre o Modelo piloto de distribución (novas carterías):

- Manter o concepto carteiro/sección nas unidades de reparto, dende a data deste acordo.

-  Restablecer o mobiliario, e implantar un novo mobiliario que facilite as tarefas de clasificación evitando realizalas en lugares inapropiados.

-Interromper a implantación do modelo piloto en todas as unidades de reparto e restablecer á situación de partida ate a definición dun novo modelo.

- No prazo de dous meses, dende a data de hoxe se formará una Comisión de Estudo paritaria para atopar o modelo máis adecuado ás necesidades do futuro de Correos.

2. -  Comezar o traspaso de paquetería da filial Correos Express as unidades de Correos Matriz co obxectivo de conseguir o 20%  en xuño de 2022  e o 40% en decembro deste mesmo ano , sempre que estas unidades estean capacitadas e adaptadas a un novo modelo por definir.

3. -  Iniciar a negociación do IV Convenio Colectivo/Acordo Xeral  no primeiro trimestre do 2022.

4. -  Diálogo para cambiar o Marco de Relacións Laborais con trato igualitario ás distintas organizacións sindicais segundo representación obtida nas eleccións.

XUNTANZA DA MESA SECTORIAL DECLARACIÓN SOBRE O DIALOGO SOCIAL PARA O PLAN ESTRATÉXICO

 

A CIG subscribe conxuntamente con outras OOSS e a empresa unha Declaración que vén referendar e poñer por escrito nun documento os piares básicos nos que se debe basear o Correos do presente e futuro.

1.              Correos debe seguir sendo unha empresa 100% pública de emblema nacional, vertebradora de todo o territorio nacional e economicamente sostible no tempo. Mantendo o servizo postal universal.

2.              Manter o nivel de emprego actual. A empresa anuncia a  convocatoria de 5.377 postos fixos.

3.              O Sector Postal Tradicional debe continuar sendo un dos negocios crave de Correos e consolidar unha oferta integral de comunicación na que a comunicación dixital acompañe á comunicación en papel.

4.              Potenciar a economía nacional, beneficiando a PEMES e cidadáns coa prestación de servizos postais e loxísticos.

5.              Diversificar as actividades do Grupo Correos cara aos servizos loxísticos (mercadoría en xeral e alimentación), de paquetería express, financeiros e bancarios, solucións dixitais, servizos á Administración Pública e Internacionalización de Servizos de Paquetería.

6.              Correos debe continuar gañando cota no mercado da paquetería e consolidarse no liderado do sector, para que supla a caída sostida da carta. A tan mencionada caída da carta faise cada ano máis evidente: estímase que a carta en 2023 será un -75% menor que en 2013. Para elo deberase traspasar progresivamente mercancía dende CEX a Correos matriz.

7.              Ser referente en sustentabilidade ambiental e social, en liña cos Obxectivos de Desenvolvemento Sostible e a Axenda 2030.

8.              Inclusión de Correos na rede da administración de “ventanilla única” de atención ao cidadán.

9.              Necesidade dunha mellora progresiva do nivel de retribucións dos traballadores/as.

10.           Correos anuncia que vai ser recoñecida como entidade de crédito electrónico polo Banco de España podendo ter IBAN e expedir tarxetas bancarias.

Dende a CIG queremos deixar claro a eses CCOOmpañeiros e aos oUGTros acompañantes de comparsa que a diferenza deles:

-                A CIG NON asina nin asinará ningún Convenio ou Acordo que sexa minimamente lesivo de cara aos traballadores/as. Lembremos que este Convenio asinado por eles penaliza por partida dobre as baixas, NON existe permiso para ir ao médico, nin para acompañar aos fillos nin a familiares dependentes, NIN ten unha cláusula de revisión salarial, NON se xuntou a Mesa do carburante para compensar as subas do combustible para o persoal RURAL.

-                A CIG NON intercambia nin vende os dereitos dos traballadores/ a cambios de horas de liberación ou cartos de Formación.

-                A CIG NON asina Acordos que humillen aos funcionarios/as cos niveis máis baixos de toda a Administración. Ademais lembremos que este colectivo tivo que ir ao xulgado para que lles recoñecerán as vacacións por días hábiles. 

Así que a CIG  leccións de negociacións e de defensa dos dereitos dos traballadores/as NIGUNHA.

Xuntanza Mesa Sectorial - Plan Estratéxico - Convocatoria de Emprego

 

Na reunión da Mesa Sectorial celebrada hoxe o presidente de  Correos anunciou que está tarde se publicará a Convocatoria de 5.377 prazas para a Consolidación de Emprego. A CIG  esixiu que todas elas sexan a tempo completo para non fomentar a precariedade laboral.

O presidente ante a queixa de todos as OOSS presentes sobre a implantación dos novos modelos de organización das carterias dixo que está aberto a que presentemos modelos alternativos para discutilos e si é preciso volver atrás e implantar un novo modelo que sexa de futuro e se adapte ás necesidades da paqueteria. 

Así mesmo anunciou que  despois da semana de reis se iniciarán as negociacións  dun novo Convenio Colectivo, Acordo Xeral e Acordo Marco de Relacións Laborais.

A CIG Solicita Convocatoria da Mesa Sectorial

A CIG Solicita a Correos a Convocatoria da Mesa Sectorial para tratar temas de vital importancia que están pendentes a pesares do tempo transcorrido.

- Regulación do Teletraballo. Unha vez asinado o Acordo que regula o teletraballo na AGE é necesario negociar e regular o teletraballo na Sociedad Estatal Correos e Telégrafos, coa finalidade que o traballador coñeza claramente os seus deberes e dereitos. 

- Vacinación a todos os traballadores/as da empresa. Despóis de ser declarados como servizos esenciais en plena pandemia, agora resulta que non estamos dentro dos planes de vacinación como persoal prioritario. 

-Día de permiso adicional pola coincidencia en sábado de dous días festivos nacionais non recuperables e non substituibles en 2021. Dereito que xa está recoñecido a todos/as traballadores/as da Administración Xeral do Estado. A que están esperando en Correos para concedelo.....a que presentemos demanda???

-Pago dos Fondos Adicionais 2019-2020. A suba é dun 0.55% en total e está aprobada por Lei. É inxustificable o atraso do pagamento destes cartos que poderían signficar entre uns 210€ a 360€ por cada traballador/a dependendo da súa categoría profesional. Tamén está pendente a reunión para aplicar a suba do 0.9%  correspondente a 2021.

-Excedencias Incentivadas para o persoal funcionario - Xubilacións Parciais para o persoal Laboral. Temos un cadro de persoal envellecido, moitos dos nosos traballadores/as contan con máis de 35 anos cotizados as súas costas. É hora de activar as Excedencias Incentivadas e as xubilacións parciais.....Temos moitos mozos no paro que non tiveron a oportunidade de cotizar nin un só día.....Non faga certa a frase: "Os vellos traballando e os mozos na casa."

Mesa Sectorial: Aplicación dos Fondos Adicionais 2019-2020 e Supresión das Gardas en Sábado e Descansos

 

Fondos Adicionais 2019-2020: A CIG rexeita a proposta da empresa sobre a aplicación dos fondos adicionais. A empresa pretendía que estes fondos 0,25% do ano 2019 e 0,30% do ano 2020 se destinen a conceptos abstractos e a retribucións non fixas como o complemento de produción e asistencia que hoxe o podes cobrar e mañá non.

Finalmente a empresa acepta a aplicación lineal dos fondos adicionais nos conceptos retributivos fixos e variables.

Desde CIG defendemos que estes fondos se utilizaran para a subida de niveis do persoal funcionario (temos os niveis máis baixos de toda a administración) e unha suba igual e proporcional para o persoal laboral no complemento de posto tipo. Ambos o dous complemento fixos.

Xornadas en sábados e descansos: A empresa nos comunicou a supresión da quenda de traballo en sábados en USE e CTA. Pero que non renuncia ao traballo en fin de semana.

A partir da supresión da quenda obrigatoria en fin de semana o servizo se prestará con persoal voluntario e eventual. O pago dos atrasos (a 7,75 €/hora desde o 1 de xullo de 2019) condiciónano á inclusión de Correos no RD de Xornadas Especiais.

En oficinas mantense a supresión que xa se vén realizando dende o 20 de marzo de 2020 debido á pandemia.

USE: Suprímese a quenda obrigatoria a partir do próximo 20 de febreiro de 2021.

CTA: Suprímese a quenda obrigatoria a partir do 6 – 7 de marzo de 2021

Valoración CIG:

Xa era hora que Correos atendese ás reivindicacións, denuncias e folgas realizadas pola CIG e outras OOSS polo incumprimento dos descansos nas xornadas semanais.

Así mesmo fixemos saber á empresa:

-Que nos opoñemos frontalmente a que Correos sexa incluído no RD de xornadas especiais e emprazamos á empresa a que busque outras opcións alternativas a esa vía. O incluírnos nese RD de xornadas especiais sería desregular a xornada ao conxunto de todos/as os/as traballadores/ as de Correos.

-Que desde CIG defendemos as 35 horas semanais de luns a venres

-Que temos escrito dirixido ao presidente solicitando 1 día de permiso adicional de descanso por coincidir 2 festivos nacionais en sábado.

-Que queremos saber que pasou coa vacinación do persoal de Correos, na última reunión da Mesa Sectorial informóusenos por parte do presidente que estaba a realizar as xestións co ministerio de sanidade. Resta dicir que fomos e somos un sector esencial que foi duramente golpeado pola pandemia e que polo noso traballo podemos ser unha fonte de contaxio e á súa vez de propagación do virus pola nosa labor porta a porta.

-Que queda pendente a Regulación do Teletraballo, activar as Xubilacións parciais para o persoal laboral e as excedencias incentivadas para o persoal funcionario.

A CIG-Correos presente nas mesas: da Comisión Estatal de Saúde Laboral e Sectorial en Madrid, maña día 19 de setembro

Correos convoca as O.O.S.S. a 2 xuntazas para o día de maña en Madrid onde a CIG Correos estará presente.

Os temas a tratar son os seguintes:

1ª - Comisión Estatal de Saúde Laboral: para tratar os 2 puntos por adaptación funcional que se dan no Concurso Permanente de Traslados.

2ª - Mesa Sectorial: Promoción Interna do Persoal Funcionario.

Manterémosvos informadas/os de todo o que aconteza.

XUNTANZA DA MESA SECTORIAL E COMISIÓN NEGOCIADORA DEL IV CONVENIO

O pasado día 11 de abril, celebráronse as reunións da Comisión Negociadora do IV Convenio Colectivo (persoal laboral) e Mesa Sectorial (persoal funcionario onde a CIG ten representación) cun único punto a tratar na orde do día: “Incrementos retributivos 2019”. O incremento correspondente ao ano 2019, froito dos Acordos subscritos polos sindicatos CCOO, UGT e CSIF co PP en marzo de 2018. A suba correspondente a este ano será dun 2,25 %, con carácter retroactivo desde o 1 de xaneiro 2019 nas seguintes retribucións:

FIXOS: Salario Base, Pagas Extraordinarias, Trienios ou Antigüidade, Complemento do Posto Tipo ou de Destino e Complemento de Ocupación ou Específico.

VARIABLES: Complemento de Produción e Asistencia, Complemento de Permanencia e Desempeño ou Complemento Específico Tipo II, Complemento de Produtividade, Plus Festivo, Plus Sábado, Plus Nocturnidade, Plus de Clasificación Mecanizada, Produtividade de Nadal, gratificacións por eleccións, Suplido Achega Local, Horas Extraordinarias e Plus de Residencia e incentivo singular pola prestación de servizos en Andorra.

As subas faranse efectivas na nómina do mes de maio

A CIG na Mesa Sectorial fixo constar que:

-       Con estas subas pactadas en marzo de 2018 entre o goberno do PP e os sindicatos CCOO, UGT e CSIF os empregados de Correos nos estamos quedando á cola no aspecto retributivo con respecto ao resto de empregados públicos e sirva como exemplo o Acordo asinado pola CIG na AGE onde o persoal laboral das últimas categorías experimentaran unha suba de entre 80 a 100 euros mensuais mentres que en Correos serán duns 90€ en 3 anos.

-       Que, queremos a Devolución do 5%  detraído no ano 2010 polo PSOE.

-        Equiparación ao resto de funcionarios da AGE: Subida a nivel 14 dos funcionario de Correos para o grupo C2 e nivel 16 para o grupo C1.

-       Aplicación do EBEP en toda o seu extensión, así como de calquera norma que afecte ao persoal funcionario da administración xeral do estado. exemplo R.D.do 28 de decembro de 2012 en materia de xornadas e horarios do persoal da administración xeral do estado.

-       Convocatoria de excedencias incentivadas a partir dos 56 anos para todos os postos.

-       Que se realice a promoción interna xa.

A única realidade é que estes sindicatos coa súa firma nos deixaron sen unha negociación real durante os vindeiros 2 anos.

ESTES SINDICATOS NON TE DEFENDEN – VIVEN DE TI

Hoxe Martes 11 de Setembro Reunión para Tratar a aplicación da subida salarial de 2018

Hoxe martes, día 11 de setembro, reunión sindicatos - empresa ás 10 horas, para abordar a aplicación da subida salarial de 2018, en función do II Acordo, para a mellora do emprego público e as condicións de traballo, subscrito o 9 de marzo e publicado por Resolución do 22 de marzo de 2018 da Secretaría de Estado de Función Pública.

Hoxe martes, día 11 de setembro, reunión sindicatos - empresa ás 10 horas, para abordar a aplicación da subida salarial de 2018, en función do II Acordo, para a mellora do emprego público e as condicións de traballo, subscrito o 9 de marzo e publicado por Resolución do 22 de marzo de 2018 da Secretaría de Estado de Función Pública. A CIG esixe que o pago da subida e atrasos realícese na próxima nómina do mes de setembro tanto ao persoal funcionario como ao laboral.

Qué pasa cos 2 días de AP polo 24 e 31 de Decembro

CORREOS:

Asinou o Dereito en Papel Mollado??

Non pode ser, que un dereito recoñecido polas normas (Convenio*, Acordo* e Calendario Laboral*),

que agora pretendan concedelo cando e como queiran

Os xefes das unidades non os conceden porque non poden gravalos e os seus superiores dinlles que non se poden gozar ata o vindeiro ano porque non se sabe se van estar en activo neses días. (Se fixeran o mesmo coas vacacións ou cos días de APs teriamos que agardar a ter o ano vencido para poder disfrutalas, que disparate!!)

Dende a CIGcorreos non sabemos de onde ven a orde, pero si temos claro que é ilegal e así llo fixemos saber o mesmo Presidente de Correos, solicitándolle por escrito que autorice o disfrute deses dous días durante este ano se así o demandan os interesados/as.

A nosa recomendación pasa por solicitar eses días por escrito, facendo constar que son os días recoñecidos por cadrar en sábado o 24 e 31 de decembro. No caso que a resposta sexa negativa, teñen a obriga de motivala e a partir de aí ábrese a posibilidade de acudir ós xulgados para reclamar un dereito que nos están conculcando.

*As normas que amparan este dereito:

Convenio Colectivo (Para persoal Laboral) e Acordo Xeral (Persoal Funcionario):

Artigo 58. Permisos Retribuídos – Q) Os días 24 e 31 de decembro:

“…Cando os días 24 e 31 de decembro coincidan con sábados ou festivos, a empresa (Sociedade Estatal) recoñecerá dous días adicionais de descanso”

Calendario Laboral 2016 (Para persoal Laboral e Funcionario):

Asuntos Particulares Navidad (24 e 31 decembro / sábado)

“De acordo co disposto no Anexo IV Tempo de Traballo do Acordo Xeral de 5 de abril de 2011 e no art. 58 do III Convenio Colectivo, pola coincidencia no ano 2016 dos días 24 e 31 de decembro con sábado, recoñécense dous días adicionais de descanso ó persoal funcionario e laboral (suxeito a convenio) activo en ditos días.

Estes dous días adicionais de descanso difrutaranse hasta o 31 de marzo de 2017.

Un dereito, non pode “retorcelo” a empresa segundo os seus intereses

Non te axeonlles e loita polo teu, tes o noso apoio

Xuntanzas Madrid: Mesa Consolidación de Emprego e Mesa Sectorial

MESA CONSOLIDACIÓN DE EMPREGO (9 decembro):

A pesares que  Correos informou na Mesa que xa tiña a autorización formal de Facenda para proceder ao proceso de Consolidación de emprego, o único certo e que aínda non hai nada en claro, continúan con borradores emprazándose para o vindeiro 15 de decembro e outra xuntanza para antes de rematar o ano, xustamente despois das eleccións xerais, entón preguntámonos que garantías reais hai que o novo goberno respecte o acordado??? 

Novidades que constan neste novo borrador:.

- Desenvolveranse medidas de emprego que contribuían á integración de persoas con discapacidade.

- Nos supostos de avaliación negativa e a non superación do período de proba, os candidatos non poderán solicitar o posto que desempeñaban no momento da sanción.

- Correos publicará unha lista de admitidos/excluídos e dará un prazo de 7 días naturais para emendar erros.

-Os datos facilitados nas solicitudes formarán parte do ficheiro de selección de RRHH.

-A convocatoria publicarase tamén na web de información 060 www.administracion.gob .es 

-A valoración de méritos efectuarase á data da publicación das bases.

-Os méritos por antigüidade serían dos últimos 5 años.

-O exame sería presencial.

MESA SECTORIAL – PERSOAL FUNCIONARIO (10 de decembro):

Tras tres anos sen convocarse a Mesa Sectorial, grazas aos sindicatos asinantes do Acordo Xeral (CCOO, CSIF, UGT e S.L.) e a Correos, acostumados a asinar Convenios e trasladalos directamente ao Acordo Xeral sen ter en conta a regulación especifica do persoal funcionario, agora veñen a vendernos coma un logro a concesión dos días do EBEP, días que por certo o resto de funcionarios da Administración Xeral do Estado xa o están desfrutando dende fai dous meses  que se aprobou esta medida. Na Mesa Sectorial Correos comunicouse o seguinte:

                    Días adicionais segundo antigüidade do EBEP (canosos): Os días adicionais correspondentes ao ano 2015 poderanse desfrutar entre o 31 de xaneiro 2015 e o 31 de maio de 2016.

                    Promoción Interna: Correos informa que aínda esta pendente da autorización por parte do organismo dependente do Goberno.

25 Prazas de acceso para o Grupo A1

25 Prazas de acceso para o Grupo A2

300 prazas para o Grupo C1

25 prazas para o Grupo C2