Hoxe día 20 de novembro, celebrouse Comisión de Emprego Central, tratándose a Convocatoria de Ingreso de Persoal Laboral Fixo, na que se deu saída ao prazo de presentación de solicitudes, xunto co pago de dereitos.
As persoas interesadas poderán inscribirse exclusivamente a través da Web de Correos www.correos.com – Personas y Talento – Convocatorias publicas de empleo – Ingreso de personal laboral fijo
A convocatoria será exposta na Web de Correos, nos taboleiros das Direccións de Zona e Centro Directivo, así como na Web www.administracion.gob.es
O período de inscrición abarca dende o día 23 de novembro ata o 02 de decembro, ambos os incluídos.
As persoas que se inscriban recibirán unha comunicación co resumo da súa solicitude a efectos informativos. Importante descargala e imprimila.
Os/as participantes poderán elixir ata un máximo de 4 tipos de postos dunha soa provincia segundo indicamos:
- Reparto Motorizado. Tempo completo (urbano e servizos rurais)
- Reparto Pé. Tempo completo (urbano e servizos rurais non motorizados)
- Axente / Clasificación. Tempo completo e parcial.
- Atención ao Cliente. Tempo completo e parcial.
A valoración dos méritos efectuarase ao 30 de novembro de 2020.
Haberá dous exames. Un para reparto moto/pé/ axente de clasificación e outra proba independente para ATC (Atención ao cliente).
O importe dos dereitos no proceso selectivo será de 11,65€ para unha soa proba e de 23.30€ para as dúas. O pago farase efectivo dentro do formulario de solicitude.
Unha vez realizada a inscrición non se poden modificar os datos: habería que anular a inscrición e realizar unha nova.
Correos poñerá a disposición dos inscrit@s no proceso de selección, a través da súa web, a consulta do estado da situación como admitid@s ou excluíd@s, dando un prazo para subsanar os posibles erros.