OS ATRASOS DO 2,5% CORREOS TRASLADA A SÚA RESPONSABILIDADE AO PERSOAL
Dende a sección sindical queremos informar sobre a situación xerada polo incremento retributivo do 2,5% correspondente ao ano 2025. Malia que o Real Decreto-lei 14/2025 establecía que este pago debía facerse efectivo en decembro de 2025, Correos non o abonou ata xaneiro de 2026 alegando "imposibilidade técnica".
Esta mala xestión da empresa ten consecuencias directas para ti: Correos traslada a responsabilidade e a carga administrativa ao traballador/a, obrigándonos a modificar manualmente o borrador da Renda para evitar problemas coa Axencia Tributaria.
¿QUE DEBES SABER?
- Imputación fiscal: Aínda que cobrases os atrasos en xaneiro de 2026, a Axencia Tributaria obriga a declaralos no exercicio 2025, xa que é o ano no que eran esixibles.
- Documentación necesaria: Debes utilizar o "Certificado adicional de retencións" que Correos che facilitará a través do buzón dixital ou no teu centro de traballo. Este documento é distinto ao certificado ordinario.
¿COMO SE DECLARAN ESTES ATRASOS?
Para que os teus datos fiscais sexan correctos, antes de confirmar o borrador da Renda 2025 (campaña que comeza en abril de 2026), debes:
- Acceder ao teu borrador en Renda WEB.
- Localizar a Casilla 03 (Rendementos do traballo).
- Sumar os importes que aparecen no teu "Certificado Adicional" (Importe íntegro, retencións e gastos deducibles) aos datos que xa figuran por defecto na declaración.
IMPORTANTE: Se presentas a declaración sen engadir estes atrasos, poderías recibir unha paralización ou reclamación posterior da AEAT con posibles recargas.
DENUNCIAMOS que a falta de previsión de Correos obriga a todo o persoal a realizar trámites extra e a asumir erros que non nos corresponden.
Se tes dúbidas sobre como realizar este trámite,
ponte en contacto cos teus delegados/as sindicais da CIG.
.png)