Empeza o éxodo dos
funcionarios de Correos, así o anunciaba onte 19 de abril o presidente de Correos na súa comparecencia diante da Comisión de Orzamentos do Congreso, co
recorte de 1900 ou 2000 traballadores
que se levará a cabo a través de excedencias incentivadas e traspasos de
funcionarios á Administración Xeneral do Estado, entre outras medidas que non
especificou. Sinalando así mesmo que a compañía ten a obriga de adecuarse á
"máxima velocidade posible á rápida baixada da demanda", estimada nos
ingresos de explotación do 12%. Correos pechará
o ano cunhas perdas brutas de 166,5 millóns de euros, o que multiplica por 55
os 3 millóns que perdeu en 2011.
A comparecencia do presidente de Correos créanos serias
dúbidas:
¿Como é
posible que o presidente de Correos á vez que anuncia un recorte de persoal de
dous mil traballadores pola caída da demanda, asegure que a consolidación de
emprego é absolutamente necesaria?
¿Como se fai compatible
dicir que sobran traballadores e a súa vez convocar prazas? A menos que se
substitúan traballadores con xornada completa e cuns dereitos adquiridos como
os funcionarios, por outros de xornada a tempo parcial ou fixos discontinuos e
cuns dereitos minguados grazas á reforma laboral.
O presidente de Correos tamén
dixo na súa comparecencia que este recorte de persoal estaba acordado cos
axentes sociais, é dicir polos sindicatos........ E preguntámosnos ¿Con que sindicatos
acordaron este recorte de persoal? ¿Cando pretendían estes sindicatos comunicar
os recortes de persoal que acordaron con Correos? ¿Por que mantiveron este
acordo en segredo? ¿Que outros acordos tomaron e non nolo din?
Como traballadores de
Correos temos o dereito a saber quenes foron estes sindicatos que asumen
acordos coa empresa ás nosas costas e porque escura razón os manteñen en
segredo.
O Secretario Xeral da CIG solicitou unha reunión urxente co presidente de Correos para que nos informe detalladamente todas as medidas anunciadas na súa comparecencia do día 19.