Ábrese o prazo de entrega
de solicitudes para as Residencias de Tempo Libre de Panxón e do Carballiño. As
solicitudes faranse cubrindo o modelo oficial publicado no Diario Oficial de
Galicia, nº 49, de data 11 de marzo de 2013, que se achega, e deben ser
enviadas antes do domingo 24 de marzo, xunto coa fotocopia do documento de
identidade ben ao FAX do local nacional da CIG (981 571 082) ben por correo
electrónico a: iagocarreira@galizacig.net
A orde ten por obxecto
regular o procedemento de adxudicación de estadías e servizos das residencias
de tempo libre de Panxón e O Carballiño para o ano 2013, sitas nas localidades
de Panxón-Nigrán (Pontevedra) e O Carballiño (Ourense).
Poderán ser destinatarias
todas as persoas maiores de idade, ou menores sempre que vaian acompañadas
das/os súas/seus proxenitores ou titores/as legais e a distribución de prazas
será compartida nun 50% entre a Consellaría de Traballo e Benestar e as
centrais sindicais, en razón da súa representatividade.
O servizo de residencia
consistirá no aloxamento e mantenza en réxime de pensión completa durante a
quenda adxudicada ás persoas beneficiarias.
Os prezos, tanto para os
servizos de residencia como para as/os non residentes, establécense no Decreto
84/2012, do 16 de febreiro, polo que se establecen os prezos públicos polas
prestación das residencias de tempo libre.
Polo que respecta ás
prazas adxudicadas pola Consellaría de Traballo e Benestar, farase unha única
solicitude por unidade familiar para as quendas solicitadas.
Non se admitirán as
solicitudes que inclúan persoas que gozaron dalgunha quenda na mesma residencia
nalgún dos anos anteriores.
Achégase a orde do DOG
mais o modelo oficial para información dos/das afiliados/as interesados/as.
Inscripción: Residencia tempo libre 2013.pdf