VIOLACIÓN DOS DEREITOS DE INFORMACIÓN

 

A INSPECCIÓN DE TRABALLO INICIA PROCEDEMENTO SANCIONADOR CONTRA CORREOS POR DÚAS INFRACCIÓNS GRAVES.

 

Tras denuncia presentada pola C.I.G., a Inspección de Traballo de A Coruña inicia procedemento sancionador contra Correos:

-        Por unha banda, pola superación durante os anos 2019 e 2020 do límite legal anual de 80 horas extraordinarias.

-        Por outra banda, por non entregar á C.I.G., como representantes das traballadoras e traballadores, os resumos mensuais de horas extraordinarias para que poidamos exerce-la función de control que a Lei nos atribúe.

Non é a primeira vez que, tras denuncia presentada pola C.I.G., a Inspección de Traballo de A Coruña impón a Correos unha SANCIÓN GRAVE por este motivo. Xa no ano 2017 sancionou a Correos por ter superado, durante os anos 2016 e 2017, o límite anual de 80 horas extraordinarias ao que fai referencia o artigo 35.2 do Estatuto dos Traballadores.

Vese que aos Responsables de Relacións Laborais da Zona Noroeste, NON LLES  IMPORTA GASTA-LOS CARTOS DE CORREOS PAGANDO MULTAS. SERÁ PORQUE  NON OS PAGAN DO SEU PETO???

Ao resto do persoal si se nos esixen responsabilidades cando nos equivocamos!

 

 VIOLACIÓN DOS DEREITOS DE INFORMACIÓN DA C.I.G.

 

A Inspección de Traballo tamén constatou que Correos está a viola-los Dereitos de Información da C.I.G. e requirelle á empresa, baixo apercibimento dunha nova sanción,  que entregue á C.I.G. a información nun formato e contido apropiados que facilite a función de vixilancia que, como Representantes das Traballadoras e Traballadores, temos encomendada.

 

POR QUÉ NON HAI TRANSPARENCIA EN CORREOS??? QUÉ TEÑEN QUE OCULTAR???