Correos lastra o servizo postal nos concellos de Gondomar, Nigrán, Baiona e Oia.

Canta mais poboación e industria, menos carteiras e carteiros

A CIG- Correos Vigo, denuncia a situación de perda de servizo que Correos está a provocar na Comarca do Val Miñor  , con decisións nas que se pon en risco o cumprimento da lei postal e do Servizo Postal Universal en unha comarca en crecemento demográfico e industrial.

A empresa pública Correos que tanto se ten gabado nos últimos tempos , de ser unha entidade comprometida co rural, reduce persoal  e non ten servizo de atención o público en horario de tarde.

Levan máis dunha década marchando contra corrente, sinalan dende o sindicato CIG. Na mentres a comarca creceu máis de 1000 veciños nos últimos anos e se desenvolveron os polígonos industriais da Pasaxe  e o de Porto do Molle, Correos reduce persoal de reparto e de oficina.  Isto leva a que na actualidade haxa seccións de reparto desproporcionadas, provocando que a distribución dos servizos postais non se faga con arranxo a normativa postal en vigor. Posto que hai zonas onde non se  está a repartir os cinco días da semana, que recolle a Lei Postal. É un escando que  unha entidade dependente da administración sexa quen incumpre a legalidade. 

Sendo certa a baixada do volume de correo  tradicional, que pode aducir a empresa, non é menos certo o aumento de outros produtos e servizos que Correos está a incorporar, sinalan dende a central sindical. A redución de persoal con prazas que non se cobren provoca un desaxuste no servizo que trae consecuencias para a cidadanía e para os traballadores, que están a sufrir en determinados casos situacións de ansiedade. 

Por outra parte as veciñas e veciños dos catro concellos que se atenden dende as oficinas e Unidade de Reparto do Val Miñor (Gondomar, Nigrán , Baiona e Oía), carecen de unha oficina de atención o público en horario de tarde en toda a comarca.

Outro aspecto que en ningún momento se ten en conta por parte da empresa e o crecemento estival. Así é que cando se triplica a poboación na comarca, Correos é cando máis reduce os efectivos, posto que non se cobren as vacacións de todo o persoal.

A CIG reclama unha revisión da situación antes de que o clima laboral e o servizo a cidadanía siga a deteriorarse máis.

Prensa:

Metropolitano.gal

A CIG denuncia a falta de persoal e medios nas oficinas de Correos da Coruña

O sector de Correos da CIG denuncia a mala praxe por parte da dirección da empresa en Galiza ao tomar a decisión de non cubrir as ausencias laborais e ao expoñer, sobre todo ao persoal de atención ao público, "a unhas condicións de traballo que poden ter consecuencias negativas para a súa saúde". Pero ademais, esta falta de persoal tamén está a supoñer un incremento nos tempos de espera para os usuarios e usuarias de Correos, "que ás veces ocasiona situacións de tensión que a dirección debe evitar". Así, advirten que non é a primeira vez que se teñen producido enfrontamentos, incluso físicos, por mor dos tempos de espera.

A inspección de traballo sanciona a Correos polo estrés d@s carteir@s

A carga de traballo en vacacións,

“posible vulneración do dereito

de protección de seguridade”

Unha recente inspección de traballo terminou no inicio dun proceso sancionador contra Correos polas condicións laborais ás que ven sometidos os seus empregados en certos períodos (especialmente, durante as vacacións) no centro de distribución que a compañía ten na Avenida de Sierra Alhamilla.

Segundo indica o informe realizado tras a inspección de traballo, todo débese á “percepción de maior carga de traballo que os traballadores teñen ao serlles asignadas zonas de repartición distintas ás habituais (con maiores desprazamentos, por exemplo), en períodos puntuais”.

A CIG denuncia esperas de 40 minutos na oficina de Correos de Perillo (A Coruña)

O sindicato tamén critica a redución de servizos 

nas dependencias de Santa Cruz.

A CIG denunciou a precariedade coa que Correos presta servizo aos veciños do Concello de Oleiros, tanto na oficina de Santa Cruz como na de Perillo. No primeiro caso, as dependencias tan só son atendidas dúas horas pola mañá por persoal de repartición e ofrecen servizos postais básicos como admisión de cartas e entrega de envíos. «A pesares disto, nesta oficina préstanse ás veces moitos máis servizos, pero só canto está a titular, pero cando esta falta prodúcese un grave trastorno tanto para os veciños de Santa Cruz como para os de outras localidades, os cales teñen que desprazarse ata a Oficina Técnica de Perillo para facer as súas xestións», indica Begoña Vázquez Pose, representante dos traballadores.

Doutra banda, desde a CIG tamén denuncian o tempo de espera que están a sufrir os usuarios que acoden a realizar xestións á oficina de Perillo. Desde o sindicato indican que teñen constancia de que moitas persoas teñen que soportar colas que lles supoñen un tempo de espera «que vai dende vos 20 ata vos 40 minutos». «Lestes tempos de espera veñen motivados pola falta de persoal que Correos ten neste centro de traballo», engade. 

Fonte: La Voz de Galicia 

A CIG denuncia que o local de Correos de Vidal Abascal, en Lalín, leva dez días sen auga

A CIG-Correos denunciou á Inspección de Traballo e á Seguridade Social da provincia que o local de Correos de repartición e distribución leva desde o día 18 sen auga. Unha situación que ao prolongarse no tempo acabou  inutilizando o uso dos  inodoros.

A causa é, ao parecer, unha avaría no local que non pode arranxar sen acceder a un baixo no soto, ocupado un tempo por unha autoescola e na actualidade embargado e posto á venda por unha inmobiliaria de Madrid. Está pechado con cadea e cadeado.

Desde a CIG-Correos, Rafael Igrexas, apunta que o baixo foi embargado e os servizos xurídicos de Correos non son capaces de dar cos donos. Nas oficinas traballan 24 persoas: un xefe, 16 carteiros rurais e 7 do centro urbano.

A CIG denuncia a súa situación sen poder usar os baños ou lavarse as mans. Unha situación que consideran insustentable demandando que se adopten as medidas xudiciais necesarias coa maior urxencia a fin de permitir o acceso a esa propiedade privada e poder así solucionar a avaría.

Fonte: La Voz de Galicia

Denuncia Oficina de Lalin by CigCorreosACoruna on Scribd

Seguimos traballando como chinos para os chinos ... Novo acordo entre Correos e Aliexpress.

Aliexpress e Correos estreitan a súa alianza para reducir tempos de entrega

A plataforma entregará nun prazo de ata 3 días hábiles os produtos comercializados polos seus vendedores locais en  AliExpress Praza

AliExpress, plataforma de compra  online con presenza internacional pertencente ao grupo  Alibaba, e Correos anunciaron o seu último acordo de cooperación estratéxica integral co que mellorar a experiencia de compra dos consumidores españois a través da redución dos tempos de envío nos pedidos.

Unha alianza que supón unha diminución significativa nas entregas para os pedidos que se realicen desde España. Concretamente, a plataforma entregará nun prazo de ata 3 días hábiles os produtos comercializados polos seus vendedores locais en  AliExpress Praza, a súa canle exclusiva dedicada a España, e en 10 días hábiles aqueles paquetes procedentes de países como Italia, Turquía, China, Xapón e Corea do Sur.

Correos asegura que o reparto na zona rural da Estrada atópase ao día

En resposta ás queixas que este fin de semana fixo públicas un veciño da parroquia de Callobre (A Estrada) polos problemas no reparto na zona rural durante as últimas semanas, desde Correos apuntan que todos os envíos rexistrados atópanse ao día, «sen problemas destacables e cumprindo sempre cos estándares de calidade comprometidos cos cidadáns». Aseguran que non lles constan queixas polo servizo prestado, nin verbales nin por escrito. Desmenten ademais rotundamente que a parroquia de Callobre estea sen servizo tres semanas seguidas. A raíz destas aclaraciones, o propio autor das críticas recoñece que o seu malestar vén dado porque o ano pasado comprobou fehacientemente que o servizo suprimíase en agosto durante días e, este ano, levaba todo o mes sen recibir correo. No entanto, recoñece que é posible que, tal como informáronlle, non haxa correo para o seu domicilio estes días. 

Pequenas incidencias 

O que si recoñecen desde Correos son certas incidencias no reparto pola incorporación dun cartero novo na zona que «desenvolve ou seu traballo con efectividade salvo algunha incidencia puntual pola sinalización de vivendas e lugares». Dadas as características da zona rural, Correos considera que se trata de cuestións inevitables para calquera repartidor antes de facerse ben co terreo.

Fonte: La Voz de Galicia

Conversas de carteiros

https://www.lavozdegalicia.es/noticia/santiago/santiago/2017/12/06/sindicatos-amenazan-ir-huelga-correos-tras-perder-400-empleos-provincia/0003_201712S6C5994.htm

«Nos últimos dous anos o reparto de paquetería ten aumentado o 100 %»

O amor está prácticamente morto, polo menos no que á correspondencia da carta tradicional refírese. O cartero lalinense Rafael Igrexas asegura que «a carta particular do noivo á noiva e todo iso foi en descenso» en Correos: estima que na última década a correspondencia caeu na zona un 30 %. Con todo, un sector que está collendo forza e aumentando o volume dos repartos é a paquetería, pois se incrementou «nos últimos dous anos o 100 %», non soamente en España, senón que tamén «en Galicia desde logo, e nas áreas rurais moito máis, e tamén con Internet», asegura Igrexas. 

Asendia: Outro Competidor para correos

A Comisión Nacional dos Mercados e da Competencia (CNMC) volve á carga contra Correos.

A Sala de Supervisión Regulatoria da Comisión Nacional dos Mercados e da Competencia ditou un acordo polo que confirma a legalidade da actividade postal turística de Asendia recoñecendo  o dereito de Asendia ou de calquera outra empresa a "emitir e comercializar medios de franqueo" e que a "normativa non prevé limitacións en relación coa forma de comercialización de medios de franqueo por parte de operadores privados", como consecuencia da existencia dun mercado completamente liberalizado desde o 2011.

Asendia ten prevista unha expansión do servizo en Catalunya para consolidar a rede de Xirona e apertura de servizo en Barcelona e Tarragona. En Xirona, dispón actualmente dunha cincuentena de clientes (cámpings, cadeas hostaleiras, asociacións).

Para ver a nova prema    Aquí

CIGcorreos: Implantación reforma UR3 Coruña

Dos 27 postos de traballo de reparto fixeron desaparecer 6

Hoxe dia 14 empezaron a traballar as 21 seccións de reparto segundo a reforma imposta por Correos na UR3 da  Coruña. (Coma sempre o correo desapareceo)

O persoal segue coas manifestacións diarias desta semana cargando pilas para facer fronte á convocatoria de folga parcial de 3 horas prevista para empezar o vindeiro luns día 20 con caracter indefinido sempre e cando Correos non mova ficha e lle de solución ó problema plantexado atendendo as reivindicacións.

Novas da prensa: Finanzas  -   La Opinion

CIGcorreos: Estes de Unipost queren culpar a Correos de todos os seos males.

Vótanlle a culpa a Correos do impago das súas nóminas

Xa conseguiron "chupar" unha axuda da Generalitat para pagar atrasos e agora tratan de romper o convenio e deixar de pagar as nóminas aproveitando a man aberta que lle deixou a Reforma Laboral ós empresarios.

Parece ser que Correos deixou de darlle trato de cliente preferente para a entrega de toda aquela correspondencia para os destinos ós que non chega Unipost, coa conseguinte desaparición de descontos especiais e máis da facilidade do retraso dos pagos a tres meses porque Unipost non pagaba.

Xa se sabe como funciona a Comision Nacional dos Mercados e da Competencia, onde Unipost denunciou de novo a Correos, así que debemos estar preparados para calquera resolución.

Para ollar esta noticia preme aquí: ECONOMIA DIGITAL

CIGcorreos: Os carteiros de Ourense mobilízanse en contra dos traslados forzosos.

 FIXADO O CALENDARIO DE MOBILIZACIÓNS

Remataron con grande éxito, pola participación masiva dos traballadores e traballadoras, as dúas primeiras xornadas de concentracións.

Onte día 14 deron comezo as mobilizacións contra os traslados forzosos do persoal da Unidade de Reparto 1 de Correos diante da oficina da que forman parte, no barrio da Ponte de Ourense, que continuaron na xornada deste martes día 15. 

As protestas continuarán baixo esta fórmula, desprazándose á oficina principal da entidade en Progreso 53 para este mércores día 16, volvendo para a UR1 os vindeiros 17 e 18 de novembro, de 9 a 9:30h da mañá.

Non se descartan mobilizacións doutro tipo se dende a dirección de Correos non se toman medidas urxentes que suspendan defintivamente estes traslados inxusficados.

Dende a CIGcorreos o noso apoio incondicional para con todos os traballadores e traballadoras afectados pola reducción de postos e polos traslados forzosos da UR1 de Ourense. 

Para máis información na prensa preme aqui: 
CIGAVANTAR
FARO DE VIGO (Ollo, puxeron mal as datas)

CIGcorreos: Privatizacion, Acumulacions, Zonas sen Reparto e Falta de Persoal. Solucións para cando?

FOLGA DOS CARTEIROS EN ITALIA

 (SEGUE A PRIVATIZACIÓN NA "POSTE ITALIANE" )

Coa venda que pretende o goberno italiano do 30% das accións que lle quedan ó estado nesta empresa, a "Poste" pasará de ter a totalidade do capital púlblico no ano 2015 a quedar privatizada no 100% despois dunha primeira venta do 34,5% no pasado ano e coa desaparición do capital público do seu accionariado, cando se leve a cabo a operación xa aprobada polo goberno, tratando de buscar diñeiro fácil para rebaixar o deficit público, sen ter e conta para nada a estabilidade dos mais de 20.000 empregados nin o carácter social da entidade.

Todas as forzas e o noso apoio ós compañéiros italianos en folga, que loitan na defensa dun servicio público, que os gobernos tratan de privatizar a toda costa baixo as presións dos grupos de poder e sen mais xustificación que a redución dun deficit público do que non somos causantes.

Xa vimos recortar as barbas de veciños como Reino Unido e Portugal, agora vai Italia polo mesmo camiño... debemos poñer a remollo as nosas? Temos que estar preparados para frenalos.

Olla na prensa: Pincha AQUI

ACUMULACIÓNS E ZONAS SEN REPARTO

(O PAN DE CADA DÍA POLA FALTA DE PERSOAL)

Se ollamos a prensa a diario, aparece día sí, día tamén, algunha ou varias noticias que fan referencia as acumulacións e atrasos de correspondencia que hai en algúns puntos concretos ou incluso zonas que levan tempo sen reparto.

A semana pasada tocoulle figurar a Melilla, agora é Granada e tamén unha zona da montaña oriental Leonesa (Val de Valdeburón) que leva varios días sen correo. Todos sabemos que postos a nomear poderiamos encher todo un periodico de "esquelas" con casos similares.

Non podemos deixar que a costume de ollar estas denuncias e noticias nos faga caer no inmobilismo e no conformismo, temos que loitar entre todos para que se cubran todos os postos de traballo a diario coa contratación necesaria e para que as plantillas teñan o suficiente persoal para levar a cabo as funcións dos nosos postos de traballo atendendo este servicio público coa calidade que se merecen os cidadans e respectando os nosos dereitos como traballadores e traballadoras.

Olla na prensa, pincha aquí: Valdeburón, Granada

CIGcorreos: Pechada a oficina auxiliar de Sta. Cruz en Oleiros na Coruña

Correos pecha dende o día 1 ata o día 9 de setembro
a oficina de Sta. Cruz por motivos "OPERATIVOS"

Correos transforma a falta de previsión e a ineptitude dos seus xestores en "motivos OPERATIVOS" para xustificar diante dos veciños o peche desta oficina auxiliar do concello de Oleiros.

O peche desta oficina cun horario de atención ó público de 8:45 a 10:45 obriga os usuarios da mesma a ir recoller as entregas que lles pasaron a lista á oficina de Perillo situada a varios quilómetros de distancia, ademais de ter que desprazarse ata dita oficina para facer uso de calquera dos servizos prestados por Correos. Non esquezamos que estamos en plena campaña electoral e a solicitude do voto por correo é un dos servizos mais demandados pola veciñanza, que tamén terán que ir solicitar dende Perillo.

Dende a CIG Correos xa denunciamos repetidas veces a falta de previsión de Correos así como a falta de persoal suficiente nas bolsas de substitución coa formación necesaria para desempeñar as funcións dos postos que dependen desas bolsas. Dende a empresa fixeron oídos xordos ás nosas demandas e as consecuencias son que nos atopamos con oficinas pechadas porque non encontraron persoal cualificado para substituir á traballadora durante o seu periodo vacacional.

A CIG Correos demanda unha rápida actuación para solucionar este problema que pasa por contratar de maneira urxente o persoal necesario e coa formación precisa para facer esa substitución e cubrir así as necesidades dos usuarios da oficina de Sta. Cruz, en Oleiros, na Coruña; para deixar de penalizar tanto a estes usuarios como a todos os compañeiros que se ven recargados para levar o reparto desa zona.

Olla na prensa:  Opinion A Coruña

Rajoy Condecora aos Sindicalistas de CCOO e UGT

Mentres convocaban manifestacións polo 1º de maio día do traballador, os seus ex lideres sindicais recibían as medallas do PP.

Estes sindicatos autodenominados de clase reciben Medallas polo seu silencio, por asinar todo o que os empresarios e o goberno lles pon enriba da mesa, por mercadear cos dereitos dos traballadores a cambio de subvencións, horas de liberación etc.

Para ver a nova prema libremercado  elmundo lasextanoticias

#CIGcorreos: O persoal de Correos de Lalín en contra da reforma proposta.

Demandan que se paralice esta reforma, que pretende a centralización en Lalín das actuais oficinas de A Golada e Rodeiro, reducindo ata tres postos de traballo e marcando unha reestructuración das seccións logo duns estudos e seguimentos feitos en épocas e datas que non permitiron determinar a realidade das cargas de traballo e dos condicionantes do resparto.

Olla na prensa estas novas:

La Voz de Galicia (24 Abril)

Faro de Vigo (24 Abril)

La Voz de Galicia 2 (26 Abril)
La Voz de Galicia 3 (27 Abril)
Faro de Vigo (28 Abril)

CIGcorreos: CORREOS rico pastel para carroñeiros?

A Comisión Europea impugna as subvencións do estado a Correos dende o ano 2004.

Entende a Comisión que hai que analizar se mais de 1.000 millóns de euros lle foron concedidos a Correos de maneira ilegal polo Estado.

Neste montante entrarían segundo a Comisión a exención do Imposto de Bens Inmobles (IBI), o Imposto de Actividade Economicas (IAE), as axudas na xestión do réxime social dos funcionarios, os servizos postais electorais e sobre todo a compensación pola prestación do Servicio Postal Universal (SPU).

Dende a Comisión pensan que se deu mais diñeiro a Correos do necesario para sustentar a prestación de Servicio Postal Universal (SPU) nestes anos.

Correos valorou "á baixa" no seu día o custo da prestación do servicio postal universal por razóns políticas e agora continúa co recorte dos servizos incluídos dentro do SPU. Polo tanto non é extraño que Bruselas (Comisión Europea) investigue o motivo polo que as axudas que se reciben superan o custe do SPU, eso sempre segundo o seu entender.

Os intereses privados e presións das patronais que aglutinan ás empresas da competencia, a nefasta xestión dos directivos de Correos encabezados polos Presidentes actual e anteriores, postos a dedo polos respectivos gobernos, así como as consignas políticas trasladadas a Correos pola S.E.P.I. sempre cos parabens do Gobernos tanto do PP como PSOE, no seu día; lévannos a esta situación caótica que ten a súa raíz no neoliberalismo imperante en Europa totalmente controlado polos círculos de poder, chámense FMI, BCE, Multinaionais... Don Diñeiro segue impoñendo as súas normas e o resto dos mortais temos que bailar ao ritmo que nos marcan...

Ata-cando non pararán de escravizarnos e empobrecernos máis e máis?

Quen se responsabilizará desta desfeita? Quen terá que asumir, de ser o caso, a devolución dese diñeiro? 

É moi doado xogar co diñeiro dos demais, co diñeiro público e cos postos de traballo e co futuro de moitos traballadores sabendo que no peor dos casos hai outro posto esperando con suculentos salarios sen ter que afrontar de ningunha maneira as responsabilidades polas desfeitas ocasionadas por unha nefasta xestión, que incluso pode ser aplaudida ou gratificada? por algún colectivo.

Prensa: Expansion Hispanidad

ALGECIRAS:

Mentres que o persoal de Correos se mantén en folga en contra dos recortes, Correos afirma que todo funciona con normalidade, que se reparte ben e que hai traballadores dabondo.

CADIZ:

Concentracións e convocatoria de folga para o día 29. Correos segue coa súa postura de reducir postos de traballo en todo o estado.

Prensa: EuropaSur 1 EuropaSur 2 AndaluciaInformacion

#CIGcorreos: Outro servicio de Correos a extinguir, o prestado polas Oficinas Auxiliares

A sangría da eliminación de servizos prestados por Correos non ten límite

A día de hoxe á maioría das oficinas auxiliares Correos xa lles retirou a balanza franqueadora, coñecida como "EPELSA", desta maneira os servizos que poden prestar quedan moi reducidos, véndose obrigadas a exercer como meros puntos de atención, limitadas á recollida da correspondencia ordinaria e pouco máis, porque calquera outro servicio teñen que facelo a través das súas oficinas técnicas de referencia.

Este feito en principio leva aparellado o incremento da problemática para o persoal que presta o seu servizo nestas oficinas, por privalos dos medios técnicos necesarios para afrontar os servizos que ofertan e a dificultade á hora tanto de mandar como de recoller correspondencia por parte dos usuarios.

Con posterioridade vai supoñer  a supresión de mais de 50 postos de traballo en Galiza e cando se leven a cabo estes peches a poboación á que serven terá que desprazarse quilómetros ata a oficina máis próxima para facer uso do servizo de Correos, tanto para depositar envíos como para recibir certificados, notificacións, paqueteria, etc... que os carteiros deixan na oficina para que lle sexa entregada ao destinatario cando non se atopou no domicilio á hora do reparto. 

Tendo en conta que estas oficinas atenden principalmente a zonas rurais e que nestas habitan persoas de avanzada idade, coidamos que esta medida non se debería levar a cabo, xa que atende exclusivamente a criterios de rendabilidade económica, esquecéndose da rendibilidade social.

Correos como prestador do Servizo Postal Universal, recibe unha subvención para atender este servizo que loxicamente resulta deficitario no ambito rural e non pode deixar desatendida á poboación destas zonas.

Nós vemos esta actuación enmarcada, dentro da política de Correos de redución de oficinas de atención ao público, nun obxectivo aínda mais amplo, que unha vez rematada con esta fase, continuará suprimindo aquelas oficinas técnicas que económicamente non sexan rendibles, postura que xa denunciamos dende o primeiro momento dende a CIG.

Para ollar como recolleron esta nova na prensa preme 

Avantar

La Opinion

La Voz de Galicia

#-CIGcorreos: Redución de Persoal = Menos servizos e peor prestados.

A voltas coa diversificación, única saída que atopan diante dunha morte anunciada do correo tradicional. 

Que somos un servizo público onde debe primar a prestación do mesmo con garantías de calidade antes que os resultados económicos!! 

Pero isto  non hai que queira velo, nin Goberno, nin SEPI, nin Correos,S.A.; será porque lles tapan a visión con millóns de euros dende as empresas privadas da competencia??

So se lles ocorre reducir e reducir o persoal e os postos de traballo, consecuentemente por un lado nas oficinas desaparecen servizos que antes se prestaban nos pequenos pobos, obrigando ós usuarios do servizo de Correos a desprazarse para poder ser atendidos ou para recoller correspondencia a outras oficinas facendo colas pola falta de persoal. E no relativo ó reparto tratan que con moito menos persoal se poidan atender zonas de reparto moito mais amplias, co resultado agardado de que resulta imposible asumir as cargas de traballo na xornada laboral coa conseguinte perda na calidade da prestación deste servizo, eso cando se pode prestar.

Olla estas notas de Prensa onde se recollen varias novidades relacionadas coa necesidade de cambiar e con movilizacións e denuncias por todo o territorio do estado vinculadas á falta de persoal:

Preme nestes enlaces: 

logisticaprofesional : Os ingresos de Correos en caida ou transformarse ou morrer

laopiniondezamora :Villaralbo, falta de persoal por recortes.

europasur : Algeciras, falta de persoal por recortes.

granadahoy: Granada, falta de persoal por recortes.

lavanguardia: Granada, falta de persoal por recortes.

teleprensa : La Linea, falta de persoal por recortes.

lavozdelsur: Jerez, falta de persoal por recortes.

20minutos : Oviedo, falta de persoal por recortes.

farodevigo : O Salnes, sen oficinas por recortes.