Concentración en Compostela do Comite Empresa: loitemos todos xuntos na defensa dos postos de traballo.

Seguindo a ruta de concentracións, que está a levar a cabo o Comité de Empresa e a Xunta de Persoal na Provincia de A Coruña, esta maña os traballadores e traballadoras da UR 1 de Compostela saimos a rúa para protestar contra os recortes de postos de traballo que fixo Correos nesta oficina. 

Nesta acto participamos as delegadas e delegados da CIG .

Vos deixamos o manifesto que se leu o remate da concentración:

O Comité de Empresa e a Xunta de Persoal da empresa Estatal Correos e Telégrafos S.A., na provincia da Coruña, queremos facer público o seguinte manifesto:

Logo de reunirnos en Pleno os delegados e delegadas que conformamos os órganos de representación dos traballadores, acordamos apoiar sen fisuras a loita dos traballadores e traballadoras da Oficina Principal de Correos de Santiago nos seguintes puntos:

1. Xa feita a reforma desta unidade polo equipo de reestructuración e aplicado o recorte de postos de traballo na Unidade de Reparto 1 de Santiago temos que denunciar a deficiente situación en que quedaron moitos barrios para poder prestar un servicio de calidade e para poder traballar seguindo os protocolos de salud laboral e de seguridade. Xa no seu momento esiximos unha xuntanza cos responsables máximos da Área de Distribución na que se nos facilitase toda a información relacionada cos criterios do estudio de dimensionamento a realizar, pero nin nos citaron nin nos deron información algunha.
   
   
   
2. Os sindicatos desta provincia de A Coruña, desde a Xunta de persoal e o Comité de empresa, escomenzamos un proceso de movilizacións con protestas e concentracións diante das unidades afectadas por estos dimensionamentos que a empresa impuxo sin nigún tipo de negociación, e que están afectando de xeito grave tanto ao servizo que prestamos como ás condicións laborais do persoal de reparto destas unidades.
3. Solicitamos que nos remitan información do novo estudio que fixeron para amañar as súas desfeitas, e esiximos un reequilibrio das cargas de traballo das diferentes seccións, o que requeriría un estudio integral de toda a unidade.
4. Solicitamos que se cubran, con persoal eventual das bolsas de contratación, calquera tipo de baixa, permiso, vacacións ou licencias, e así mesmo, que as prazas vacantes orixinadas no reparto sexan cubertas de xeito inmediato.

Os traballadores e traballadoras de Correos de Santiago, contaredes co apoio da Xunta de Persoal e do Comité de Empresa para defender estas reivindicacións aquí expostas así como calquera outra proposta que decidades.

Todos sabemos que a unidade vainos dar moita máis forza para poder conquerir os obxectivos que nos marcamos, daquela loitemos todos xuntos na defensa dos postos de traballo.