Fai máis dun século, dende mediados do s.XIX, os
traballadores de todo o mundo recorren ás FOLGAS XERAIS para reivindicar os
seus dereitos, uns dereitos adquiridos mediante a chamada “loita de clases”,
con persecucións e, as veces, coma nas dictaduras, na clandestinidade, cando os
sindicatos de clase estaban prohibidos, sufrindo a represión e torturas a mans
das policías políticas do réximes autoritarios
e arriscando a propia vida.
Buscar un equilibrio equitativo nas relacións
laborais para facer un reparto máis xusto da riqueza entre as forzas do
Traballo e do Capital constituíu o obxectivo principal da clase traballadora
organizada, principalmente desde o remate da 2ª Guerra Mundial nos Estados de
Europa Occidental, chegando á regulación, mediante un Pacto Social coa implantación
do familiarmente coñecido “Estado do Benestar”, que se está a desmantelar co
patrocinio dos Estados máis poderosos da Unión Europea: Alemaña e Franza.
A clase dominante sempre se enriqueceu a costa das desigualdades, por medio da explotación para manter os seus privilexios, empregando o Estado como instrumento ao servizo exclusivo seu, por iso, diante desta crise causada pola especulación brutal do capital financieiro, trata de buscar unha saída favorable aos intereses da Oligarquía (os chamados mercados: Banco de Santander, BBVA, ENDESA, REPSOL, TELEFÓNICA, MERCADONA, El Corte Inglés, INDITEX, ACCIONA, …) Son conscientes que só mediante o aumento da explotación de man de obra, o saqueo de todo o público mediante as privatizacións, vai ser a única posibilidade de remontar a crise global e estructural do capitalismo.
A clase dominante sempre se enriqueceu a costa das desigualdades, por medio da explotación para manter os seus privilexios, empregando o Estado como instrumento ao servizo exclusivo seu, por iso, diante desta crise causada pola especulación brutal do capital financieiro, trata de buscar unha saída favorable aos intereses da Oligarquía (os chamados mercados: Banco de Santander, BBVA, ENDESA, REPSOL, TELEFÓNICA, MERCADONA, El Corte Inglés, INDITEX, ACCIONA, …) Son conscientes que só mediante o aumento da explotación de man de obra, o saqueo de todo o público mediante as privatizacións, vai ser a única posibilidade de remontar a crise global e estructural do capitalismo.
Por iso facerlle fronte ás clases dominantes por
medio do exercicio do dereito á FOLGA XERAL reforza o poder de presión dos
traballadores diante da salvaxe ofensiva contra os dereitos laborais e das
condicións de vida da clase traballadora e os sectores populares, para impedir e parar o obxectivo que ten o
Capital para deixar ás maiorías sociais na miseria máis absoluta.
Queda claro a necesidade de sumar todas as forzas
posibles para garantir o éxito desta FOLGA XERAL, o vindeiro día 29 de marzo,
porque compre parar os retrocesos nos dereitos laborais, na reducción dos
salarios, do aumento do IRPF e dos recortes nos servizos públicos e da
protección social, para tentar avanzar cara unha sociedade máis xusta e equitativa,
mediante unha mellor redistribución da riqueza.
Hai que ser conscientes de que a Artillería
Mediática que emprega o Goberno, a CEOE, o PP, por medio do exercito de
tertulianos “Neocons” tratan de desvirtuar o concepto da FOLGA XERAL con
premeditación e aleivosía, argumentando con discursos sibilinos e co uso
sistemático da demagoxia, da mentira e da manipulación: … que con folgas non se
remedia nada e que non estamos neste contexto de crise para este tipo de
mobilizacións. Faltaría máis, se estiveramos caralludamente non se convocaría a
FOLGA XERAL !!
A realidade é que estamos mal, e queren poñernos
peor! aos que somos as víctimas dos desmáns financeiros, de aqueles que
apostaban grandes cantidades de capitais á especulación pura e dura, é dicir,
só investindo para arriscar comprando e vendendo coa finalidade de facerse cos
maiores beneficios e ganancias a partir da variación dos prezos, sen atender á
chamada economía productiva de bens, mercancías ou servizos para o beneficio do
conxunto da sociedade. Agora, esta Oligarquía quere tamén deixarnos sen o
recurso á defensa que supón unha convocatoria de FOLGA XERAL, está clamando para “regular”
este dereito, é dicir, impedilo na práctica este dereito básico e constitucional
da clase traballadora. Para máis abondar o “Presidente Rajoy” ameaza con moitas
máis “reformas”
Desde a CIG, entendemos que esta reforma laboral
ven a ser un saqueo á clase traballadora, un verdadeiro “golpe de estado” aos
dereitos dos traballadores. A coartada
que emprega o goberno é que temos un mercado laboral ríxido, cando a
realidade é que o ano pasado fixéronse no estado máis de 18 millóns de
contratos: por horas, por días, de interinidade, por substitución, por obra,
por ETT´S…case o dobre que en Francia. O empobrecemento dos traballadores non
activará a economía, porque reducirá o consumo e afectará ao 90 por cento das
empresas que viven do consumo interno e non da exportación.
Podemos ver como todos os países de Europa que
teñen os salarios máis baixos, son os que teñen unha crise máis fonda, máis
paro e máis precariedade nos contratos: Grecia, Portugal, Italia, Irlanda e,
por suposto, o Estado Español. Dentro do Estado, no País Basco, cos mesmos
dereitos que nós, e cun salario un 40 por cento maior teñen a metade de paro
que en Galiza. Por iso, desde a CIG, afirmamos que os recortes sociais e
laborais nin son xustos, nin moito menos eficaces. Nas Comunidades Autónomas con
mellores salarios é onde menos paro hai e nas de menores salarios é onde máis
paro existe; porque ao formar parte do mesmo mercado, tendo prezos iguais o
consumo é menor polo pouco poder de compra. No momento que nos atopamos é mais
necesario que nunca abrir os ollos, reaccionar, saír á rúa e demostrar, coa
maior unidade consecuente, de que non estamos dispostos a claudicar tan facilmente.
Vainos moito da nosa vida nelo! Pois
temos moito que gañar e pouco que perder! (escasamente unhas calderillas, en
comparanza co moito que nos queren arrebatar)
O peor desta reforma laboral non é que abarate
enormemente o despedimento, o peor é que debilita toda capacidade de
negociación colectiva dos traballadores. Colectiva, si, porque os asalariados
non son nada se non defenden colectivamente os seus intereses. Colectivamente,
isto é, como clase: Non coma membros dunha illada unidade de producción chamada
empresa, senón como elementos constitutivos dun sector concreto da sociedade
chamado clase traballadora. O obxectivo da Patronal é precisamente ese, avanzar
cara un mundo en que a clase traballadora desapareza como tal e se desagregue
nunha multitude de individuos indefensos, facilmente coaccionabeis: ou o
tomas ou o deixas. A satisfacer ese obxectivo colabora entusiasta o
goberno dereitista de Rajoy. A reforma, nese sentido, é extremadamente
agresiva, como avanzou o ex conselleiro de “Lehman Brothers” que os mercados
sentaron no Consello de Ministros: antes os despedimentos xa podían ser á
vontade, a partir de agora, tamén o será a reducción salarial.
Ante unha agresión desta natureza só cabe unha
resposta que, cando menos, sexa contundente. Unha resposta de oposición frontal.
Debemos tirar pola reconquista da Democracia, secuestrada polos amos do
mercado. Debemos ir ao combate e á loita contra un deseño absolutamente desfavorábel
para os pobos en xeral e, en particular,
para Galiza. Unha nación periférica a nosa que, ademais de ter os
salarios ben máis baixos que a media estatal, sofre un aterrador descenso
demográfico e volta a experimentar na súa pel o látego da emigración e na
defensa firme da nosa economía productiva nacional: o sector lácteo, a pesca, a
construcción naval, a producción de enerxía, etc, etc.
IMPIDAMOS
ENTRE TODOS O PRÓXIMO DÍA 29 DE MARZO A DEMOLICIÓN DOS NOSOS DEREITOS NO
TRABALLO.
PARA QUE OS
GRANDES EMPRESARIOS, A BANCA E OS MÁIS RICOS: (AMANCIO ORTEGA, EMILIO BOTÍN, AS
KOPLOWITZ, FRANCISCO GONZÁLEZ, FLORENTINO PÉREZ, ETC.) NON SE SAIAN COA SÚA.
PORQUE É
TEMPO DE RESPOSTAR ÁS AGRESIÓNS ACTUANDO CON CONTUNDENCIA PARA VENCER.
PORQUE
LAMENTARSE NON É A SOLUCIÓN
PORQUE NÓS
NON PODEMOS PERMITIR DEIXAR AOS NOSOS DESCENDENTES UN PASAPORTE PARA A
ESCRAVITUDE.
POLOS QUE NOS PRECEDERON NAS CONQUISTAS DOS DEREITOS, POR
TODAS E TODOS NÓS E TAMÉN POLAS XENERACIÓNS FUTURAS,
O 29 DE MARZO:
O 29 DE MARZO:
GALIZA ENTEIRA Á FOLGA XERAL !!
SE NOS ORGANIZAMOS,
CO SINDICALISMO GALEGO...
PODÉMOLOS PARAR !!