Correos estrea estes días unha frota de
probas duns triciclos dotados de axuda eléctrica ao pedaleo en Sevilla, Málaga,
Córdoba e Granada para a repartición de paquetería.
Segundo Correos este tipo de vehículos,
non contaminantes, poden circular polo carril bici e son moi adecuados para a
distribución de correspondencia e paquetería no centro das cidades, caracterizadas por ser zonas peonís, cunha afluencia diaria de persoas moi elevada e con restricións de acceso mesmo a vehículos de catro rodas considerados ecolóxicos.
En
canto ás súas características, capacidade, autonomía, produtividade e
ergonomía, a empresa informou que están dotados de rodas de 24" no eixo
dianteiro e 20 no eixo traseiro, cun peso, incluído motor eléctrico e baterías,
ao redor de 38 quilos, incorporan un caixón en forma de T modular, dotado de pechaduras de seguridade, para aloxar os paquetes e correspondencia, cun volume total duns 550 litros, fronte aos 300 litros de capacidade do primeiro triciclo piloto.
Ademais, incorporan un motor eléctrico de última xeración asinado pola multinacional Alemá Continental de 250 watios de potencia e sensor de par, que confire un uso eficiente da batería. A batería de litio ten unha capacidade de 500 Wh, que proporciona unha autonomía de ata 60 quilómetros fronte aos 30 quilómetros do modelo anterior.