A CIG convoca mobilizacións por todo o país coincidindo co Día Internacional da Clase Traballadora
Afrontamos este 1º de Maio sumidos/as nunha profunda crise económica que
afecta de forma moi directa á clase traballadora a través da perda de
miles de empregos, redución de salarios, precarización das condicións de
traballo, perda de dereitos, etc. As políticas económicas, sociais e
laborais que está a promover o PP a través dos Gobernos español e
galego, seguindo as directrices de institucións como o FMI, o BCE ou a
Comunidade Europea, responden ao seu modelo ideolóxico de economía
neoliberal e de defensa dos intereses da banca, dos especuladores e da
oligarquía financeira. Contra isto, a CIG chama á clase traballadora
galega a participar nas mobilizacións convocadas en todo o país para
reclamar emprego digno e rexeitar as medidas antiobreiras que se nos
están a impoñer.
Para ver máis información e para ollar os horarios e saídas das manifestacións en todo o país Prema Aquí