A CIG denuncia e manifesta o seu rexeitamento pola aplicación sectaria que fixo Correos do artigo 35.5 do Real Decreto 605/1999.
A non concesión da dispensa do servizo ao
persoal laboral da S.E. Correos e Telégrafos S.A. constitúe unha innegable discriminación
deste persoal con respecto do funcionario.
Dende a CIG cremos ademais que a non
consideración do persoal laboral de Correos como traballadores públicos é cando
menos alegal xa que os mesmos realizan servizos esenciais á comunidade.
Todo o persoal laboral debe dar grazas aos
sindicatos asinantes dos Convenios en Correos, pois grazas a eles perdéronse
moitos dereitos entre eles o de ser empregado público.
Porque estes sindicatos tan
reivindicativos que están a convocar folgas, paros etc, non din nada sobre a
recuperación do estatus de empregado público para o persoal laboral ????
O único que piden é o desbloqueo da
negociación para asinar pronto e ter algo que vender de cara ás eleccións
sindicais, aínda que sexa a costa de
seguir perdendo dereitos.
Que sentido ten ter tanta presa por
negociar cun goberno do PP que despreza aos servizos públicos, e querer asinar
xa un Convenio e Acordo cando estamos a escasos 6 meses dunhas eleccións
xerais. Non é mellor esperar aos
posibles cambios políticos que se poidan dar.
Ahhh claro, non poden esperar as eleccións sindicais son antes!!!