A CIG gaña demanda contra Correos por saltarse a orde de chamamento na bolsa de contratación.

 

O Xulgado do Social nº 3 de Ourense ven de condenar á “SOCIEDAD ESTATAL DE CORREOS Y TELEGRAFOS S.A.” ao pagamento de 6.340,87€. en concepto de indemnización por salarios non percibidos por non respectar a orde e forma de chamamentos.  

A denuncia foi presentada pola Asesoría Xurídica da CIG de Ourense,  logo da negativa de Correos de pactar no acto de conciliación celebrado no SMAC de Ourense.

A CIG defendeu, que a empresa realizou un salto na orde da bolsa, chamando indebidamente ao seguinte da lista (lembremos que a normativa de contratación establece que os chamamentos se realizarán por orde de prelación de menor a maior). Correos argumentou que chamou á seguinte da listaxe por ter menos rotacións cousa que non quedou suficientemente acreditada no xulgado, polo que o xuíz deu a razón ao defendido pola CIG e condenando a Correos. 

A CIG volve a demostra que é o único sindicato que denuncia os atropelos da empresa aos dereitos dos traballadores/as.

CIG O TEU SINDICATO EN CORREOS

O BNG denuncia o desmantelamento do servizo de Correos no rural de Ourense

A parlamentaria do BNG, Noa Presas  pediu hoxe no Parlamento galego demandar do goberno central recuperar os empregos perdidos dende o ano 2010 e incrementar persoal do servizo de correos a través de procesos “transparentes e xustos”.

No transcurso da pregunta parlamentaria, a nacionalista denunciou  “o agravio e discriminación” do rural ourensá fronte ao resto dos territorios galego e estatal. Neste sentido, lembrou que entre os anos 1996 e 2006 perdéronse o “33% dos carteiros e carteiras rurais” no rural da provincia de Ourense e contrapuxo esta cifra ao recorte producido no ano 2016 un “30% que deixa a provincia ourensá só con 153 enlaces rurais”.

A deputada afirmou que o Presidente da Xunta  con experiencia recoñecida na Dirección de correos, en lugar de favorecer a Ourense promove unha política de desmantelamento de servizos utilizando esta provincia  “como coelliño de Indias”.

Para a deputada, o desmantelamento do servizo público de correos está a provocar que os cidadáns deban asumir gastos e desprazamentos que constitúen “unha desigualdade” e reprocha que a Xunta “non reaccione” a esta realidade, polo que reiterou a súa reclamación de incrementar o  servizo público de correos  no rural.

Pola súa parte, a portavoz popular de Relacións institucionais, Blanca García respondeu á nacionalista que o incremento de persoal do servizo postal non é competencia da Xunta de Galiza ao que Presas replicou, “ todos os galegos e galegas pagamos impostos e temos dereito a que o Estado e o Partido popular cumpran as condicións recollidas pola lei 24/1998”.

Fonte: www.bng.gal

CIGcorreos: Os carteiros de Ourense mobilízanse en contra dos traslados forzosos.

 FIXADO O CALENDARIO DE MOBILIZACIÓNS

Remataron con grande éxito, pola participación masiva dos traballadores e traballadoras, as dúas primeiras xornadas de concentracións.

Onte día 14 deron comezo as mobilizacións contra os traslados forzosos do persoal da Unidade de Reparto 1 de Correos diante da oficina da que forman parte, no barrio da Ponte de Ourense, que continuaron na xornada deste martes día 15. 

As protestas continuarán baixo esta fórmula, desprazándose á oficina principal da entidade en Progreso 53 para este mércores día 16, volvendo para a UR1 os vindeiros 17 e 18 de novembro, de 9 a 9:30h da mañá.

Non se descartan mobilizacións doutro tipo se dende a dirección de Correos non se toman medidas urxentes que suspendan defintivamente estes traslados inxusficados.

Dende a CIGcorreos o noso apoio incondicional para con todos os traballadores e traballadoras afectados pola reducción de postos e polos traslados forzosos da UR1 de Ourense. 

Para máis información na prensa preme aqui: 
CIGAVANTAR
FARO DE VIGO (Ollo, puxeron mal as datas)

CIGcorreos: Indignación en Correos de Ourense por traslados forzosos e recortes

Denuncian os inconvenientes da reubicación obrigatoria do distrito 4 e dos enlaces rurais da UR2, que levan acompañadas a amortización de dous postos de traballo.

Despois da decisión deste traslado inxustificable e decidido de xeito unilateral e poñendo en práctica a política de feitos consumados por Correos, sen ter en conta o persoal afectado nin escoitar alegacións nin propostas dos sindicatos, non desvotamos ningún tipo de medida diante desta decisión que non mellora nin as sobrecargas de traballo, nin as distancias por recorrido, incrementando o recargo de traballo, as acumulacións e incluso a fricción entre os propios compañeiros.

Esta medida ven ademáis acompañada da amortización de dous postos de traballo, 1 no distrito 1 e outro no distrito 4 desta cidade, continuando coa política de redución de plantilla que leva imprantando a empresa nos ultimos anos buscando reducir os custos e mellorar resultados económicos sen ter en conta o servicio público que se presta e a merma de calidade que supón de cara ós usuarios destes servicios prestados por Correos.

Dende a CIG rexeitamos por completo esta medida e trataremos con todos os medios que temos ao noso alcance que non se poña en practica, loitando ata onde podamos co respaldo do persoal afectado.(Xa para este luns esta previstas concentracións e recollida de sinaturas de todo o persoal contrarias a esta decisión)

Para máis información PREME AQUÍ

A CIG-Correos denuncia o desmantelamento progresivo do servizo postal na provincia de Ourense

Dende a central critican que non se substitúen as baixas de persoal a pesar da sobrecarga de traballo a causa das eleccións

Os representantes da CIG en Correos na provincia de Ourense denuncian o desmantelamento progresivo do servizo postal nesta provincia “que se está a producir e a incrementar de xeito significativo, en especial dun tempo a esta parte”. Ao mesmo tempo, dende a central critican que non se substitúen as baixas de persoal a pesar da sobrecarga de traballo a causa das eleccións.

Dende a central lembran que hai anos que veñen denunciando o desmantelamento do cadro de persoal de Correos xa que “veñen realizándose de xeito progresivo e rotativo estudos de dimensionamento das unidades de reparto de todas as vilas e capitais e como consecuencia disto, e amparándose no descenso do volume do número de envíos (feito lóxico polas novas tecnoloxías), implántanse forzosamente novas áreas de reparto moito máis amplas, prazas que resultan inasumibles diariamente dentro da xornada laboral normal, tanto no ámbito rural coma nas capitais de provincia”.

Critican que estes dimensionamentos supoñen, ademais de áreas inasumíbeis, un drástico recorte no persoal, coa amortización de grande número de empregos. “Exemplificado en datos, en cinco anos teñen desaparecido máis de 15.000 postos de traballo en Correos no conxunto do Estado, pasando de 67.000 a 52.000 traballadores/as”.

A isto hai que sumarlle novas políticas nas xestións das tarefas do persoal de reparto, xeneralizándose a implantación da figura do recargo: ter que asumir forzosamente ademais da súa área ou praza parte doutras áreas de reparto na ausencia dos titulares dos mesmos. “Deste xeito, non se contrata a ninguén sempre que se pode evitar, e tendo en conta que xa non son asumíbeis as áreas de antemán, moito menos deste xeito; isto conleva inevitabelmenteun grande deterioro na calidade do servicio, así como tamén a destrución do potencial emprego eventual”.

Mais para os representantes da CIG-Correos “a gota que colma o vaso” foi que para evitar gasto en horas extraordinarias durante a campaña electoral para o reparto tanto das tarxetas do INE coma da propaganda electoral “agora díctanse instruccións para alternar o reparto do correo coa misiva electoral, en días alternos, conculcando a lei”.

Neste senso, lembran que a Directiva 2008/6/CE do 20 de febreiro do Parlamento e do Consello e tamén na súa transposición a Lei 43/2010 de 30 de decembro do servizo postal universal, sobre dereitos dos usuarios/as e do mercado postal, di textualmente no seu artigo 24 sobre as condicións de distribución que “as entregas practicaranse, polo menos, todos os días laborábeis de luns a venres, salvo no caso de concorrer circunstancias ou condicións especiais conforme ao previsto nesta lei”.

Un novo recorte en Correos suprime outras oito prazas de carteiro na cidade de Ourense

O carteiro xa non chama dúas veces en Ourense. Non vai ter tempo para facelo, pois unha unha nova reforma no servizo de cartería da rúa Fernández Bordás, en pleno centro, supoñerá a desaparición de oito carteiros urbanos que hoxe reparten a pé ou en moto e doutros dous na Derrasa e en Toén. Os que queden terán que apurarse pois terán que asumir o seu traballo, ademais do das rúas que quedan sen servizo.

Representantes da CIG Correos en Ourense denuncian o "total desmantelamento que está a sufrir o servizo postal na provincia" e que xa non afecta só ao medio rural senón á cidade. Xa non é o mal tempo nin as condicións adversas as que poden frear o traballo dun carteiro, senón os recortes en materia de contratación e as reformas, "que reducen drasticamente o persoal e xeran áreas de repartición inasumibles durante a xornada diaria que se lles esixe, todo polo aforro económico", denuncia a CIG.

As consecuencias inmediatas van ser a desaparición de dez áreas de repartición, e a asimilación destas polo resto de traballadores que queden na cidade. Correos alegan que hai un descenso do 30% do volume de envíos, polo que se pasa de 39 carteiros urbanos a 31 e de 12 a 10 carteiros rurais malia que os resultados antes de impostos do organismo son bos.

Fonte: Faro de Vigo                                                                              Máis información  AQUI

Desmantelamento do servizo postal na provincia de Ourense

Os representantes da C.I.G. de Correos da provincia de Ourense queremos denunciar o progresivo desmantelamento do servizo postal que se está a producir e a incrementar de xeito significativo, en especial dun tempo a esta parte.

            Nesta provincia, tal e como esta central leva denunciado, fai anos que eramos “punta de lanza” no desmantelamento do servizo público de Correos no ámbito rural, coa amortización de tódalas areas de reparto tras da xubilación do titular e a posterior asimilación forzosa das parroquias que repartía por parte dos traballadores colindantes a posteriori. 

            Agora sen embargo non se libra deste deterioro xa nin sequera o centro das cidades, que por volume e rendibilidade do alto valor engadido inherente ás súas áreas de reparto non se tiña visto, ata agora, nesta tesitura. Pois, tal e como establece tanto a Directiva 2.008/6/CE do 20 de febreiro do Parlamento e do Consello e tamén na súa transposición a Lei 43/2.010 de 30 de decembro do servizo postal universal, dereitos dos usuarios e do mercado postal, que di textualmente no seu artigo 24 sobre as condicións de distribución “as entregas practicaranse, polo menos, todos os días laborables de luns a venres, salvo no caso de concorrer circunstancias ou condicións especiais conforme ao previsto nesta Lei”. Esas circunstancias distan de ser, como por exemplo puideran selo, condicións meteorolóxicas extremadamente adversas, e agora pasan a ser recortes en materia de contratación por aforro económico puro e duro, obviando a Lei.

            Así, ultimamente, de un tempo a esta parte non se procede a acudir ás Bolsas de Emprego e contratar a un traballador cada vez que se produce unha ausencia polo motivo que sexa nun distrito ou unidade de reparto, que se corresponde cun código postal, p.ex.: C.P.  32.004.

            Procédese a recargar ós carteiros dese distrito cunha parte da sección de reparto do traballador ausente, de xeito que o traballo de 10 persoas se fai entre nove, ou entre oito, se faltan dous, recargando coa carga laboral equivalente a dúas horas diarias a cada un dos traballadores. E se faltan tres e non pode ser asumido, desprázase a un traballador da súa sección, que queda sen repartir, para que reparta a sección vacante ese día e na que non se contratou a ninguén: “desvestir un santo para vestir outro”. Estes recargos e desprazamentos forzosos ocasionan que se incumpra a Lei nos termos de reparto todos os días laborables de luns a venres antes mentado, que se produzan retrasos na correspondencia e gran malestar entre os traballadores fixos (que nunca saben ata onde irán a dar cada día) e eventuais (que engrosan as listas do paro esperando un contrato na súa casa).