A CIG gaña demanda contra Correos por saltarse a orde de chamamento na bolsa de contratación.

 

O Xulgado do Social nº 3 de Ourense ven de condenar á “SOCIEDAD ESTATAL DE CORREOS Y TELEGRAFOS S.A.” ao pagamento de 6.340,87€. en concepto de indemnización por salarios non percibidos por non respectar a orde e forma de chamamentos.  

A denuncia foi presentada pola Asesoría Xurídica da CIG de Ourense,  logo da negativa de Correos de pactar no acto de conciliación celebrado no SMAC de Ourense.

A CIG defendeu, que a empresa realizou un salto na orde da bolsa, chamando indebidamente ao seguinte da lista (lembremos que a normativa de contratación establece que os chamamentos se realizarán por orde de prelación de menor a maior). Correos argumentou que chamou á seguinte da listaxe por ter menos rotacións cousa que non quedou suficientemente acreditada no xulgado, polo que o xuíz deu a razón ao defendido pola CIG e condenando a Correos. 

A CIG volve a demostra que é o único sindicato que denuncia os atropelos da empresa aos dereitos dos traballadores/as.

CIG O TEU SINDICATO EN CORREOS

A CIG gaña demanda contra Correos por vulneración do dereito fundamental á integridade física

O Xulgado do Social nº 1 da Coruña ven de condenar á “SOCIEDAD ESTATAL DE CORREOS Y TELEGRAFOS S.A.” a realizarlle, a un traballador, un recoñecemento médico antes de incorporarse, despois dunha baixa prolongada, e ao pagamento de 4 mil euros en concepto de indemnización de danos e prexuízos por non protexer a saúde dos traballadores/as.

A denuncia foi presentada pola Asesoría Xurídica da CIG da Coruña,  logo da negativa de Correos de pactar no acto de conciliación celebrado no SMAC da Coruña.

 A CIG defendeu, e así o entendeu tamén a Xustiza, que a empresa está na obriga de facer unha avaliación da saúde dos traballadores/as cando se incorporan tras unha ausencia prolongada por motivos de saúde, coa finalidade de descubrir eventuais orixines profesionais e recomendar unha acción apropiada para protexer a saúde dos traballadores/as.

 A CIG, unha vez máis, demostra que é o único sindicato que denuncia os atropelos da empresa aos dereitos das/os traballadoras/es.

                   https://www.cigadmon.gal/correos

A CIG gaña sentenza contra Correos por despedimento improcedente

                         

O Xulgado do Social nº 4 de Lugo ven de condenar á “SOCIEDAD ESTATAL DE CORREOS Y TELEGRAFOS S.A.” declarando que o cese da traballador/a eventual foi un despedimento improcedente.

A denuncia foi presentada pola Asesoría Xurídica da CIG de Lugo, logo da negativa de Correos de pactar no acto de conciliación celebrado no SMAC de Lugo.

A CIG defendeu, e así o entendeu tamén a Xustiza, que o cese do empregado/a  eventual non era tal, se non un despedimento. Declarando na sentenza DESPIDO IMPROCEDENTE. Condenando á “SOCIEDAD ESTATAL DE CORREOS Y TELÉGRAFOS S.A.S.M.E. a que no prazo de 5 días  opte entre a readmisión do traballador/a ou ao pagamento dunha indemnización pola extinción de relación laboral.

A CIG unha vez máis demostra que é o único sindicato que denuncia os atropelos da empresa aos dereitos dos traballadores/as.

A CIG volve a gañar 5 Demandas de Reclamación de Cantidades ao Persoal de Reparto de Ordinaria polo Reparto do Voto por Correo

O Xulgado nº 1 de Lugo ven de condenar a Correos declarando o dereito dos traballadores  de reparto ordinario que fixeron a reclamación coa CIG a cobrar a gratificación de 114,90€ para cada un deles máis os xuros do 10% polo reparto do voto por correo nas pasadas eleccións ao congreso dos Deputados e Senado do 20 de decembro de 2015.

A denuncia foi presentada pola Asesoría Xurídica da CIG de Lugo,  logo da negativa da empresa ao abono das gratificacións por incremento da produtividade aos traballadores de reparto de ordinaria da U.R. de Lugo que realizaron tarefas encomendadas á repartición urxente do voto por correo.

Correos opúxose  á demanda alegando que as instrucións eran de aplicación a outro tipo de persoal (persoal de reparto USE´S) e que na circular  de Correos de eleccións consta o dereito á percepción da gratificación por 114,90 euros, a condición de que a distribución da correspondencia electoral supoñan un incremento superior ao 15% da carga de traballo da unidade.

A CIG defendeu e así o entendeu tamén a Xustiza, de que estes compañeiros realizan funcións de reparto ordinaria, non sendo as súas funcións habituais as de reparto urxente e que, durante o período electoral, ás súas funcións habituais súmanse as derivadas do relativo á tramitación do voto por correo, o que leva a considerar que necesariamente para levar a cabo dita tarefa teñen que incrementar a súa produtividade habitual.

A sentencia SEN RECURSO gañada pola CIG di:

“ Que acolle a demanda formulada pola CIG contra Correos de tal xeito que a Sociedad Estatal Correos y Telégrafos deberá aboar a cantidade de 114,90 euros a cada un dos traballadores, máis os xuros do 10 por cento ”

A CIG unha vez mais demostra que é o único sindicato que denuncia os atropelos da empresa aos dereitos dos traballadores.

AFILIATE a CIG  o único sindicato que defende os teus dereitos.

Anulada a sanción disciplinaria imposta por Correos á carteira de Boiro

O xulgado do Social de Santiago impón á empresa pública unha sanción de 10.478,66€

No ano 2016 a empresa pública Correos impuxo a unha carteira de Boiro unha sanción de 6 meses de emprego e soldo. Dous anos despois o Xulgado do Social nº 3 de Santiago de Compostela declarou a nulidade da sanción disciplinaria imposta e condenou a Correos a abonar os salarios deixados de percibir durante ese período na contía de 10.478,66€.

O xulgado admitiu todas as alegacións presentadas pola traballadora que, porén, se negara a admitir a empresa pública establecendo na sentenza que a carteira fixo correctamente o seu traballo e que a devolución dunha notificación seguiu estritamente o estipulado nos procedementos internos de reparto.

Xunto a isto establece que a empresa que denunciou que non recibira unha notificación postal da Axencia Tributaria levaba desde o ano 2014 sen actualizar o seu enderezo postal nin fiscal, como sería de obrigado cumprimento tal e como se recolle na lexislación.

Segundo Anxo Álvarez, delegado da CIG en Correos, isto demostra que a denuncia que no seu día fixeron Xunta de Persoal, comité de empresa e a propia central sindical, “isto respondía a unha caza de bruxas froito da presión mediática derivada da denuncia da empresa que se fixo pública no seu momento”.

Álvarez denuncia que “esta situación de acoso vivida no seu día pola traballadora continúa na actualidade como demostra o feito de que non lle concederan todos os días de vacacións correspondentes ao ano 2018 e que ademais, recentemente, os seus superiores lle denegaran a quincena de vacacións no prazo que ela solicitou para o ano 2019”.

Diante desta situación a CIG denuncia que é “intolerable” que unha empresa pública “trate deste xeito ao seu persoal, en lugar de asumir a súa responsabilidade por ter sancionado a esta carteira sen base algunha e sen sequera admitir as alegacións que lle terían permitido demostrar que non había causa que xustificara a máis mínima sanción”.

Con todo, para a CIG, “quen tería que responsabilizarse tanto do trato recibido por esta traballadora como de abonar as cantidades ditadas polo xulgado deberían ser os mando intermedios que a denunciaron”.

Artigos da prensa:

Confidencial Galicia

La Voz de Galicia

               #cigcorreosenloita

A CIG gaña sentenza de Reclamación de Cantidades "Correos ten que aboar os 114,90€ ao persoal de reparto de ordinaria polo reparto do voto por correo"

O Xulgado nº 3 de Lugo ven de condenar a Correos declarando o dereito dos traballadores  de reparto ordinario que fixeron a reclamación coa CIG a cobrar a gratificación de 114,90€ para cada un deles máis os xuros do 10% polo reparto do voto por correo nas pasadas eleccións ao parlamento europeo do 25 de maio de 2014.

A denuncia foi presentada pola Asesoría Xurídica da CIG de Lugo,  logo da negativa da empresa ao abono das gratificacións nas Eleccións europeas do 25 de maio de 2014 por incremento da produtividade aos traballadores de reparto de ordinaria da U.R. de Lugo que realizaron tarefas encomendadas á repartición urxente do voto por correo.

Correos opúxose  á demanda alegando que as instrucións eran de aplicación a outro tipo de persoal (persoal de reparto urxente) e que na circular  de Correos de eleccións ao parlamento europeo de 2014 consta o dereito á percepción da gratificación por 114,90 euros, a condición de que a distribución da correspondencia electoral supoñan un incremento superior ao 15% da carga de traballo da unidade.

A CIG defendeu e así o entendeu tamén a Xustiza, de que estes compañeiros realizan funcións de repartición ordinaria, non sendo as súas funcións habituais as de repartición urxente e que, durante o período electoral, ás súas funcións habituais na repartición ordinaria, súmanse as derivadas do relativo á tramitación do voto por correo, o que leva a considerar que necesariamente para levar a cabo dita tarefa han de incrementar a súa produtividade habitual.

A sentencia SEN RECURSO gañada pola CIG di:

“ Que acolle a demanda formulada pola CIG contra Correos de tal xeito que a Sociedad Estatal Correos y Telégrafos deberá aboar a cantidade de 114,90 euros a cada un dos traballadores, máis os xuros do 10 por cento ”

A CIG unha vez mais demostra que é o único sindicato que denuncia os atropelos da empresa aos dereitos dos traballadores.

Afíliate a CIG  e defende os teus dereitos

A CIG Lugo Gaña Sentenza de Reclamación de Dereitos "Correos non Pode Descontar Días de Vacacións aos Traballadores que Desfrutaron dunha Licenza sen soldo

O Xulgado nº 3 de Lugo ven de condenar a Correos declarando o dereito do traballador a desfrutar de dous días de asuntos propios que lles foron descontados pola empresa.

A denuncia foi presentada pola Asesoría Xurídica da CIG de Lugo,  logo que Correos quixera impoñer os seus criterios con respecto ao desconto de días de vacacións ou asuntos propios cando un traballador desfruta dunha licenza sen soldo. Correos alegaba que as Licenzas sen soldo non son servizos efectivos e que neste caso  o traballador estivera de 22 días de licenza sen soldo e polo tanto era correcto o desconto proporcional dos días de vacacións, (neste caso o desconto era de 2 días), pero como o traballador xa desfrutara das vacacións, fóronlle  descontados dos días de asuntos propios; mentres que dende a CIG defendiamos que o desfrute dunha Licenza sen soldo son servizos efectivos prestados ao igual que o é un permiso por matrimonio por poñer un exemplo, ademais neste mesmo senso alegabamos que si a empresa quería impoñer este criterio debería facelo constar no Convenio, cousa que non figura no que esta en vigor.

A sentencia SEN RECURSO gañada pola CIG di:

“ Que as vacacións nunca poderán ser inferiores a 30 días naturais tal e como o expresa o art. 38 do E.T.  Que aínda que o art. 56 do III Convenio Colectivo de Correos fai referencia a un calculo proporcional segundo os servizos efectivos, é obvio que este precepto só pode ser interpretado no senso de que tal alusión se fai en relación aos traballadores/as cunha relación coa empresa inferior a un ano”

Así mesmo a sentenza di “o traballador non ten obriga de desfrutar dos permisos previstos no artigo 58 do Convenio Colectivo, senón que se trata dun dereito do traballador que debe exercitar ante a empresa.”

A CIG unha vez mais demostra que é o único sindicato  que denuncia os atropelos da empresa aos dereitos dos traballadores.

Afíliate a CIG  e defende os teus dereitos

CIGcorreos: Quen padece, quen se beneficia e quen paga realmente polos abusos da lei?

Quenes son realmente os culpables de lexislar contra dereito??

O Tribunal de Xustiza da Unión Europea ven de corrixir algúns dos atropelos provocados pola normativa do Estado Español en relación cos contratos dos eventuais-interinos:

• O abuso do seu uso para motivos distintos os legalmente estipulados para este tipo de contratos.
• A discriminación destes contrataos á hora das indemnizacións por remate do contrato con relación ao persoal fixo que se atopa nesa mesma situación.

Dende a CIG vemos con impotencia como todos e todas os responsables de que se aprobaran no seu día estas normas, que agora son consideradas contrarias a dereito, se quedan de "rositas" sen asumir ningún tipo de responsabilidade, nin sufrir consecuncia algunha polos danos ocasionados ós afectados.

Se non teñen caracter retroactivo, como se vai resarcir a todo este colectivo que veu padecendo a impunidade duns contratos amparados por estas normas?
E aqueles que teñan dereito a reclamar, contra quen teñen que facelo, contra quen lles fixo un contrato amparado pola lei ou contra os que redactaron e aprobaron esa norma?

A CIG Lugo gaña sentenza de contratación e condenan a Correos a Indemnizar a unha compañeira con 925,30€

O Xulgado nº 3 de Lugo ven de condenar a Correos a indemnizar a unha traballadora eventual integrante da Bolsa de Foz Atención ao cliente por saltarse a orde de prelación nos chamamentos da contratación.

A denuncia foi presentada pola Asesoría Xurídica da CIG de Lugo,  logo que Correos quixera impoñer os seus criterios con respecto aos chamamentos na modalidade de contratos por interinidade. O E.T. con respecto a este tipo de contratos establece un límite temporal de 6 meses nun período de 12 meses, sen embargo a pesares do que di a Lei,Correos alegaba que a non contratación era correcta pois eles toman como referencia 180 días no lugar dos seis meses para os contratos por interinidade e a afiliada da CIG neste caso tiña 151 días de contrato e polo tanto non se lle podía facer un contrato dun mes ou 30 días, porque se excedía nun día segundo as súas contas ( 151 días + 30 días = 181 días), mentres  que dende a CIG defendiamos que o tema dos 180 días que alegaba Correos, non estaba no Convenio e polo tanto os chamamentos debían ser tal e como está reflectido no Estatuto dos Traballadores que establece un límite temporal de 6 meses nun período de 12 meses e non de 180 días como defendía Correos, pois hai meses que teñen 31 días e a Lei non debe prexudicar en ningún caso ao traballador. Ao final o Xuíz deunos a razón.

A CIG unha vez máis demostra que é o único sindicato  que denuncia os atropelos dos dereitos dos traballadores, mentres outros van de comparsa e aplaudidores as mesas de contratación, de traballo etc.,etc.

Afíliate a CIG  e defende os teus dereitos

A CIG non cala, denuncia diante os atropelos da empresa - Outra sentenza gañada pola CIG

2105-09-03 CIG Sentenza Embarazo.pdf by CIG Correos Lugo

Outra sentenza sobre contratación gañada pola CIG

O Xulgado nº 1 de Lugo ven de condenar a Correos a indemnizar a unha traballadora eventual integrante da Bolsa de Vilalba reparto 1 (moto) por saltarse a orde de prelación nos chamamentos da contratación.

 A denuncia foi presentada pola Asesoría Xurídica da CIG de Lugo,  logo que Correos se saltara á toureira os criterios de prelación que teñen asinados no III Convenio Colectivo da Sociedade Estatal Correos e Telégrafos S.A. ao chamar para un contrato de máis tempo formalizado o mesmo día a outr@ compañeir@ que estaba posterior  a ela na Bolsa. Correos alegaba que era unha circular de nova creación e que eles podían chamar a quen quixeran, mentres  que dende a CIG defendiamos que se tiña que ofertar ese contrato a todos os integrantes da bolsa por rigoroso orde de prelación. Ao final o Xuíz deunos a razón.

A Normativa di claramente que “ O chamamento aos candidatos efectuarase por orde de prelación (de maior a menor) e de forma rotatoria ata esgotar a bolsa. Criterios de prelación: os contratos asignaranse tendo en conta o número de orden dos candidatos da bolsa , a súa dispoñibilidade, e a duración e requisitos da modalidade de contratación. Naqueles casos nos que se produza o mesmo día, a necesidade de contratar a máis dun candidato da bolsa de emprego terase en conta o seguinte: Tipo e duración de contrato………………”
Traducido ao cristián a norma de contratación di: que despois do número un ven o dous e así sucesivamente ate esgotala e que os contratos feitos no mesmo día o mais longo correspóndelle ao primeiro que estea na Bolsa.  

A CIG unha vez mais demostra que é o único sindicato na provincia de Lugo que denuncia os atropelos dos dereitos dos traballadores, mentres outros van de comparsa e aplaudidores as mesas de contratación, de traballo etc.,etc.

Afíliate a CIG  e defende os teus dereitos

Requerimento da Inspección de Traballo a Correos

A inspección de traballo de Lugo ergue acta de infracción a Correos debido á denuncia formulada polo Sector de Correos de Lugo polo incumprimento por parte da empresa da Lei 31/95 de Prevención de Riscos Laborais, ao non aboar os gastos de desprazamento xerados con ocasión dos recoñecementos médicos ao persoal dos seguintes postos de traballo: axente/clasificación 2, Pto. N 12 Área de servizos móbiles, Pto. N 12 Área de servizo exterior, Pto. N 12 Área de servizo interior, Reparto a pé, Auxiliar reparto a pé e suplente de reparto a pé. A empresa alegaba que os recoñecementos médicos para estes postos de traballo eran de carácter voluntario e polo tanto eles non se tiñan que facer cargo dos gastos, o que obviaba a empresa é que os recoñecementos médicos son voluntarios para os traballadores pero son de carácter obrigatorio para o empresario realizalos e polo tanto todos os gastos son a cargo do empresario tal e como establece a Lei.

Agora grazas á denuncia realizada pola CIG todo este colectivo de persoal poderá reclamar o pagamento dos gastos de desprazamento.

Unha vez máis a CIG fai cumprir a legalidade en Galiza defendendo os intereses dos traballadores por enriba de todo, mentres os outros sindicatos miran cara a outro lado e calan malia que aos seus propios afiliados lles pisen os seus dereitos.
Esa é a diferenza entre os sindicatos que teñen débedas coa empresa e os que non aceptamos regalos.

Se queres facer valer os teus dereitos afilíate a CIG.

A CIG Gaña Sentenza contra Correos por Saltarse o Orde de Chamamento na Contratación

O Xulgado nº 1 de Lugo ven de condenar a Correos a indemnizar a unha traballadora da Bolsa de Ribadeo por saltarse a orde de prelación nos chamamentos da contratación.

A denuncia foi presentada pola traballadora logo de que Correos se saltara á toureira os criterios de prelación que teñen asinados no III Convenio Colectivo da Sociedade Estatal Correos e Telégrafos S.A. ao chamar para un contrato de máis tempo formalizado o mesmo día a unha compañeira que estaba posterior  a ela na Bolsa.

A Normativa di claramente que “ O chamamento aos candidatos efectuarase por orde de prelación (de maior a menor) e de forma rotatoria ata esgotar a bolsa. Criterios de prelación: os contratos asignaranse tendo en conta o número de orden dos candidatos da bolsa , a súa dispoñibilidade, e a duración e requisitos da modalidade de contratación. Naqueles casos nos que se produza o mesmo día, a necesidade de contratar a máis dun candidato da bolsa de emprego terase en conta o seguinte: Tipo e duración de contrato………………”

Traducido ao cristián a norma de contratación di: que despois do número un ven o dous e así sucesivamente ate esgotala e que os contratos feitos no mesmo día o mais longo correspóndelle ao primeiro que estea na Bolsa.  

A CIG unha vez mais demostra que é o único sindicato na provincia de Lugo que denuncia os atropelos dos dereitos dos traballadores, mentres outros van de comparsa e aplaudidores as mesas de contratación, de traballo etc.,etc.

A ver se agora aprenden a respectar polo menos o que asinan. Lembrade que sen loita non hai vitoria.

Afíliate a CIG  e defende os teus dereitos.

O Supremo Falla que Correos deberá pagar o IBI polos seus Edificios

A Can Fraco Todo Son Pulgas.

Para máis información: Pincha AQUÍ

O xulgado condena a Correos a admitir a un traballador nas bolsas de emprego ao que excluíra por ser xordo

A CIG de Lugo compareceu o pasado venres en rolda de prensa para informar da sentenza pola que o xulgado do social 2 de Lugo condena a Correos a incluír a un traballador nas listas de contratación, ao que excluíra por ser xordo, así como a abonarlle os salarios deixados de percibir. Dende a CIG de Lugo amosaron a súa satisfacción pola resolución xudicial, xa que se trata dun claro caso de discriminación.

 

“Parécenos un escándalo que un traballador sexa discriminado dunha empresa pública como Correos e non se lle contrate como lle correspondería pola súa posición nas listas polo feito de ser xordo”, denunciaba o Secretario Comarcal da CIG Lugo-A Mariña, Antonio Niño, durante a comparecencia para os medios, na que tamén estiveron presentes o propio traballador afectado, Miguel Fernández, e o delegado da CIG en Correos, John Vivancos. 

Niño criticou a dobre discriminación á que se veu sometida o traballador por parte de Correos: por unha banda, ser excluído das listas de contratación por ser xordo, e doutra o propio feito de quedar sen o dereito a un traballo. Por iso mesmo, dende a CIG de Lugo pídese á empresa postal que renuncie a recorrer a sentenza e acate a resolución, posto que “sería un escándalo” que unha empresa, ademais do sector público, apelase a decisión xudicial, cando “existe un móbil claramente discriminatorio”.

A CIG Correos Gaña os Dereitos Dos Traballadores Nos Tribunais de Xustiza

Sentenza dereito a vacacións en situación de I.T.

Os nosos servizos Xurídicos da CIG - Lugo, gañaron  unha sentencia do Tribunal Superior de Xustiza de A Coruña  sobre o dereito para o desfrute das vacacións cando estas coincidan cunha situación de Incapacidade Temporal.

Este compañeiro afiliado a este sindicato estivera de baixa durante o ano 2010, non podendo gozar das súas vacacións. Ante a súa solicitude de gozalas no ano 2011 o Director Territorial ditou resolución denegándollas, agora e debido á sentenza este traballador gozaraas neste ano.

SENTENZAS EN CONTRA DE CORREOS LOGO DAS DENUNCIAS DA C.I.G. NO TRIBUNAL SUPREMO E NO CONTENCIOSO DA CORUÑA

Aínda que tarde, a xustiza as veces chega

 O Tribunal Supremo condena a Correos a cesar na conduta antisindical que mantiña coa CIG

A sentenza favorábel do Tribunal Supremo, tras recurso da central sindical, bota abaixo outra sentenza contraria do TSXG e recoñécelle á CIG-Correos da provincia da Coruña o dereito a ter Sección Sindical, a ter Delegado Sindical, así como todos os dereitos de información que levan implícitos estes órganos.

O Contencioso-Administrativo confirma a sanción de 6.250 € imposta pola Inspección de Traballo a Correos

O Xulgado do Contencioso Administrativo da Coruña vén de confirmar a sanción de 6.250 € imposta pola Inspección de Traballo contra Correos por transgredir os dereitos de información, audiencia e consulta da CIG e por persistir na conduta infractora, sentenza que xa non pode ser recurrida por Correos.

Para máis información sobre esta noticia PREME AQUÍ

 ¿Por qué non se lle esixen responsabilidades ós culpables de que Correos teña que pagar estas cantidades? ¿Aínda lles dan palmadiñas nas costas para felicitalos? Non nos extrañaría nada

O Xulgado condena a Correos a abonar a totalidade dos salarios a unha traballadora que sufriu un aborto

A empresa postal non vinculaba o aborto coa maternidade e deulle un trato de enfermidade común

O sector de Correos da CIG-Administración vén de dar a coñecer unha sentenza pola que se condena á empresa postal estatal á repor a totalidade do salario a unha traballadora á que, como consecuencia dun aborto, se lle aplicaron descontos en determinados complementos retributivos. Correos, explican dende o sector da CIG, non vinculaba o aborto coa maternidade e dáballe unicamente un trato de enfermidade común.

“Dende a CIG”, explica Miguel Ramudo, delegado sindical, “tivemos que recordarlle a Correos que ese tipo de actuación supón unha flagrante violación do dereito á igualdade entre homes e mulleres, pois discriminar a unha muller salarialmente con motivo dun aborto; feito que está relacionado directamente coa maternidade e que a súa aplicación lévanos a unha discriminación por razón de sexo”.

Así o entendeu tamén o Xulgado do Social, que estimou a demanda da traballadora e agora obriga a Correos a abonarlle a totalidade da cantidade que no seu día lle descontara por mor da baixa motivada polo aborto.
“Estamos diante dunha sentenza que ten que ser o camiño a seguir, aínda que se trata dunha sentencia dun xulgado do social agardamos que sirva de exemplo para que as empresas tomen nota e deixen de discriminar a muller nin por este nin por ningún outro motivo”, aseveran.
Dende a CIG Correos aproveitaron para lembrar a Correos que calquera Plan de Igualdade, ou similar, “queda moi bonito cando se contempla nun Convenio ou nun Acordo, incluso vende moi ben de cara os medios e a publicidade, pero  é necesario que as actuacións que logo se levan a cabo relacionadas coa muller sexan as correctas”.

Medios que recollen esta nova:

Radio Coruña - Cadena Ser
Noticias Galicia

A CIG gaña sentenza contra Correos por denegación de permisos

A CIG Correos Lugo gana sentenza contra Correos por denegación de permisos. Correos unha vez máis estaban a aplicar a concesión de permisos retribuídos ao seu antollo un deles é o permiso por morte, enfermidade grave, accidente ou hospitalización nos casos de desprazamento a outra localidade en lugar de conceder os 5 ou 4 días, dependendo do grao familiar, daban 2 ou 3 días alegando que a distancia en quilómetros entre as localidades tiña que ser superior aos 40 quilómetros. Dende a CIG defendemos sempre que en ningunha parte do Convenio ou do Acordo xeral vén regulada norma algunha sobre distancia de quilómetros e agora unha sentenza do Xulgado do Contencioso Administrativo n.º 2 de Lugo dános a razón.

Agora obrigan a Correos a conceder os dous días de permiso que lle restan á compañeira que no seu día en lugar de concederlle os 5 días aos que tiña dereito lle concederon tres alegando a mencionada distancia.

A ver se agora aprenden a respectar polo menos o que asinan.

Pago tramos anteriores ao 2006 para o persoal laboral

As setenzas seguen dándonos a razón

A CIG-Correos volve a gañar outro xuizo por reclamación de cantidade do Plus de    permanencia e desempeño (Tramos) dos anos 2005 e 2006.

Na nómina do mes de maio Correos ingresounos o que nos correspondía polo concepto de TRAMOS dende outubro 2006. Dende a CIG-Correos sempre defendimos que dito   concepto tiña que pagarse na sua totalidade e tivo que ser o xulgado o que nos volvera a dar a razón de novo.

A CIG-Correos con estas sentenzas volve a poñer entredito aos sindicatos estatais que   firmaron uns convenios en favor da empresa, pero queda demostrado, que nin eles nin  Correos nos van a parar na reclamación dos nosos dereitos.