Agora
estanse vendo os resultados da mala xestión que vén levando Correos desde o día
luns 16 de marzo no que obrigou a todo o persoal a traballar sen ningún medio
de protección. Aínda hoxe en día, en moitas oficinas e UR están sen xeles nin máscaras. As cifras
falan por si soas en dez días pasamos de
43 contaxiados a 533 contaxiados e a 2.072 compañeiros en corentena. A CIG
advertiu á empresa desde antes da declaración do estado de alarma que tomarán
medidas, pero chamáronnos alarmistas e
acusáronnos de querer acabar coa empresa. Agora vese quen quere acabar
realmente coa empresa coas súas decisións.
Despois
de dez días infórmannos que se compraron 6´4 millóns de luvas, 6´8 millóns de
xeles desinfectantes, pero que todo este material irá chegando de forma
graduada. En canto ás máscaras informan que compraron 800 mil máscaras FFP2 e dinnos que poden ser diferentes unas
doutras porque se compraron a distintos provedores e sobre os 2 millóns de
máscaras prometidas polo Ministerio de Fomento aínda non teñen noticia.
Tamén
nos informaron que a empresa enviou aos seus domicilios a 4.530 empregados
maiores de 60 anos e a 3.170 empregados de patoloxías sensibles. En total 7.700
traballadores.
Así
mesmo comunicaron que actualizaron os manuais coas instrucións por postos de
traballo aumentando a distancia de seguridade tanto entre traballadores como
con clientes a 2 metros. A CIG criticou que se deixaran fora achegas que
fixemos a estas instrucións que consideramos fundamentais para protexer a saúde
dos nosos traballadores/as como, por
exemplo:
- Que, tanto en Distribución, Loxística
e Rede de Oficinas se organicen 4
quendas rotativas e facelo co persoal mínimo imprescindible, é dicir co 25%
do persoal, coa finalidade de que un traballador acuda ao seu posto 1 de cada 4 días e así minimizar a súa
exposición ao virus.
- Redución de horarios de traballo
tanto en Loxística como en Distribución.
- Entregar
a todos os traballadores/as luvas,
xeles hidroalcoholicos individuais e máscaras.
- Colocación de biombos de metacrilato nos
postos de atención ao público.
A
CIG dada a preocupación que nos trasladaron compañeiros/as que teñen familiares
na casa con patoloxías sensibles, nenos e persoas maiores, solicitamos na reunión que se lles aplique por similitude o protocolo
de persoal sensible e mándalos a casa.
E
INSISTIMOS EN QUE A EMPRESA DEBE LIMITAR A ACTIVIDADE AO ESTRITAMENTE ESENCIAL
E NECESARIO PARA A CIDADANÍA CO PERSOAL MÍNIMO IMPRESCINDIBLE