Con mes e medio de
atraso Correos remite por fin o Calendario Laboral 2017, sen cambios
significativos desoíndo as propostas presentadas pola CIG.
Así queda
establecido o calendario laboral para 2017:
XORNADA ORDINARIA: Será de 37,5
horas de media semanal, en cómputo trisemanal. Para o persoal en réxime de
especial dedicación será de 40 horas semanais. Cando se superen as 5 horas de
xornada diaria continuada, poderase gozar dunha pausa de vinte minutos, como
traballo efectivo.
SÁBADOS: Con carácter xeral, o
persoal traballará un sábado de cada tres. Traballará os sábados o persoal das
Unidades de Servizos Especiais (USES), e o que preste servizos en centros ou
oficinas con atención ao público, sendo esa actividade relevante.
INICIO XORNADA: Adaptarase en
cada centro ás necesidades operativas e de chegada das rutas. No ámbito de
distribución, con carácter xeral, non comezará antes das 7,30 horas da mañá de
luns a venres ata completar a xornada semanal de 37,5 horas.
SEMANA SANTA: Durante os días
festivos e o sábado santo prestará servizo o persoal mínimo imprescindible que
garanta o desenvolvemento da actividade da empresa.
VACACIÓNS: Os funcionarios terán
dereito a gozar dun mes natural ou de 22 días hábiles anuais. Non serán días
hábiles estes sábados. Para o persoal laboral serán dun mes natural. Con
carácter xeral, será entre os días 1 de xullo e 30 de setembro. Poderanse gozar
as vacacións noutras datas. A distribución de vacacións deberá ser coñecida
como máximo a día 30 de abril.
DÍAS ADICIONAIS DE VACACIÓNS:
Uniranse ás vacacións. Se se gozan en dous períodos, a cada un deles
engadiranse os días hábiles correspondentes, procurando que a distribución sexa
equilibrada. Excepcionalmente, sempre que as necesidades do servizo permítano,
os días adicionais poderanse gozar sen unir ás vacacións e en período distinto
ao vacacional.
DÍAS DE ASUNTOS PARTICULARES:
Serán 6 días de cada ano natural, os cales poderán gozarse ata o 31 de decembro
de 2017. Se por necesidades do servizo
non fose posible gozar os días durante este ano poderase prorrogar o seu goce
ata o 31 de xaneiro de 2018.Sempre que organizativamente sexa compatible
coas necesidades do servizo e cos recursos humanos dispoñibles, poderanse
acumular os días por asuntos particulares ás vacacións anuais.
DÍAS DE ASUNTOS PARTICULARES POR ANTIGÜEDAD (CANOSOS): Os días de 2017 poderanse gozar polo persoal funcionario ata o 31 de
decembro de 2017. Os días de 2016 poderanse gozar ata o 31 de marzo de 2017.
DÍAS DE ASUNTOS PARTICULARES POR CAER EN DOMINGO O 24 E
31 DE DECEMBRO: Recoñécense dous días adicionais de
descanso ao persoal funcionario e laboral (suxeito a Convenio). Estes dous días adicionais de descanso
gozaranse durante 2017 e ata o 31 de xaneiro de 2018.
CAMPAÑA DE NADAL: Desde o 1 ao
31 de decembro. O persoal operativo poderá gozar de ata dous días de permiso sen penalización, tras garantir unha adecuada
cobertura no servizo.
Para calquera dúbida ponte en contacto coa xente da
CIG
Idiomas: Inglés, Francés, Alemán e Portugués.
