XUNTANZA DA MESA SECTORIAL DECLARACIÓN SOBRE O DIALOGO SOCIAL PARA O PLAN ESTRATÉXICO

 

A CIG subscribe conxuntamente con outras OOSS e a empresa unha Declaración que vén referendar e poñer por escrito nun documento os piares básicos nos que se debe basear o Correos do presente e futuro.

1.              Correos debe seguir sendo unha empresa 100% pública de emblema nacional, vertebradora de todo o territorio nacional e economicamente sostible no tempo. Mantendo o servizo postal universal.

2.              Manter o nivel de emprego actual. A empresa anuncia a  convocatoria de 5.377 postos fixos.

3.              O Sector Postal Tradicional debe continuar sendo un dos negocios crave de Correos e consolidar unha oferta integral de comunicación na que a comunicación dixital acompañe á comunicación en papel.

4.              Potenciar a economía nacional, beneficiando a PEMES e cidadáns coa prestación de servizos postais e loxísticos.

5.              Diversificar as actividades do Grupo Correos cara aos servizos loxísticos (mercadoría en xeral e alimentación), de paquetería express, financeiros e bancarios, solucións dixitais, servizos á Administración Pública e Internacionalización de Servizos de Paquetería.

6.              Correos debe continuar gañando cota no mercado da paquetería e consolidarse no liderado do sector, para que supla a caída sostida da carta. A tan mencionada caída da carta faise cada ano máis evidente: estímase que a carta en 2023 será un -75% menor que en 2013. Para elo deberase traspasar progresivamente mercancía dende CEX a Correos matriz.

7.              Ser referente en sustentabilidade ambiental e social, en liña cos Obxectivos de Desenvolvemento Sostible e a Axenda 2030.

8.              Inclusión de Correos na rede da administración de “ventanilla única” de atención ao cidadán.

9.              Necesidade dunha mellora progresiva do nivel de retribucións dos traballadores/as.

10.           Correos anuncia que vai ser recoñecida como entidade de crédito electrónico polo Banco de España podendo ter IBAN e expedir tarxetas bancarias.

Dende a CIG queremos deixar claro a eses CCOOmpañeiros e aos oUGTros acompañantes de comparsa que a diferenza deles:

-                A CIG NON asina nin asinará ningún Convenio ou Acordo que sexa minimamente lesivo de cara aos traballadores/as. Lembremos que este Convenio asinado por eles penaliza por partida dobre as baixas, NON existe permiso para ir ao médico, nin para acompañar aos fillos nin a familiares dependentes, NIN ten unha cláusula de revisión salarial, NON se xuntou a Mesa do carburante para compensar as subas do combustible para o persoal RURAL.

-                A CIG NON intercambia nin vende os dereitos dos traballadores/ a cambios de horas de liberación ou cartos de Formación.

-                A CIG NON asina Acordos que humillen aos funcionarios/as cos niveis máis baixos de toda a Administración. Ademais lembremos que este colectivo tivo que ir ao xulgado para que lles recoñecerán as vacacións por días hábiles. 

Así que a CIG  leccións de negociacións e de defensa dos dereitos dos traballadores/as NIGUNHA.

Novo Plano Estratéxico 2020/2023

O pasado día 7 de novembro tivo lugar a reunión da Mesa Sectorial na que CIG ten representación e na que se tratou un único punto “O novo Plan Estratéxico 2020/2023

O presidente de Correos empezou a súa intervención informándonos sobre a súa intención de presentar un borrador dun novo plan estratéxico 2020/2023 en decembro, pero unha vez terminadas as eleccións sindicais. Posteriormente abriríase un proceso de estudo e de alegacións coas  OOSS durante o primeiro trimestre do ano 2020.

Despois do presidente tomou a palabra a Director da área de Finanzas e Expansión na que informou sobre os malos datos económicos da empresa e que poñen á empresa nunha situación de Emerxencia. Os datos máis significativos que expuxo na súa intervención foron os seguintes:

Ø  A caída da actividade postal tradicional (a carta) pasando dunha previsión dun 4% de perdida no primeiro trimestre a un 20%, sen que ata o de agora se modere esta caída .

Ø  Parón no crecemento da  paquetería, pasando dun 40 por cento de crecemento a un 9,9 por cento.

Ø   Gasto en persoal subiu ata o 80 por cento dos ingresos da empresa.

Valoración e intervención da CIG

Solicitamos que se remita a información con antelación suficiente para o seu estudo e non que se entregue o mesmo día da reunión.

Non Compartimos que o gasto en persoal sexa un dos males da empresa debido a que os salarios dos postos operativos son moi baixos. A este respecto imos solicitar que se nos remita o gasto en persoal individualizado por Grupos profesionais: canto é o Gasto en persoal operativo, en mandos intermedios, persoal titulados medios, persoal titulado Superior e os gastos en soldo do persoal que está fóra de Convenio, así mesmo que se nos informe o número de traballadores que está incluído en cada grupo.

Dende a CIG NON imos tolerar nin negociar ningunha diminución nos dereitos nin retribucións dos traballadores.

A intervención doutros sindicatos non foron no mesmo sentido chegando a falar de estar dispostos de negociar “máis flexibilidade”, cousa que ao noso entender é moi perigoso.