CORREOS, CONDENADO EN LUGO. Vitoria dos servizos xurídicos da CIG

 

O Xulgado do Social nº 2 de Lugo ditou unha sentenza pola que estima parcialmente a demanda presentada polos servizos xurídicos da CIG contra a Sociedade Estatal de Correos e Telégrafos, S.A.

A Xustiza:

• Recoñece o dereito dunha traballadora a ser chamada para un contrato que lle correspondía pola súa orde de preferencia na bolsa.
• Declara que Correos saltouse esa preferencia e colocou por diante outra persoa.
• Condena a empresa a indemnizala con 29.736,17 € en concepto de salarios deixados de percibir.
• Indica que a resolución é firme e non admite recurso de suplicación.

Que nos demostra esta sentenza?

• Que Correos non pode manipular as bolsas nin facer contratacións “a dedo” sen consecuencias.
• Que a vulneración da orde de preferencia xera dereito a cobrar os salarios perdidos.
• Que tamén nos contratos temporais hai dereitos e pódense defender nos xulgados.
• Que o traballo dos servizos xurídicos da CIG é eficaz para frear os abusos e obrigar Correos a cumprir a lei.

Pode estarche pasando algo parecido?

• Non te chamaron para un posto ou substitución tendo mellor posición na bolsa que quen foi contratado/a.
• Ves colocacións opacas ou “a dedo”.
• Tes a impresión de que non se respectan os teus dereitos de preferencia na contratación.

Que facer?

1. Garda probas: listaxes de bolsas, correos e mensaxes de chamamento, contratos,  etc.
2. Anota o que pasou: posto, lugar, datas aproximadas e quen ocupou finalmente o traballo.
3. Presenta reclamación por escrito en Correos, para que quede constancia.
4. Acude á CIG: valoraremos o teu caso e, se hai base, os servizos xurídicos poderán reclamar o que che corresponde.

RECLAMAR SERVE. 

COA CIG, GAÑAMOS DEREITOS E OBRIGAMOS 

A CORREOS A CUMPRIR A LEI.