28 de set. de 2012
O anteproxecto de Orzamentos Xerais do Estado afonda no recorte e deterioro dos servizos públicos
A convocatoria, da Mesa, como vén sendo
habitual foi remitida aos sindicatos sen documentación previa para poder
analizar en profundidade o contido deste capitulo dos Orzamentos e valorar en
toda a súa extensión o impacto que terán tanto nas condicións salariais e
laborais do persoal como no propio funcionamento e mantemento dos servizos
públicos. Este método impositivo e escurantista, denuncia a Secretaria de
CIG-Administración Pública, Maricarme López Santamariña, imposibilita presentar
alternativas nin negociar ningúns dos aspectos tratados. “Trátase dun trámite
máis que o Goberno ten que cumprir porque así lle obriga a lei”, asevera.
Segundo os datos presentados, o persoal das
administracións recuperarán a paga extraordinaria de nadal para o vindeiro
2013. Porén, o Goberno do PP mantén a conxelación salarial, sen dar
posibilidade á actualización da perda do poder adquisitivo acumulada dende
2009. Neste senso, a Área Pública da CIG lembra que tan só neste ano, os
empregados e empregadas públicas perderon case o 10% da súa capacidade
adquisitiva (por mor da supresión da paga extraordinaria de nadal, que supón
unha baixada do 7%, unida á suba do IPC, situado a remate de agosto no 2,7%).
Así mesmo, mantense a prohibición de facer achegas a fondos ou plans de pensión
ou previsión.
26 de set. de 2012
A CIG convoca este venres concentracións en rexeitamento dos recortes previstos nos Orzamentos do Estado
A CIG ten convocadas concentracións de
delegados/as en todas as comarcas para este venres, 28 de setembro, logo
da aprobación do Anteproxecto de Lei de Orzamentos Xerais do Estado
para o ano 2013. Orzamentos que, baixo a escusa da austeridade e o
control do déficit público, suporán un novo retallamento no gasto e
investimento público, afectando aos servizos e prestacións e, polo
tanto, afondando no recorte de dereitos e deterioro das condicións
laborais e de vida da maioría social. Ademais, o Goberno de Mariano
Rajoy ten previsto acompañar estes restritivos orzamentos cun Plan de
Reformas que implicará, entre outras medidas, a “liberalización” de
sectores públicos e a privatización de empresas como Renfe.
Horarios e lugares das concentracións:
- A Coruña: ás 12:00 horas diante da Delegación do Goberno.
- Vigo: ás 11.00 horas na farola de Urzáiz.
- Ourense: ás 11.00 horas na Subdelegación do Goberno.
- Compostela: ás 12:00 horas na Praza da Paz (diante da Xunta).
- Ferrol: ás 12:00 horas diante do Concello.
- Lugo: ás 12:00 horas, diante do edificio multiusos da Xunta.
25 de set. de 2012
21 de set. de 2012
BORRADOR DA CIRCULAR PARA AS ELECCIÓNS DO 21 DE OUTUBRO Ó PARLAMENTO DE GALICIA
O
20 de setembro, Correos remitiu a circular para as eleccións do 21 de
outubro para o Parlamento de Galicia. A CIG Correos,
remitirá as alegacións oportunas.
12 de set. de 2012
A CIG concreta un novo calendario de mobilizacións para acumular forzas de cara a unha nova folga xeral
Máis de 1.200 delegados/as participan nunha asemblea e posterior manifestación polas rúas de Santiago
A Confederación Intersindical Galega concretou hoxe un novo calendario
de mobilizacións para rexeitar a política de recortes que está a aplicar
o PP na Galiza e no Estado español e para acumular forzas de cara a
unha nova folga xeral. A central nacionalista celebrou hoxe unha
asemblea nacional en Santiago de Compostela na que participaron máis de
1.200 delegados/as e que serviu para analizar o actual contexto da crise
económica. Ao remate do acto, no que tamén se debateu a resposta que
debe de dar ao sindicato aos ataques do capital, marchouse en
manifestación até San Caetano.
Para máis información preme AQUÍ:
10 de set. de 2012
10.000 persoas maniféstanse polas rúas de Compostela en defensa do emprego e uns servizos públicos de calidade
As organizacións sindicais denuncian o desmantelamento que os gobernos do PP están a practicar no sector público para favorecer os beneficios dunhas cantas empresas
E TÍ POR ONDE ANDABAS, OH?
Máis de 10.000 persoas manifestáronse este sábado en Compostela para
amosar o seu rexeitamento aos recortes no emprego e os servizos públicos
e contra das políticas privatizadoras aplicadas polos Gobernos do PP. A
marcha, convocada pola Plataforma galega en defensa dos servizos
públicos -integrada por 18 organizacións entre as que se atopa a CIG-,
partiu da alameda pouco despois das 11:30 horas e rematou diante do
Complexo administrativo da Xunta en San Caetano, onde o actor Federico
Pérez, procedeu a dar lectura ao manifesto conxunto.
Para máis información preme AQUÍ:
O pasado venres día 7 centos de delegados/as mobilizaronse en defensa da negociación colectiva como ferramenta fundamental da clase obreira
A CIG chama a organizarse e continuar coa contestación social para esixir un cambio de políticas e impedir a aplicación da regresiva reforma laboral do PP nos convenios colectivos
Delegados e delegadas da CIG, UGT e CCOO realizaron concentracións este
venres diante das sedes das asociacións de empresarios nas sete cidades
galegas e Vilagarcía en defensa da negociación colectiva como unha das
ferramentas básicas da clase traballadora para mellorar as súas
condicións de vida e laborais. A CIG denuncia que o proceso de
renovación dos convenios está practicamente paralizado pola decisión
política de determinadas asociacións empresariais de sector que están
levando ao límite a vixencia e ultraactividade dos convenios, co
obxectivo de provocar unha perda de dereitos e unha rebaixa dos
salarios.
Para máis información preme AQUÍ:
PRAZAS PARA OUTROS MINISTERIOS
MINISTERIO DE INDUSTRIA ENERXÍA E TURISMO
(BOE Nº 215 DO XOVES 6 DE SETEMBRO)
Orde IET/1889/2012
Orde IET/1890/2012
Prazas en Lugo, A Coruña e Ourense.
7 de set. de 2012
Concentracións diante dos Edificios Administrativos
O persoal das administracións retoma as mobilizacións contra o recorte de dereitos e o desmantelamento dos servizos públicos
Centos de empregados/as do sector público secundan as protestas convocadas nos distintos centros de traballo de todo o País
Os empregados e empregadas da
administración pública retomaron este xoves o calendario de
mobilizacións en rexeitamento aos recortes laborais, sociais e
económicos impostos polo PP e contra o progresivo desmantelamento dos
servizos públicos. As protestas, que se desenvolveron nos distintos
centros de traballo de toda Galiza, volveranse repetir o todos os xoves
de setembro.
Para máis información preme AQUÍ
5 de set. de 2012
SÁBADO DÍA 8 DE SETEMBRO MANIFESTACIÓN EN COMPOSTELA
Na defensa dos servizos públicos
Contra os recortes dos nosos dereitos
Pola nosa dignidade
Ás 11:30 horas, con saída dende a Alameda de Santiago de Compostela.
Convocada pola CIG e pola práctica totalidade dos sindicatos da area pública con presenza en Galiza.
Haberá autobuses dende todas as comarcas. Para anotarse e para saber os lugares e horarios de saída así como o custo do viaxe poñédevos en contacto coa xente da CIG da vosa respectiva comarca.
Para máis información preme AQUÍ:
4 de set. de 2012
A CIG, CCOO e UGT convocan protestas diante das asociacións empresariais o venres día 7 en defensa da negociación colectiva
Alertan da intención do Goberno do PP de destruír unha ferramenta básica para a conquista de dereitos laborais
A CIG, CCOO e UGT desenvolverán este venres 7 de setembro protestas conxuntas en todo o país en defensa da negociación colectiva. As organizacións sindicais teñen convocadas concentracións diante das asociacións de empresarios baixo o lema "A negociación colectiva é un dereito". Ao mesmo tempo, fixeron público un manifesto no que alertan sobre os plans do Goberno do Partido Popular para rematar cunha ferramenta básica para a conquista de dereitos laborais por parte da clase traballadora.
Para máis información: Manifesto conxunto e Lugares e Horas das concentracións, preme AQUÍ:
Subscribirse a:
Publicacións (Atom)