Modificar o IRPF 2022 para o Persoal Eventual

 

Tódolos anos, Correos dende o 1 de xaneiro aplica o 2% de desconto do IRPF ás nóminas do persoal eventual, ainda que no ano anterior solicitarás unha modificación do dito IRPF.

Por todo isto, lembrámosvos que non vos esquecedes de solicitar por escrito, a modificación do IRPF, para que, nos últimos meses  do ano non vos fagan uns descontos tan grandes na nómina.

Solicitude Aumento IRPF

Se tes algunha dúbida o queres que che enviemos o impreso para a modificación do IRPF. ponte en contacto cos delegad@s da túa comarca.

Modificación IRPF 2019 para o persoal eventual

Tódolos anos, Correos dende o 1 de xaneiro aplica o 2% de desconto do IRPF as nóminas do persoal eventual, ainda que no ano anterior pediras unha modificación de dito IRPF.

Por todo esto, lembrámosvos  que non vos esquecedes de solicitar por escrito, a modificación do IRPF, para que, nos últimos meses do ano non vos fagan uns descontos tan grandes na nómina.

Se tes algunha dúbida  o queres que che mandemos o impreso para a modificación do IRPF, ponte en contacto cas delegadas e delegados da CIG na tua comarca.

¡¡NON TE ESQUEZAS!!

Como reclamar a devolución das contías do IRPF pola prestación de maternidade

Consulta o procedemento e os modelos para presentar na Axencia Tributaria

O Tribunal Supremo (en sentenza do 3 de outubro) vén de confirmar que “as prestacións públicas por maternidade percibidas da Seguridade Social están exentas do Imposto sobre a Renda das Persoas Físicas”.  A resolución estabelece doutrina legal e, polo tanto, obriga a Axencia Tributaria a adoptar o novo criterio (contrario ao que viña facendo). Dende a CIG animamos a solicitar a devolución das retencións do IRPF indebidamente cobradas e para iso pomos a túa disposición os modelos adecuados (documentos anexos ao final desta nova).

Para calquera dúbida que teñas, acude a túa federación (ou en que se delegue na túa comarca) tendo en conta as seguintes indicacións:

1º.- Exercicios fiscais 2014 a 2017 (declaracións presentadas de 2015 a 2018):

• Traballadoras ás que lle practicaran retencións de IRPF pola prestación de maternidade nos exercicios fiscais 2014 a 2017 (declaracións presentadas nos anos 2015 a 2018):

a) Formular, perante a Axencia Tributaria, nunha solicitude de rectificación da autoliquidación do IRPF do exercicio/s no que se declararan as prestacións por maternidade con retencións de IRPF (achégase modelo A).

2º.- Exercicio fiscal 2018 (declaración a presentar en 2019):

• Traballadoras ás que lle estean a practicar retencións de IRPF pola prestación de maternidade no exercicio fiscal 2018 (declaracións que se presentarán no ano 2019):

b) Formular, perante o INSS, unha solicitude de dereito á percibir a prestación íntegra sen retención de IRPF, no resto dos meses do 2018 (achégase modelo B).

c) Formular, perante a Axencia Tributaria, unha solicitude de devolución de ingresos/retencións indebidos dos meses do 2018 nos que xa se lle practicaran as retencións de IRPF (achégase modelo C)*. 

* Probabelmente, no período de presentación da Declaración do IRPF (maio xuño 2019) a Axencia Tributaria xa terá instrumentado algún procedemento para a devolución do IRPF indebidamente cobrado no 2018, porque non ten outra que acatar a sentenza do Tribunal Supremo.

Nómina de febreiro con certificado do IRPF 2017

Xunto coa nómina do mes de febreiro, recibiremos o certificado do IRPF 2017, aproximadamente a mediados de marzo.

O certificado de retencións a conta do Imposto sobre a Renda das Persoas Físicas de 2017, farase este mes para que todos/as dispoñades desa documentación fundamental para preparar a vosa Declaración da Renda 2017.

Do mesmo xeito que outros anos, se algunha persoa non recibise o certificado, pode solicitalo na Unidade de Recursos Humanos.

Erro nos Certificados de Retención do IRPF de 2013 (só afecta a persoal funcionario)

Comunícanos #Correos que houbo un erro ao realizar os certificados de retención do  irpf  de 2013 do persoal funcionario; ao que lle foi devolto, na nómina de abril de 2013 as cotas de  Muface  e dereitos pasivos extra que se lles descontou durante o segundo semestre de 2012. 

Para emendar o erro vanse xerar de novos os certificados de retencións dos funcionarios e faranse chegar a semana que vén a cada funcionario antes de que comece a campaña de presentación da declaración da renda. Co novo certificado o interesado recibirá unha nota explicativa sobre a rectificación.

#correostodos