Segundo o novo acordo subscrito con Muface que entrou en vigor dende o 1 de xaneiro de 2022 os mutualistas terán un único período de cambio de entidades de asistencia sanitaria que poderán realizar durante o mes de xaneiro (ata o de agora había dúas posibilidades: xaneiro e xuño).
Os funcionarios e funcionarias poderán elixir a asistencia sanitaria primeiramente entre a asistencia a través do Sistema Sanitario Público ou de Entidades de Seguro de Asistencia Sanitaria concertadas. Entre estas últimas poderá elixirse entre as 3 compañías que quedaron (antes 4) pois Igualatorio de Cantabria decidiu non presentarse.
Compañías de Asistencia Sanitarias Concertadas 2022:
DKV
ASISA
SegurCaixa ADESLAS
Como solicitar o cambio de entidade:
A solicitude de cambio de entidade, deberá realizarse ben pola sede electrónica, ben descargando o impreso da web de Muface e enviándoo por correo postal, ou acudindo a outros rexistros. A afluencia ás oficinas de Muface está restrinxida a cuestións inaprazables que non admiten outra canle. Se non podes utilizar a sede ou enviar o impreso por correo postal ou presentalo noutros rexistros, debe solicitar cita previa chamando ao 060 ou a través da sede electrónica de Muface.
A
posibilidade de cambio extraordinario polas causas taxadas previstas no
Concerto continuará nas mesmas condicións, coa mesma regulación, tal e como
aparece na información da páxina web de
MUFACE.
Atención ao Mutualista Cita Previa Muface