O persoal da administración pública concéntrase en San Caetano para manifestar a súa oposición á nova rebaixa salarial

A Área Pública da CIG considera “indecente” que se presente como un “recoñecemento” ao seu esforzo a posibilidade de solicitar un anticipo da paga extra de xullo en xaneiro 

Mentres Feijoo se reunía co seu goberno no Consello da Xunta, traballadoras/es do sector público concentrábanse en San Caetano, para manifestar a súa oposición ao novo recorte que se aplicará nos seus salarios en 2013. Ao berro de “mans arriba, isto é un atraco”, denunciaron as súas cada vez máis precarias condicións laborais e as “mentiras” tanto do Presidente, como dos conselleiros. Para a Área Pública da CIG é, ademais, “indecente” que se presente como un “recoñecemento ao seu esforzo” a posibilidade de solicitar un anticipo da paga extra de xullo no mes de xaneiro, logo do “saqueo” do que están sendo vítimas, cando se lles recortará nesa e na seguinte paga extra e cando se lles adebeda a deste Nadal. Adiantan xa que, ante isto, convocarán mobilizacións.

Para máis información PREME AQUÍ

Esmola de Nadal, ¿con trampa?

FACENDA DEVOLVERÁ AS COTIZACIÓNS DA EXTRA ÓS FUNCIONARIOS

O Goberno ben de anunciar que devolverá ós funcionarios o importe das cotizacións correspondentes a paga extraordinaria de decembro, un 3,86% é dicir entre 60 e  160 Euros. Iso si, será con moita calma, moita mais da que tivo a hora de facer os correspondentes descontos, xa que para elo darase un prazo de tres meses, durante o cal terá no seu poder o diñeiro que é de todos nos.

Tempo tivo dabondo este goberno  dende o 13 de xullo para emendar este saqueo, pero non o fixo ata que sufriu a suficiente presión. Danse de conta agora, tarde mal e nunca, do agravio? como eles mesmos din.

Pero o Sr. Ministro segue a insistir de que estes descontos son legais. Ata aí chegamos Sr. Montoro, a pesares do que vostede pense somos funcionarios, o que non é sinónimo de idiotas aínda que lle pareza mentira. Pero o que é legal non sempre é xusto, como é o caso. Non esquezamos que a legalidade sempre a fai o que ten a sarten polo mango. Cunha maioría absoluta, como ten o PP, pódense promulgar toda clase de Leis ou R. Decretos, como fai este goberno  aínda sabendo que son totalmente inxustos; senón que llo pregunten os funcionarios, os profesionais da sanidade, do ensino, os pensionistas, etc…

A verdadeira inxustiza segue a ser Sr. Ministro que vostedes nos rouben a paga extra non quedando para nada compensado con que nos devolvan as cotizacións. Ademais non explicou como o van a facer. Modificarán o haber regulador? Se así é a inxustiza sería dobre porque o que farían sería baixarnos as nosas pensións. É isto o que vai facer? Explíquese Sr. Montoro, senón esta esmola que nos esta a vender pode ser un regalo envelenado.

Concentración do persoal da administración pública este xoves en San Caetano

Coincide co Consello da Xunta no que se aprobará a redución salarial para o ano 2013

 

As organizacións sindicais con presenza na Mesa Xeral da Función Pública, entre as que se atopa a CIG, convocan para este xoves, día 27 de decembro, ás 11:00 horas, unha concentración en San Caetano, coincidindo coa celebración do Consello da Xunta no que previsibelmente se aprobará a redución salarial para o persoal público no ano 2013.

 

O Partido Popular pretende reducir, do total da masa salarial de todas/os as/os empregadas/os públicas/os de Galiza un 4% para o ano 2013. Deste xeito, nas retribucións de cada traballador/a vaise aplicar esa redución nas pagas extra de xullo e setembro, sacándolle o complemento específico a todo o persoal da administración. Así, en función da súa contía, isto suporá unha rebaixa nas retribucións anuais de entre o 2% e o 7%. Para quen non teña ese concepto, o desconto farase igualmente, pero na paga extra.

As organizacións sindicais están pendentes de saber como se pretende materializar ese desconto salarial no caso do persoal do SERGAS, que ten uns complementos específicos de contías moi inferiores aos do resto do persoal da administración pública

 

O recorte salarial do 2013 para Feijoo é un logro

A Área Pública da CIG acusa a Feijoo de “tramposo e manipulador” por intentar vender unha rebaixa salarial como un logro

O persoal de Ensino, Sanidade e Administración pública dependente da Xunta de Galiza verá reducidos os seus ingresos nun 4%

Contra as 14:00 horas deste venres, reuníanse representantes das organizacións sindicais e da administración na mesa xeral da Función Pública. Sen documentación previa e sen outra información que a filtrada á prensa desde a propia Xunta de Galiza recibían a confirmación de que en 2013 verán rebaixados os seus salarios. O anuncio acababa en liorta, desaloxando dentro ás/aos representantes sindicais e cunha contundente actuación policial no exterior do edificio da EGAP.

Para máis información PREME AQUÍ

DESCONVOCADA A FOLGA DOS CARTEIROS DE EIBAR

DESPOIS DE 20 DÍAS DE FOLGA INDEFINIDA E CON MAIS DE 300.000 OBXECTOS DE CORRESPONDENCIA ACUMULADOS SEN REPARTIR OS CARTEIROS E CARTEIRAS DE EIBAR DESCONVOCAN A FOLGA TRAS CHEGAR A UN ACORDO CON CORREOS

As partes en conflicto chegaron a un acordo tras reducir Correos o número de postos a recortar na cartería de 5 a 3, feito que permite que os dous traballadores que se tiñan que desprazar continúen en Eibar.

 

Esta negociación costoelle a todo o persoal 8 meses de salarios. Pedímoslle a Correos que se negocie antes de facer as propostas para non ter que chegar a esta situación que prexudica a todos: empresa, persoal e usuarios.

 

Para ollar as novas olla no seu blog:                  PREME AQUI
                                     
                                                           
                

Publicado por CIG Correos

CIG-Correos deséxavos...

FELICES FESTAS

Viñeta de Davila

CORREOS VENDERÁ PRENSA E ARTIGOS DE PAPELERÍA - ESTA É UNHA DAS MEDIDAS DO PLAN ESTRATÉXICO 100 - 500 - 1500 PRESENTADO EN MADRID

FONTE:  huffingtonpost      diariosigloxxi    

Concentracións para este xoves día 20 de decembro

A Alianza Social Galega, na que esta  a CIG xunto a máis de 60 entidades, chama a cidadanía a concentrarse o 20 de decembro nas principais cidades e comarcas galegas

 ¡¡ Rexeita os novos recortes impostos polo PP ¡¡

As máis de 60 entidades que conforman a Alianza Socia Galega fan un chamamento a participar nas mobilizacións convocadas para este xoves, día 20 de decembro, nas principais cidades e cabeceiras de comarca. Mobilizacións coas que se queren denunciar as políticas antisociais que está a adoptar o goberno do PP e entre as que salientaron a non revalorización das pensións, os recortes na sanidade e no ensino públicos e a contrarreforma ideolóxica que representan a LOMCE ou Lei de taxas xudiciais. Como parte das reivindicacións tamén estará a esixencia de reformar da normativa hipotecaria para pór fin ao drama dos desafiuzamentos e lograr a dación en pagamento.

Para máis información, para ver o manifesto e para saber os lugares e horas das concentracións PREME AQUÍ

PRAZAS OUTROS MINISTERIOS

MINISTERIO DE FACENDA E ADMINISTRACIÓNS PÚBLICAS
BOE Nº 301 DO 15 DE DECEMBRO  ORDE HAP/2669/2012

PRAZAS GALIZA: A CORUÑA, OURENSE, PONTEVEDRA.
SUBGRUPOS: A1, A2, C1.

Manifestación o sábado 15, en Pontevedra, contra a represión sindical, a reforma do código penal e a lei de taxas xudiciais

A marcha convocada pola CIG sairá ás 11.30 horas da Praza da Ferrería e rematará na Subdelegación do Goberno español

 

Pontevedra acollerá, o vindeiro sábado día 15 de decembro, una manifestación convocada pola CIG para denunciar a represión sindical coa que se busca criminalizar a resposta ás políticas do PP;  a reforma do Código Penal que prepara o Goberno de Mariano Rajoy, que pretende tipificar como delitos accións que antes non tiñan esa consideración; e a lei de taxas xudiciais que dificulta o acceso ao dereito fundamental á tutela xudicial efectiva. A manifestación sairá ás 11.30 horas da Praza da Ferrería e rematará diante da Subdelegación do Goberno español.

Para máis información PREME AQUÍ

PROMOCIÓN INTERNA PARA FUNCIONARIOS

PUBLICADOS OS MÉRITOS PROVISIONAIS DE A2, C1, C2 E APROBADOS DO SEGUNDO EXAME DE A2

Publicados os méritos provisionais da promoción interna de A2, C1 e C2.

Publicado o listado de aprobados do segundo exame para A2. 

Os listados completos dos méritos dispoñibles nas seccións sindicais da CIG. 

PAGO DO RESTO DAS AXUDAS DE ACCIÓN SOCIAL

Coa vindeira nómina de decembro de 2012 ingresarán a contía correspondente ao resto das axudas de Acción Social

• Anticipos sen Xuro:  

2.170  anticipos sen xuro concedidos que suman un importe de 8.460.300 €

• Axudas ao estudo para fillos (libros e material escolar)

3.952 axudas que suman un importe de 395.200 €

• Axudas para estudos universitarios de empregados:

189 Axudas que suman un importe de 24.246 €

               

CORREOS EMPREGA UN SISTEMA DE INFORMACIÓN XEOGRÁFICA (GIS) BASEADO EN DATOS CARTOGRÁFICOS DE TOMTOM

Este sistema analiza e xestiona información básica para a infraestrutura e o desenvolvemento operativo da entidade. Este sistema, segundo Correos achega maior eficiencia no servizo e aforra custos, a empresa  utilízao por exemplo, para a planificación das rutas de reparto en zonas rurais etc.

Este é o famoso programa que está a utilizar correos para recortarlle os quilómetros aos rurais.

ENLACE NOVA

A Audiencia de Pontevedra absolve os tres sindicalistas e lembra que o dereito de folga prevalece sobre o dereito a traballar

MENOS MAL QUE QUEDAN XUICES QUE TEÑEN OS PES NA TERRA

A CIG decidiu suspender a folga de fame pero mantén a manifestación prevista para o vindeiro 15 de decembro contra a represión sindical

 Para máis información PREME AQUÍ

CAMPAÑA DE NADAL 2012

CIRCULAR DEFINITIVA

Produtividade e remuneración para a campaña de Nadal 2012

Bueno... deben pensar que aquí en Correos non fai tanto frío, por eso a nosa "bufanda" non abriga moito.

Sácannos a paga extra e queren que nos conformemos con esta miseria de bufanda.

Percibirase unha gratificación de 95,08 € polo conxunto da campaña de Nadal.

Os requisitos para poder cobrar esta gratificación son:

   Permanecer vinculado e en activo en correos de forma ininterrompida dende o 1 ao 31 de decembro.

    Ser persoal funcionario, laboral fixo (incluídos fixos descontinuos e fixos a tempo parcial) e persoal eventual,

   Excluíndose os contratos por circunstancias da produción realizados para atender a propia campaña.

Traballar nunha das seguintes áreas: repartición ordinaria, repartición urxente, clasificación de cartería, apartados, ruteros, persoal operativo dos centros e unidades de tratamento (admisión masiva, clasificación automática, manual, produtos rexistrados e carga e descarga), sala de aparatos, rurais A, condutores interzonais e intercentros, cambio de Madrid e Barcelona, persoal operativo das oficinas postais os xefes das unidades afectadas. Os rurais B e empregados/ás con xornadas a tempo parcial en proporción á súa xornada.

Penalizacións:

Por inasistencia descontarase da gratificación, o primeiro día 12,02 €, o segundo e o terceiro 18,03 €. con máis de tres días pérdese o dereito á percepción económica.

Exceptúanse da penalización:

Os accidentes de traballo en novembro ou decembro, nacemento, acollemento e adopción dun fillo, falecemento ou enfermidade grave dun familiar ata segundo grao.

   Dous días de permiso a elixir entre os días 5, 7 e outro día do mes de decembro.

Medidas organizativas:

   Poderanse organizar e efectuar reparticións puntuais.

En admisión masiva, carga e descarga, salas de dirección e centros de tratamento poderase autorizar a realización de horas adicionais.

Días 24 e 31: módulo de 79,48 € por traballador/día. deberán prestar servizo:

O persoal mínimo imprescindible tanto en admisión e oficinas coma en tratamento e distribución.

Só abrirán as oficinas de centros comerciais, e, onde non haxa centros comerciais, poderá abrir unha da capital de provincia, en quenda de mañá e horario de sábado.

Días 25 de decembro e 1 de xaneiro:

Non traballará ninguén. o persoal dos centros de tratamento, que por quenda, traballe a noite do 25 ao 26 de decembro e do 1 ao 2 de xaneiro percibirá as horas adicionais de festivo.

Pagamento da campaña: correos comprométense a axilizar os trámites para que o seu pagamento se faga efectivo a finais de xaneiro.

PUBLICADOS OS LISTADOS DEFINITIVOS DE APROBADOS SUBGRUPO A1

Os listados de aprobados están dispoñibles nas seccións sindicais da C.I.G.

Resolución Correos

Superior a1 Aprobados

PRAZAS OUTROS MINISTERIOS

MINISTERIO DE EMPREGO E SEGURIDADE SOCIAL
BOE Nº 285 DO 27 DE NOVEMBRO    ORDE: ESS/2529/2012

PRAZAS GALIZA: A CORUÑA e LUGO.
SUBGRUPOS: A1, A2, C1.

2ª RESOLUCIÓN DO CONCURSO PERMANENTE (Novembro– 2012)

17  Prazas adxudicadas en Galiza: 9 A CORUÑA, 2  LUGO, 3 OURENSE, 3 PONTEVEDRA.

Total prazas adxudicadas no Concurso 295  :  49 REPARTO A PÉ, 135 REPARTO MOTO, 77 ATENCIÓN AO CLIENTE e 34 AXENTE CLASIFICACIÓN.

OS LISTADOS COMPLETOS DA  2ª  ADXUDICACIÓN DISPOÑIBLES NAS SECCIÓN SINDICAIS DA CIG.

 PRAZOS DE CESE

Para todos os postos o cese será o día 30 DE NOVEMBRO 2012.

 PRAZOS DE INCORPORACIÓN

 A incorporación será a partir do día 1 DE DECEMBRO DE 2012.

- O día seguinte se o traslado é na mesma localidade.

- 2 Días na mesma provincia ou illa ( Si se adianta ó día seguinte 60 €)

- 6 Días entre localidades da península que non pertenzan a mesma provincia (si se adianta ó segundo día 180 €)

- 10 Días entre illas Ceuta e Melilla e península (Se a toma e ó terceiro día 300 €)

­ Se optas pola compensación económica debes entregar o Anexo 3 en Recursos Humanos, antes do 29 DE NOVEMBRO DE 2012.

­ Os prazos posesorios empezarán ó rematar os permisos, licencias,... Se tes licencia por enfermidade ou  baixa dilixéncianche o cese e toma de posesión de oficio.

­ O prazo posesorio será como de servicio activo salvo para excedentes voluntarios ou para o coidado de fillos.

­ Se comporta reingreso ó servicio activo o prazo de posesión será de un mes (Dende o día 01/12/2012)

CONCURSO PERMANENTE DE TRASLADOS 2012 - 2013

O luns 26 de novembro ás 9:30 da mañá reunión da Comisión de Traslados para resolver a segunda asignación do Concurso Permanente de Traslados

CALENDARIO LABORAL 2013 PARA GALICIA

 FESTAS PARA O ANO 2013

MES	DIA	DÍA DA SEMANA	FESTIVIDADE
XANEIRO	1	MARTES	ANINOVO
MARZO	28	XOVES	XOVES SANTO
MARZO	29	VENRES	VENRES SANTO
MAIO	1	MÉRCORES	FESTA DO TRABALLO
MAIO	17	VENRES	DÍA DAS LETRAS GALEGAS
XUÑO	24	LUNS	DÍA DE SAN XOAN
XULLO	25	XOVES	DIA NACIONAL DE GALIZA
AGOSTO	15	XOVES	DÍA DA ASUNCIÓN
OUTUBRO	12	SABADO	DIA DA HISPANIDADE
NOVEMBRO	1	VENRES	DIA DE TODOS OS SANTOS
DECEMBRO	6	VENRES	DÍA DA CONSTITUCIÓN ESPAÑOLA
DECEMBRO	25	MÉRCORES	DIA DE NADAL

Para ollar as festas locais galegas preme nestes enlaces que te levarán ós Boletíns Oficiais de cada unha das provincias:

A CORUÑA     LUGO     OURENSE     PONTEVEDRA

PAGO DAS AXUDAS DE ACCIÓN SOCIAL

Se tes dúbidas sobre a cantidade que che teñen que ingresar ponte en contacto coa xente da CIG Correos da túa comarca

Panfleto Pago Axudas

LEI 10/2012 DAS NOVAS TAXAS XUDICIAIS - O PP APROBA A XUSTIZA PARA RICOS

Hoxe é un día triste de máis para a cidadanía galega, pois acaba de entrar en vigor a lei de taxas xudiciais que vai provocar a renuncia dos cidadáns a entaboar accións xudiciais en reclamación de dereitos persoais e colectivos polo simple feito de non ter os cartos necesarios para pagar, por adiantado, as taxas xudiciais hoxe fixadas na lei 10/2012.

Este é un novo ataque á cidadanía (e por desgraza non será o último) orquestado polo Partido do Poder (en abreviatura PP) que mellorando o eslogan empregado polo presidente dos EEUU Sr. Obama “Yes We Can” (Nós Podemos) acaba de conseguir o de Nos Podemos...estar, aínda se cabe, máis fodidos.

NOVA REESTRUTURACIÓN DAS ZONAS EN CORREOS DAS 14 PASAN A 7 (SERVIRÁ PARA ALGO)

ESTA É A NOVA ESTRUTURA ZONAL DE CORREOS QUE SE REDUCEN Á METADE DAS 14 QUE ERAN ÁS 7 ACTUAIS.

Zona I. Galicia, Asturias y Castilla y León (excepto Soria), sede en Santiago de Compostela. Director: Ángel Pérez Pérez.

Zona II. País Vasco, Navarra, La Rioja, Cantabria, Aragón y Soria, sede en Bilbao. Directora: Concepción Peraita Martín.

Zona III. Cataluña, sede en Barcelona. Director: Manuel Rey González.

Zona IV. Madrid, Castilla-La Mancha y Extremadura,  sede en Madrid. Director: Domingo Sebastián Bello.

Zona V. Comunidad Valenciana, Murcia e Islas Baleares,  sede en Valencia. Director: Blas Ángel Barbadillo Gonzalo.

Zona VI. Andalucía, Ceuta y Melilla, sede en Sevilla. Director: José Luis Prados Linero.

Zona VII. Islas Canarias, sede en Santa Cruz de Tenerife. Director: Carlos Javier de las Heras García. 

COMUNICADO CORREOS  Nova Estrutura Zonal Correos