Abono da quilometraxe a 0,26 euros e con efectos retroactivos dende o 18 de xullo de 2023 na nómina de setembro... ainda!!

 

A empresa, ante o anuncio desta central sindical do inicio dun Conflito Colectivo, acaba de comunicarnos que se recibiu resolución da  Secretaría de Estado de Orzamentos e Gastos (SEPG),  autorizando o abono da quilometraxe a 0,26 euros e con efectos retroactivos dende o 18 de xullo de 2023. Así mesmo nos informan que Os equipos de Recursos Humanos e Tecnoloxía van poñerse a traballar para que se poida abonar canto antes, pero que debemos ter en conta que, no mes de agosto non se vai a poder avanzar porque os equipos están de vacacións. Polo tanto a suba se realizará o máis seguro na nómina do mes de setembro.

A CIG denunciou en todas as mesas ás que asistiu o atraso inxustificado que se estaba a cometer no pagamento de eses 0,03 céntimos, instando á empresa a que procedera ao pagamento inmediato con carácter retroactivo a 18 de xullo de 2023, informándolles que no caso contrario iniciariamos todas accións legais na defensa dos dereitos das traballadoras e traballadores rurais con achega de vehículo.

E lamentable cunha empresa pública tarde máis dun ano en pagar os atrasos aos seus traballadores e traballadoras e que teña que esperar ate que se vaia a proceder a reclamar xudicialmente para que movan ficha e se autorice a suba.

Para a CIG esta suba é insuficiente. Lembremos que en Correos estabamos cobrando 0,23 euros por quilómetro (0,19 + 0,04), é dicir, a dieta oficial máis 4 céntimos a maiores para compensar o desgaste do vehículo e consumo de combustible. 

Esta axuda extra que aumenta a base de cotización perdeuse grazas a marabillosa negociación que fixeron os sindicatos asinantes do Convenio e Acordo Xeral nunha xuntanza do 19 de outubro de 2023 aforrándolle cartos á empresa.

Agora toca negociar unha suba salarial e tamén do complemento pola achega de vehículo que como mínimo debe ser de 0,30 € por quilometro.

A CIG Defende e Loita polos teus Dereitos

Traizón ao Persoal Rural: Suba Ridícula de 0,03 Céntimos Acordada por Correos, CCOO, UGT, CSIF e S.L.

 

O pasado día 19 de outubro a empresa comunicou o acordo asinado para a suba da indemnización por achega de vehículo da seguinte maneira:

“Para nuestros empleados y empleadas rurales, hemos acordado con los sindicatos CCOO, UGT, CSIF y Sindicato Libre elevar la indemnización por el uso del vehículo a 0,26 euros por kilómetro….”

Lembremos que a indemnización por uso de vehículo foi incrementada para toda a administración o pasado día 17 de xullo de 2023 pasando de 0,19 a 0,26 céntimos. Un incremento de 7 céntimos.

En Correos estabamos cobrando 0,23 céntimos (0,19 + 0,04) é dicir Catro céntimos a maiores para compensar o desgaste do vehículo e consumo de combustible que é moito maior polas continuas paradas que se realizan para o reparto.

Entón a pregunta é Onde carallo van eses CATRO CÉNTIMOS a maiores que se estaban cobrando ata de agora?? e que estes sindicatos tiñan asinado en Convenio e Acordo Xeral.

Que maneiras de negociar son estas cando o mínimo que se podía aceptar eran 0,30 céntimos (0,26 + 0,04).

Que é o que pactaron coa empresa para aceptar mansamente a suba a 0,26 céntimos e asinar un Acordo coa empresa prexudicial que segue a empobrecer aos carteiros rurais que aportan o seu vehículo para o reparto e ven como cada día soben os prezos do carburante, recambios man de obra etc. Lembremos que os sindicatos CCOO UGT CSIF e SL asinaron no  III Convenio Colectivo e Acordo Xeral o seguinte: 

“Coa finalidade de mellorar as condicións de traballo e de desenvolvemento profesional deste colectivo, as partes asinantes comprométense a analizar, dentro dos tres meses seguintes á entrada en vigor do III Convenio Colectivo e do presente Acordo, o custo que a evolución dos prezos do carburante tivo sobre o suplido percibido por este concepto”                                                                                  

Nunca se constituíu a Mesa de carburantes nin se reuniron. Outra burla máis.

Non nos cabe a menor dúbida do compinchamento entre a empresa e estes sindicatos para obrigar a que finalmente os carteiros/as rurais soliciten vehículo de empresa porque xa non van poder manter os seus vehículos.

Nas vindeiras  eleccións sindicais tes a oportunidade de dicirlles co TEU VOTO a estes SINDICATOS VENDIDOS que BASTA XA!!