25/02/2015

Aberto o prazo de preinscrición nas escolas infantís de 0-3 anos dependentes da Axencia Galega de Servizos Sociais



Poderanse presentar as solicitudes de renovación de praza ou novo ingreso até o vindeiro 25 de marzo


 A Secretaría da Muller da CIG informa de que se vén de abrir o prazo para a renovación ou solicitude de novo ingreso nas Escolas Infantís 0-3 anos, dependentes da Axencia Galega de Servizos Sociais para o curso 2015/16. O curso escolar dará comezo o día 4 de setembro.

Para máis información preme AQUÍ


23/02/2015

CIG: Concentracións en contra da reforma da Lei do Aborto

A Secretaría das Mulleres da CIG rexeita a reforma 'exprés' da lei do aborto e reivindica o dereito das mozas a decidir



A central sindical chama a participar nas concentracións convocadas para o  luns dia 23 de febreiro en diferentes cidades
O Goberno do Partido Popular materializou o abandono do proxecto de reforma integral da Lei do Aborto poñendo en marcha de xeito apresurado, a través dunha proposición de lei orgánica, o cambio dun único artigo, o referido ao permiso paterno para as mulleres de entre 16 e 18 anos, obrigándoas a ter o consentimento da/os proxenitoras/es. 
Para máis información e para ollar os lugares e horas das concentracións preme AQUI


17/02/2015

Tratados entre UE , EUA e Canada

Están negociando entre os poderosos a miseria global da clase obreira sen contar con nos para nada. 

¿Que están facendo os gobernantes dos estados para paralizar esto?

Que sabes do TTIP? Infórmate e divulga, están en xogo os teus dereitos máis fundamentais

A CIG ten en marcha unha campaña para dar a coñecer o contido dos tratados transatlánticos que negocia a UE cos EUA e Canadá
Máis explotación, máis pobreza, menos soberanía, menos dereitos e menos democracia. Ese podería ser o resumo das consecuencias que os tratados transatlánticos de libre comercio que a UE está a negociar cos EUA e Canadá -os denominados TTIP e CETA- van supor para as clases populares. Uns acordos que non se discuten en ningún parlamento e cuxas negociacións son secretas. Por iso, a CIG ten en marcha unha campaña que, nunha primeira fase, pretende divulgar o contido dos tratados, ante a escasa información que existe sobre os mesmos e a ocultación por parte dos grandes medios de comunicación de tan grave ataque aos nosos dereitos.

Para máis información preme aquí en AVANTAR


16/02/2015

Prazas Outros Ministerios


MINISTERIO DE EMPREGO E SEGURIDADE SOCIAL

PUBLICADAS PRAZAS BOE Nº  37 do 12 DE FEBREIRO DE 2015

Orden ESS/193/2015, de 2 de febreiro

O prazo de presentación de instancias é de 15 días hábiles a partir do seguinte á publicación no BOE.
O persoal de Correos podemos optar a todos os postos sempre e cando reunamos os requisitos de participación e ocupación esixidos na convocatoria.

Postos ofertados en Galiza para os subgrupos: C1 e C2.

A Coruña, Lugo, Vigo e Ourense. 
Para ver a convocatoria prema AQUÍ
 

11/02/2015

Concentración en demanda de máis persoal para garantir o reparto de correo na Coruña

Traballadores/as que cobren os distritos postais 7 e 8 denuncian a “inasumíbel carga de traballo” tras o recorte de postos
Traballadoras e traballadores da Unidade de Reparto 2 da Coruña concentráronse esta mañá diante da oficina para demandar de Correos que contrate o persoal necesario para garantir un servizo postal eficiente e puntual. Denuncian que hai dous anos se fixo unha reforma da unidade, pola que se recortaron 9 postos de traballo, o que supuxo un deterioro da condicións laborais e unha rebaixa da calidade do servizo. 

Para máis información preme aqui: AVANTAR


10/02/2015

Concurso de Traslados para cando???





A CIG Instoulle a Correos que de xeito urxente convoquen o Concurso de Traslados.

 Os sindicatos asinantes (CCOO, UGT, CSIF e Sindicato Libre) quérennos chantaxear aos traballadores dicindo que si non asinan o Convenio e Acordo Xeral non pode haber Concurso de Traslados. ¡¡¡outra das súas mentiras!!!

Os traballadores de Correos levamos 16 meses sen Concurso, a última resolución remóntase ao mes de outubro de 2013.

A CIG fíxolle saber a Pérez Capitán  Xefe de Recursos Humanos de Correos, que esta situación está causando un grave prexuízo ao conxunto de traballadores pois é o sistema voluntario de mobilidade que teñen os traballadores para cambiar de destino, promover e no caso do persoal fixo descontinuo o de obter un posto a xornada completa.

Dende a CIG entendemos que non é necesario asinar un Novo Convenio e Acordo Xeral para convocar o Concurso de Traslados pois as bases xa están pactadas. O que fai falta é que se convoque a Comisión Permanente de Traslados; sen embargo os sindicatos asinantes non están pola labor, máis ben están centrados en querer convocar mais folgas sen sentido coma a derradeira que o único para o que serviu foi para aforrarlle cartos á empresa.



04/02/2015

Concentración dos delegados/as da CIG Correos de Galiza diante da sede da Zona 1 en Compostela

Os delegados e delegadas da CIG Correos este mércores diante da dirección de zona denunciaron a política imposta pola Dirección da Empresa de redución de postos e de destrución de emprego reclamando a cobertura de todos os postos de traballo e a substitución de todas as ausencias para así eliminar as sobrecargas e os recargos,  garantizando a prestación dun servizo público de calidade.

 


As inclemencias do tempo non foron impedimento para que os delegados e delegadas da CIG das catro provincias galegas se concentraran diante da sede da dirección territorial da zona 1 de Correos en Compostela para facerse oir diante da dirección e trasladarlle a súa protesta e a dos traballadores e traballadoras a quenes representan pola frenética e irracional política de recorte de postos de traballo coa conseguinte destrución de emprego que elo supón e a merma da calidade na prestación do servizo que lle está afectando primeiro ós usuarios dos servizos e que sin dúbida logo repercutirá no futuro inmediato da empresa se ninguén fai nada para remedialo.

Dende a CIG Correos ademáis reclamouse da dirección unha política de cobertura de todos os postos de traballo, incluso das ausencias temporais mediante persoal contratado, sin esquecer ó persoal que presta os seus servizos na zona rural que cada vez teñen máis cometido sin posibilidade de cumprir co reparto diario da correspondencia que entra para a súas zonas, problema acentuado cando se produce un recorte de persoal ou baixas e ausencias sen cubrir.

Para rematar esixiuse un cambio na dirección se os actuais directores e xestores non son capaces de resolver a problemática plantexada con medidas urxentes e efectivas que den resultados a curto prazo e nos beneficien a todos: persoal e usuarios de Correos.

Este sindicato CIG e os seus delegados e delegadas non van a cesar no seu empeño en defensa do servizo público de Correos dos seus postos de traballo e reclamando un correo público galego que sería o principio para que remataran todos os males dunha xestión que nos chega imposta dende Madrid, moi alonxada das necesidades reais do correo en Galiza. 

Para ver esta noticia publicada no Avantar preme AQUÍ


03/02/2015

Axudas por fillos e fillas menores de 3 anos para 2015 da Xunta de Galicia

Prazo de presentación : 03/02/2015 - 14/03/2015.
Corenta días naturais, contados a partir do día seguinte ao da publicación desta orde no Diario Oficial de Galicia. Se o último día do prazo fose inhábil, entenderase prorrogado ao primeiro día hábil seguinte.


Para unha información máis completa, para ver a normativa e máis os requisitos e documentos que tes que aportar olla esta páxina da sede electrónica da Xunta de Galicia:  Preme AQUÍ.