Cursos de Galego 2026 subvencionados por Correos

Correos mantén a convocatoria de axudas para a realización de cursos de galego durante o ano 2026, dirixida ao persoal en activo.

Se estás pensando en mellorar o teu nivel de galego, estes son os aspectos máis importantes que debes coñecer.

✅ Quen pode solicitalo?

Poden acceder a esta axuda os traballadores e traballadoras en activo de Correos.

Importante: é imprescindible permanecer en activo durante todo o período de realización do curso. Se non se cumpre este requisito, a solicitude non poderá tramitarse.

📝 Documentación que hai que presentar

Toda a documentación deberá entregarse á Área de Desenvolvemento e Formación.

Antes de comezar o curso:

📄 Solicitude debidamente cumprimentada.

🎓 Certificado de matriculación expedido polo centro de formación.

Unha vez rematado o curso:

Será necesario presentar:

✔️ Certificado de asistencia e superación.

🧾 Factura orixinal do centro de estudos e/ou xustificante do pagamento.

📌 Requisitos da factura

A factura deberá incluír:

Nome do centro de formación.

NIF do centro.

Nome e DNI do alumno ou alumna.

Importe do curso e da matrícula (indicando que está exento de IVE).

Número de factura.

Selo e sinatura do centro.

📚 Material subvencionable

Ademais do importe do curso, tamén poderá aboarse:

📖 Un libro de texto por curso (presentando a correspondente factura).

📘Un dicionario (unha única vez na vida laboral, se se solicita nesta convocatoria).

❌ Non se subvencionarán libros de lectura recomendada.

💻 Modalidades admitidas

Os cursos poderán realizarse en:

- Formación online impartida por un organismo oficialmente acreditado.

- Formación presencial.

- Formación semipresencial.

Todos os cursos deberán realizarse fóra da xornada laboral.

⚠️Condicións importantes:

• É obrigatoria unha asistencia mínima do 80 % das horas lectivas.
• Correos poderá realizar unha proba de nivel para comprobar o aproveitamento da formación.
• As solicitudes admitiranse en función da dispoñibilidade orzamentaria e das necesidades do posto de traballo.

💶 Contía da axuda 

✔️ Concederase unha única axuda económica, unha vez finalizada a formación.

✔️ Toda a documentación e as facturas deberán presentarse nun único envío.

💰 O importe máximo que aboará Correos será de 690 € por alumno/a, con independencia de que realice un ou varios cursos.

📄 Certificado de nivel

As persoas que dispoñan dun certificado oficial acreditativo do nivel de galego poderán presentalo conforme á normativa vixente da súa Comunidade Autónoma.

ℹ️ Máis información

Para resolver calquera dúbida podes contactar coa:

Coordinación de Formación – Área Noroeste

📞 638 54 64 34   ☎️ RICO: (4) 82032

Desde a CIG-Correos recomendamos presentar toda a documentación correctamente e conservar copia de todos os documentos entregados para evitar incidencias na tramitación da axuda.

Curso “Experiencia cliente: fundamentos crave”

Dispoñible no Campus Virtual o curso “Experiencia cliente: fundamentos crave”, unha formación deseñada para ofrecer unha visión clara e práctica sobre como construír experiencias positivas en cada interacción cos nosos clientes. Este curso axudarate a entender como as emocións, percepcións e expectativas dos clientes inflúen directamente na súa satisfacción e fidelidade , así como a identificar o teu papel na creación dunha experiencia excelente.

Qué aprenderás neste curso?

• Que é a experiencia de cliente e por que vai máis aló dunha simple atención ou servizo. 
• Cales son os atributos máis valorados polos clientes de Correos e como inflúen na súa percepción. 
• Como as experiencias positivas e negativas impactan na satisfacción e a lealdade. 
• Os distintos tipos de clientes (con contrato, de oficina e destinatarios) e as súas necesidades. 
• A importancia da empatía, o bo trato e a coherencia en cada interacción. 
• Como cada persoa contribúe a construír unha experiencia de cliente de calidade dentro da organización.

Como solicitar a formación:

• Podes solicitar a túa inscrición a través do Campus Virtual de Correos , ata o 23 de xuño, incluído. 
• Ao solicitar participar no curso, poderás revisar os teus datos de contacto e actualizalos se é necesario. 
• O día de inicio de curso recibirás un aviso no email e teléfono móbil rexistrados. 
• Unha vez superado o curso, engadirase ao teu expediente formativo e poderás descargar o diploma desde a plataforma.

PREMA AQUI PARA INSCRIBIRTE

• A formación estará dispoñible durante todo o mes de xullo.

Quen pode participar?

O curso está dirixido a persoas con relación laboral ou de servizo activa con Correos durante o período de formación.

No caso de incidencia técnica:

Podes contactar co Centro de Atención ao Estudante a través do correo: centro.atencionestudiante@telefonica.com

CURSO: A sustentabilidade en Correos

Curso dirixido a todo o persoal de Correos, que manteñan unha relación laboral, ou de servizo, activa, coa empresa desempeñando a súa actividade ao inicio da formación e que non realizara e superara con anterioridade esta formación, nin coa empresa nin mediante organismos homologados para impartir formación da compañía. 

Prazo de inscrición: até o 4 DE XUÑO 

Inscrición dende o campus virtual:

                 http://formacion.correos.es 

Como inscribirte dende internet: 

unha vez que accedes á páxina de formación de Correos, debes de ir á parte inferior dereita debaixo de onde pon usuario e contrasinal. alí xa te indica "fai clic aquí para solicitar curso". 

O curso realizarase on-line dende un ordenador alleo a Correos e fóra da xornada laboral. 

O curso desenvolveranse durante os meses de xuño e xullo os alumnos poderán elixir, as datas que máis lles conveñan de entre as dispoñibles. 

Tras o proceso de inscrición, comunicarase por e-mail e SMS o comezo da formación. Recoméndase revisar a dirección de correo persoal do apartado "mi perfil" e aceptar a modalidade de citación por SMS.

Expediente Formativo 

O curso incluirase no expediente formativo de todos aqueles que completen a acción formativa.

Ademais terás a posibilidade de descargar o diploma dende a plataforma de formación. 

No caso de que xurda algunha incidencia técnica durante a inscrición e/ou durante a realización do curso, os alumnos deberán dirixirse ao centro de atención ao estudante centro.atencionestudiante@telefonica.com

Novo curso “Condución sostible e segura en Correos”

 

Esta formación poderase realizar a través do Campus Virtual, contará con 20.000 prazas e ofrecerache técnicas para realizar unha condución segura e responsable co medio ambiente.

Con este curso, poderás aprender como levar a cabo unha condución responsable e respectuosa co medio ambiente, a través dun manexo óptimo dos vehículos, así como consellos para conseguir unha redución do consumo de combustible. Ademais, coñecerás técnicas para tomar conciencia sobre a seguridade viaria, que te axudarán a anticiparte ao que poida ocorrer durante a condución.

Quen pode solicitar este curso? 

Diplomas dos cursos puntuables impartidos pola CIG para o examen da consolidación de emprego

 

CIG INFORMA

 

AVISO:

 

PAGAMENTO CURSOS

REMATADO PRAZO DE PRE-INSCRICIÓN PARA OS CURSOS IMPARTIDOS POR C.I.G. VALORABLES PARA O EXAME DE INGRESO (CONSOLIDACIÓN DE EMPREGO)

A CIG impartirá todos os cursos que puntúan para a convocatoria conxunta de ingreso de 7.757 prazas de persoal laboral fixo. Para realizar os Cursos a través da CIG non fai falla estar con contrato nin ter vinculación algunha con Correos.

A CIG NON RECIBE NIN SOLICITA SUBVENCIÓNS
 DE CORREOS NIN DA UNIÓN EUROPEA.

Por tanto debido ao custo para impartir este tipo de formación (plataforma homologada, servizo técnico, etc) os Cursos faranse mediante un pagamento por parte do/a afiliado/a.
Todos/as compañeiros/as que resulten finalmente seleccionados realizarán o programa formativo  on-line  dende un ordenador. O comezo de cada acción formativa comunicarase por e-mail, polo que o enderezo do correo electrónico e o número de teléfono móbil persoais introducidos no Formulario de solicitude de pre-inscrición deberán ser correctos e actualizados.

• Prazo de Pre-inscrición: do 27 ao 31 de outubro ambos incluídos.
• Prazo de Pagamento: do 01 ao 03 de novembro ambos incluídos.
• Realización dos Cursos: do 15 de novembro ate o 2 de Xaneiro 2023

INSTRUCIÓNS:

-Pre-Inscrición: Deberase cumprimentar o formulario cos datos persoais, a través desta ligazón que aparecerá activa o día 27 de outubro  ata o día 31 de outubro.

👉    Rematou o prazo de solicitude    👈

-A Pre-inscrición non dá dereito á realización dos Cursos.
-O sindicato CIG realizará a selección e listaxe definitiva de alumnado.
-Feita a selección, a fundación forGA comunicará mediante e-mail e/ou SMS as indicación para proceder ao pagamento no prazo establecido.
-Unha vez comprobado o pago, darase acceso aos alumnos/as mediante clave e contrasinal para os seus Cursos que será remitida mediante correo electrónico.
Para calquera dúbida ponte en contacto coa xente da CIG.

Correos Oferta un Programa formativo para persoal das Bolsas de Emprego que estean con contrato en vigor ao comezo de cada un dos Cursos, valorable para o ingreso como persoal laboral fixo

Correos ofrece un programa de formación composto por cinco cursos sobre ofimática, os principais produtos e servizos que comercializamos, xestión aduaneira e procesos operativos e ferramentas de traballo que utiliza o persoal de oficinas, repartición e centros.

O programa estará integrado polas accións formativas:

 - Produtos e servizos 2022

 - Procesos e ferramentas de oficinas 2022

 - Procesos e ferramentas de distribución e centros 2022

 - Xestión aduaneira para persoal operativo 2022

- Office 365

Cada acción formativa contará cuns criterios de realización e superación independentes que se comunicará aos participantes ao comezo de cada acción formativa.

A formación está dirixida, exclusivamente, ás persoas que cumpran coas seguintes condicións:

 - Ser empregada ou empregado temporal e, por tanto, non ter unha relación laboral de carácter indefinido/fixa ou fixa descontinua coa compañía.

 - Manter unha relación laboral en activo coa empresa ao comezo de cada unha das accións formativas que integran o programa.

 - Realizar a solicitude de inscrición correctamente.

A solicitude de inscrición, conforme o horario peninsular, pódese realizar a través do Campus de Colearning-Procesos (https://procesos.colearning.es), desde hoxe ata o día 2 de novembro, ambos incluídos. A formación desenvolverase durante os meses de novembro, decembro, xaneiro e febreiro de 2023.

As persoas que soliciten a súa participación na contorna de Procesos de Colearning deberán encher un cuestionario de identificación persoal de carácter obrigatorio e imprescindible para a realización e superación dos diferentes cursos.

O incumprimento e/ou falsidade en calquera dos requisitos anteriormente mencionados, suporá, en calquera circunstancia, a imposibilidade de superación dos cursos do programa formativo, independentemente da fase do seu desenvolvemento.

Durante o período que estea habilitada a solicitude de inscrición ao programa de formación, non é necesario que as empregadas e empregados que desexen rexistrar a súa participación manteñan unha relación laboral ou de servizo activo coa compañía.

A impartición do programa formativo levará a cabo na contorna de Colearning-Procesos e, ao comezo de cada acción formativa, informarase a cada solicitante por correo electrónico sobre o cumprimento ou non dos requisitos para a realización do curso.

Aqueles que cumpran os requisitos de realización habilitaránselles o acceso á formación e recibirán un comunicado a través do medio que facilitasen na solicitude de inscrición ao programa. É imprescindible ca dirección de email e, no seu caso, o número de teléfono móbil introducidos no cuestionario de solicitude de inscrición sexan correctos e estean actualizados.

Unha vez finalizado e superado cada un dos cursos que integran o programa, engadiranse ao expediente formativo do participante e poderanse descargar o diploma desde a plataforma de Colearning-Procesos.

No caso de que xurda algunha incidencia técnica durante a solicitude de inscrición e/ou a realización da formación, os alumnos e alumnas deberán dirixirse a través de email ao Centro de Atención ao Estudante centro.atencionestudiante@telefonica.com