Segundo
informacións aparecidas nos medios de comunicación, o Partido Popular veñen de
introducir unha nova emenda aos orzamentos xerais do Estado para o ano 2013 na que
propoñen ampliar o recorte de salario en caso de baixa por
incapacidade temporal aos días nos que os empregados se ausenten por
enfermidade, sen chegar a existir parte de baixa.
O motivo
declarado polo PP, segundo se informa na prensa, sería o de evitar o
"absentismo" dos empregados públicos: en realidade, estaríamos ante
un novo recorte salarial e de dereitos, que procura ademais denigrar a imaxe
dos servidores públicos, perseguindo a ocultación ante a opinión pública dos
verdadeiros motivos e causantes da crise económica.
Este anuncio coincide temporalmente coa aprobación
do real decreto de despidos colectivos nas Administracións Públicas, marcando
con meridiana claridade a liña política e económica que pretende continuar o
Goberno nos vindeiros meses e contra a que, desde a CIG, convocamos
a todo os empregamos públicos a loitar na vindeira folga xeral do 14 de
novembro.
FONTE: LAVOZDEGALICIA