7 de xan. de 2019

Análise do Acordo Asinado para o Persoal Laboral



Como xa o fixeramos co persoal funcionario agora faremos un análise das supostas melloras para o persoal laboral no Acordo asinado o día 19 de decembro polos sindicatos CCOO, CSIF, S.L. e UGT.   

SALARIO: Ao igual que para o persoal funcionario a suba é a mesma que pactaron os sindicatos CCOO, CSIF e UGT co PP en marzo de 2018. É dicir un 6 % fixo en 3 anos e o resto ate chegar ao 8.65% está vinculado ao crecemento do PIB. É dicir un carteiro verá unha suba real na súa nómina de uns 65€ aproximadamente en 3 anos. Dende a CIG vemos que é unha suba irrisoria comparada coa que se están negociando noutras administracións ao marxe da asinada con o PP, un exemplo o temos na Xunta, tanto os funcionarios como laborais verán incrementadas as súas nóminas no 2019 entre os 371€ para os grupos máis baixos ate os 800€ que cobrarán os grupos máis altos.   

SUPRESIÓN SABADOS: O texto di que o Plus se empezará a aplicar ao longo do primeiro semestre do ano que ven, sen especificar cando nin como. Mentres os traballadores das USES, ATC, CTA, Pavillóns postais etc, terán que seguir traballando os sábados.

DESPENALIZACIÓN DAS BAIXAS: o persoal laboral continúa discriminado, só despenalizan no caso que a baixa implique intervención cirúrxica, hospitalización e tratamentos de radioterapia ou quimioterapia. É dicir unha baixa de 4 días que non implique ningún dos casos anteriores exemplo unha gripe, perde tramos, CPA etc. O desconto pode superar os 300 €....preguntámonos isto é xusto...que un carteiro que fai o seu traballo na intemperie teña estes descontos??? Pois se ve que para os asinantes do Acordo SI.

XUBILACIÓNS PARCIAIS CON CONTRATO RELEVO: Afectará no mellor dos casos a un número moi reducido do persoal. Está medida só afecta ás actividades que comportan relevante esforzo físico, por tanto quedarían fóra todo o persoal de Atención ao Publico, técnicos, administrativos etc, creando desigualdades dentro da propia clase traballadora da empresa. Ademais é unha medida temporal, o Goberno só alonga esta disposición transitoria até o 31 de decembro de 2023. Mentres as reformas das pensións dos anos 2011 e 2013 seguen sen derrogarse, estas reformas eliminaron o dereito á xubilación parcial aos 61 anos, fixando un período transitorio que rematou o pasado 31 de decembro.

A CIG non está en contra que entre novo persoal, estamos en contra que se asinen Consolidacións de emprego a cambio de vender os dereitos dos traballadores nas Mesas de Negociación.

                 ESTES SINDICATOS NON TE DEFENDEN – VIVEN DE TI