Os traballadores da oficina principal de Correos de Ferrol temen que a empresa de recortar entre un 25 e un 30% o emprego, a través da non renovación de contratos eventuais. A maioría dos traballadores constituíron unha plataforma para intentar frear os recortes. Dos máis de sesenta empregados das dependencias ferrolanas o colectivo afectado será, segundo Xesús Carlos do Río, delegado da CIG, aqueles que se ocupan tanto da repartición ordinaria como o urxente, un colectivo formado por unhas 48 persoas.
A preocupación disparouse no equipo ante o anuncio dun estudo de redimensionamento que vai realizar Correos. Son avaliacións que toman en conta, sostén a empresa, o volume de envíos, o tempo de traballo común na unidade, o necesario para que os carteiros se despracen dende o centro de traballo ata a zona de repartición e o número de portais e caixas de correo que atenden, entre outros. Ademais, afirma que aínda non comezou e haberá que esperar aos resultados para coñecer as necesidades do servizo e actuar.
Prema AQUI para ler a noticia